單親天地

收藏本版
發帖
返回列表
跳至頁

首頁
12

尾頁
   0
cikao


大宅

積分: 1032


1#
發表於 10-6-8 18:53 |只看該作者
我唔知是否行錯左,我男友對找同個小朋友都好好,好關心我地.可惜我男友個女比人仲壞哂,到時一齊住一定會好多問題出現.我都好担心佢個蝦我個小朋友,雖然依家兩個小朋友間唔中都會出來玩,相處還可以,某d 時侯佢個女都好自私霸道,要人讓哂佢,就哂佢,譬如玩遊戲抽中d 公仔又揀來揀去,係都要揀個靚既,總之佢個女就極度惡教加麻煩,如果全部野就哂佢就開心lo.真係比佢全家包括我男友仲壞哂啦!又乜都唔食,只食零食,飲汽水,日日一包大薯片,我男友話佢冇病冇痛,又冇肥胖咪算囉,餐餐晚飯白飯加青菜,肉一點都唔吃,只喝鮮奶,魚湯,佢個女萬千寵愛,當正個個工人咁洗,要個樣就有個樣,
又鍾意講大話,又貪靚,我送件衫比佢著,唔鍾意個公仔,就同佢麻麻講話件衫唔舒服,好吉,跟本就講大話,所以我以後都冇買衫比佢啦!著衫靚又對麻麻發脾氣,係一個超級硬頸的小朋友,雖然係話愛屋及烏,如果一齊生活,佢個女真係好難教,佢大個唔會聽我話架,我嚴格對佢,佢一定會告我狀,實話我刻薄佢,到時和男友一定會產生好多問題,爭吵,我又好担心我個小朋友會有樣學樣,跟住佢個女會學壞哂呀!

各位比d 意見我啦,究竟我應唔應該同我男友同埋佢個女一齊生活好呢?

或者我會嘗試下先囉,唔夾既,我會搬走.

其實我係唔係自找煩惱呢?我係唔係太貪戀呢?如果唔遇 著呢個好男人,我估我會和我小朋友開開心心過埋呢下半世就算啦.不過,我同我男友一齊我和女兒都開心左好多,可能有人同我分享喜與樂啦.
私人傳訊

cikao


大宅

積分: 1032


2#
發表於 10-6-9 21:34 |只看該作者
有冇人可以比意見我呀????????????thx!!!!!!!!!!!!
私人傳訊

四眼雞丁


子爵府

積分: 11191


3#
發表於 10-6-9 21:39 |只看該作者
原帖由 cikao 於 10-6-9 21:34 發表
有冇人可以比意見我呀????????????thx!!!!!!!!!!!!
識左幾耐?時間唔耐話/我就唔會同人一齊生活.
私人傳訊

vane


侯爵府

積分: 22841

環保接龍勳章


4#
發表於 10-6-9 22:22 |只看該作者
如果我無記錯,你是否之前都出過post講你男朋友的女兒的問題...
現在見你字裡行間講及的都是小女孩的負面....看來你們真係要想深一層.....
.如果日後生活會出現什麼問題,你和對方接受到嗎?
對2個小朋友的影響有多大?

我自己就吾見意你說:會嘗試一起生活和夾唔夾.....唔夾既,會搬走.....因為會對小朋友心靈上有不好的影響,



原帖由 cikao 於 10-6-9 21:34 發表
有冇人可以比意見我呀????????????thx!!!!!!!!!!!!

我係亞四...越忙越開心!上山下海樣樣佳能....
私人傳訊

littlecar


翡翠宮

積分: 91114

2024年龍年勳章 2018復活節勳章 畀面勳章


5#
發表於 10-6-9 22:43 |只看該作者
其實你自己都知答案架。。。接受係唔理好醜都會無怨言。。。點可以只接受乖既小朋友。。。曳既就驚頂唔順。。有教無類。。。將來你地一齊住點講你都係後母即係呀媽啦。。。如果我係你男友反而先係要考慮一唔一齊。。。你試諗下有一日你個小朋友曳。。。唔通你男友又走咩。。。坐埋一條船就一齊諗掂佢架啦。。。明顯地你根本未預備好。。。。

再者。。。你地係教小朋友方面好唔同。。。一齊住無晒私人空間之下。。。一定有一日大吵。。。你都係解決左先再諗啦。。。唔好攪到ｄ細路。。。。


原帖由 cikao 於 10-6-8 18:53 發表
我唔知是否行錯左,我男友對找同個小朋友都好好,好關心我地.可惜我男友個女比人仲壞哂,到時一齊住一定會好多問題出現.我都好担心佢個蝦我個小朋友,雖然依家兩個小朋友間唔中都會出來玩,相處還可以,某d 時侯佢個女都好 ...
私人傳訊

cikao


大宅

積分: 1032


6#
發表於 10-6-9 22:58 |只看該作者
唉.............我都知我只會話佢個女缺點

依家我男友叫我和我的小朋友一齊住先,過二,三年後,因麻麻退休,佢個女會返來一齊住

其實我會先顧及小朋友感受先囉.如果一齊住佢地兩個小朋友吵吵鬧鬧,蝦我個小朋友唔同姓,佢個女比哂說話我地聽,我實會搬走lo...........

假如一齊住得咁辛苦咁唔開心,我會選擇放棄一齊生活.什至放棄呢個唔識教女只會仲女的男人,唉,佢唔合作,一齊教好佢個女,我呢個做後母既真係好難教架,全家仲佢個女,我管佢個女實話唔開心,

真係相見好,同住難,可能見到個咁既細路女真係冇乜信心教好佢lo
私人傳訊

cikao


大宅

積分: 1032


7#
發表於 10-6-9 23:08 |只看該作者
原帖由 littlecar 於 10-6-9 22:43 發表
其實你自己都知答案架。。。接受係唔理好醜都會無怨言。。。點可以只接受乖既小朋友。。。曳既就驚頂唔順。。有教無類。。。將來你地一齊住點講你都係後母即係呀媽啦。。。如果我係你男友反而先係要考慮一唔一齊。。 ...


好多謝你的意見呀!其實我係未搵到屋暫時搬去佢度住住先,係我地兩個人教法唔同,到時我都相信一定會大吵.
我男友覺得佢個女冇問題,只係硬頸,任性.我就覺得佢個女有好多問題,雖然係有教無類,唉.........只得我一人力量,實在唔夠.其他人都仲壞!!!!!!!我呢個後母都係唔易做架啦!
私人傳訊

littlecar


翡翠宮

積分: 91114

2024年龍年勳章 2018復活節勳章 畀面勳章


8#
發表於 10-6-9 23:14 |只看該作者
無野係易架。。。真心去接納個小朋友。。。你用左心。。。只要佢有小進步你都會好開心。。。呢ｄ咪係呀媽囉。。甘心去付出。。。如果一開始你都甘計較。。。個小朋友感覺到。。。一定會同你作對。。。咪大家辛苦。。。你係成人要比小朋友成熟處事。。。你親生果個都係跟你學做人架。。。
原帖由 cikao 於 10-6-9 23:08 發表


好多謝你的意見呀!其實我係未搵到屋暫時搬去佢度住住先,係我地兩個人教法唔同,到時我都相信一定會大吵.
我男友覺得佢個女冇問題,只係硬頸,任性.我就覺得佢個女有好多問題,雖然係有教無類,唉.........只得我一人力 ...
私人傳訊

sadman


大宅

積分: 1335


9#
發表於 10-6-10 01:09 |只看該作者
有冇人係單親媽媽和單親爸爸相戀

其實真係好難 ,尤其是雙方有年幼子女,各有管教子女方法,未必適合對方,但有不能雙重標準,特別是雙方已一起生活,更要有好高的eq才維持良好關係.當然有成功例子,但我估計不多.希望樓主例外.
[939]
私人傳訊

beagledog


大宅

積分: 3828


10#
發表於 10-6-10 11:41 |只看該作者
呢個男人有幾好, 有個女唔理, 比嫲嫲湊, 佢自己冇責任咩, 就算日頭跟阿嫲, 夜晚都要跟返佢自己, 要教女, 而唔係放任佢就等同錫佢. 如果2-3年後先跟返你男友,又有你存在, 個女仔一定會比現在更差.

唔理咩原因個女會跟左爸爸, 但最慘係個女, 冇媽咪連爸爸都唔理佢, 仲要比你話佢唔乖. 冇人去關心下個女, 小朋友冇人理佢, 佢只有用好多法方令你地注意佢(即是你所講的事), 其實佢好想有人關心,錫佢, 但你男友就做唔倒.

唔知你地識左幾耐有幾了解, 好嘅男人唔會咁對自己個女.
私人傳訊

shannnb


水晶宮

積分: 59158


11#
發表於 10-6-10 11:44 |只看該作者
如果係我，會以自己小朋友為大前提囉…
雖然自己感覺都重要，但係小朋友既感受呢？萬一同呢個男人一齊住，果個小妹妹蝦自己個仔咁點呢？人地個囡，幫佢又寵壞，唔幫佢，又話好蝦人地個囡…
私人傳訊

cikao


大宅

積分: 1032


12#
發表於 10-6-10 14:43 |只看該作者
原帖由 beagledog 於 10-6-10 11:41 發表
呢個男人有幾好, 有個女唔理, 比嫲嫲湊, 佢自己冇責任咩, 就算日頭跟阿嫲, 夜晚都要跟返佢自己, 要教女, 而唔係放任佢就等同錫佢. 如果2-3年後先跟返你男友,又有你存在, 個女仔一定會比現在更差.

唔理咩原因個女會 ...



哈,其實我男友晚晚都上去見到女,直到佢訓教為止先走,因為佢成9點先收工,返去見個女都好夜了,佢好關係佢個女,佢全家人都好關心個女,好錫佢,什至係仲壞,佢地全家都唔識教個女,先搞成咁樣,你都講得好啱,2-3年後先返阿爸身邊仲難教,佢個女好鍾意引人關心,乍嗲,扮可憐,小小事就哭,都係想人錫佢關心佢,不過,我佢個女個心都係好掛住親生媽咪同佢婆婆,因為佢婆婆由細照顧到佢大,仲係要極度寵壞個種.
私人傳訊

beagledog


大宅

積分: 3828


13#
發表於 10-6-10 16:43 |只看該作者
原帖由 cikao 於 10-6-10 14:43 發表
哈,其實我男友晚晚都上去見到女,直到佢訓教為止先走,因為佢成9點先收工,返去見個女都好夜了,佢好關係佢個女,佢全家人都好關心個女,好錫佢,什至係仲壞,佢地全家都唔識教個女,先搞成咁樣,你都講得好啱,2-3年後先返 ...

如果你明白男友個女係環境導致佢呢個性格, 你應該同男友商量下, 叫佢同個女溝通多d, 了解下個女係唔係有野唔開心, 係唔係因為父母離婚而影響左個女, 個女對父母分開有咩睇法, 個女明唔明點解只有爸爸, 明唔明點解媽咪唔同佢住. 唔知你男友離婚幾多年, 嗰時有冇處理好個女嘅情緒. 希望你男友解決左個問題先, 再慢慢教返好佢.

而你可以同男友個女試下建立朋友關友, 聽下佢講野, 要明小朋友個內心世界, 了解下佢先, 唔好一開始就話佢唔啱唔乖. 你要教自己個小朋友, 可能冇時間理男友個女, 但係盡量做啦.

你男友每天晚上去睇佢, 有冇傾下計, 講下學校d野咁, 男人係唔細心, 所以你提下男友要咁做, 個女先會感到爸爸care佢.

要2個單親家庭,4個人處相得好,係好高學問,我都只係少少愚見,大家交流下.

[ 本帖最後由 beagledog 於 10-6-10 16:52 編輯 ]
私人傳訊

moon_moon


子爵府

積分: 10923

醒目開學勳章 畀面勳章 貢獻勳章 環保接龍勳章 親子達人勳章


14#
發表於 10-6-10 17:42 |只看該作者
分享我小小既經驗，我跟前男友既3個女兒感情都好好架，其中兩個已經成年，細既一個就現在中學，我地相處左幾年，佢都好我我架，就算現在佢地都會有跟我聯絡架，佢個女同我個女一樣大，但都好好朋友架，你男友個女做得對與唔對應該由佢爸爸去評價，你用愛心去跟個小朋友去相處就得架啦...其實個小朋友會明架...唔應該由你出口教男友點教女，除非佢問你意見，每個父母都會愛錫自己既細路，會有私心...會有自己教導仔女既方法，你既一套未必可以用既佢既小朋友身上，你幫佢教女可能會造成反效果，小朋友會覺得你唔鐘意佢，男友亦都會覺得你嚴棄佢個女..咁就更難相處架啦...如果你地決定一齊，我會主張你攤出來同男友傾下呢方面將來遇到問題時既處理方法呀...例如你係用咩方法教女，佢點教女你唔會比意見...諸如此類，兩個唔同背境既家庭合併一齊必定會有問題架啦，但大家應該開心見誠咁一齊共同商量同面對，咁就可以解決到架啦，事在人為嗎，只係我小小意見同經驗跟你分享下...

原帖由 cikao 於 10-6-10 14:43 發表愛心



哈,其實我男友晚晚都上去見到女,直到佢訓教為止先走,因為佢成9點先收工,返去見個女都好夜了,佢好關係佢個女,佢全家人都好關心個女,好錫佢,什至係仲壞,佢地全家都唔識教個女,先搞成咁樣,你都講得好啱,2-3年後先返 ...
私人傳訊

vane


侯爵府

積分: 22841

環保接龍勳章


15#
發表於 10-6-10 20:40 |只看該作者
MOON,
果然講得好.....
原帖由 moon_moon 於 10-6-10 17:42 發表
分享我小小既經驗，我跟前男友既3個女兒感情都好好架，其中兩個已經成年，細既一個就現在中學，我地相處左幾年，佢都好我我架，就算現在佢地都會有跟我聯絡架，佢個女同我個女一樣大，但都好好朋友架，你男友個女做得對與唔對應該由佢 ...
我係亞四...越忙越開心!上山下海樣樣佳能....
私人傳訊

cikao


大宅

積分: 1032


16#
發表於 10-6-10 20:47 |只看該作者
moon moon:
得閒指教下我點教啦!我男友家人又好抱有希望想我教好佢個女,等佢乖d,可以有正常既食習慣.
雖然我係有成見,係因為吃力不討好,個小朋友又冇乜進步先會咁.特別係飲食問題,佢地太心軟啦,個小朋友扭計就有薯片汽水食,食完又唔食飯.
希望到時一齊住真係可以令佢改變下啦!兩個小朋友又鍾意爭第一,認叻,最煩係不懂禮讓,真係好麻煩架.
私人傳訊

cikao


大宅

積分: 1032


17#
發表於 10-6-10 20:53 |只看該作者
beagledog :
佢個女已知道咩事父母會分開啦! daddy 話媽咪唔乖,做錯事,先會分開,佢個女個媽咪好錫又好仲架.其實佢好幸福就真,好多人好錫,好遷就佢,daddy 每晚都返去見佢,同佢玩,相反我個前夫及其家人好少見我個女,因為佢地鍾意仔,唔鍾意女,所以唔稀罕.我個女真係好可憐呀!仲有少少自卑添.
我個女就好担心我男友搶走我,唔要佢,但又好奇怪,佢又鍾意我男友.
私人傳訊

sadman


大宅

積分: 1335


18#
發表於 10-6-10 23:43 |只看該作者
原帖由 moon_moon 於 10-6-10 17:42 發表
分享我小小既經驗，我跟前男友既3個女兒感情都好好架，其中兩個已經成年，細既一個就現在中學，我地相處左幾年，佢都好我我架，就算現在佢地都會有跟我聯絡架，佢個女同我個女一樣大，但都好好朋友架，你男友個女做得對與唔對應該由佢 ...


moon moon 校長 , 欣賞你的人情世故 , 做學生的我 , 多多向你學習
[939]
私人傳訊

moon_moon


子爵府

積分: 10923

醒目開學勳章 畀面勳章 貢獻勳章 環保接龍勳章 親子達人勳章


19#
發表於 10-6-11 00:11 |只看該作者
Vane, Sadman哥哥....只係我既吹水睇法同經驗遮...學習咩呀...咪玩我啦...

cikao..唔敢講指教…都話只係分享我既經驗...

首先你要明白男士通常係要求小朋友尊守家規方面會比較無敢嚴，通常都係媽咪做醜人，你男友唔同個女住添，咁當然會更惜佢多點啦..呢點就係你地所謂既"縱"，呢點你應該先體諒下佢，個小朋友已經8歲，咁多人惜，你唔好預期單靠你做醜人就可以改變到佢既行為習慣先得架，係無可能架，你一定要同男友商量，要解釋佢知淨係你開聲叫佢唔好食飯前飲汽水食零食，個小朋友就只會諗"我爹地都唔話我，你係我邊個，走黎話我?"咁就只會弄巧反拙...所以一定要佢配合....咁先有用…要用計..要令個小朋友明白你都惜佢，舉個例，叫男友用嚴少少既語氣話個女，嬤嬤幫爹地口，你就同佢地同個小朋友講，你都想飲，不如食完飯一齊飲少少...咁小朋友又覺得你support佢，男友又會覺得你花心機教佢個女，咁咪一舉幾得囉...呢個只係舉例...但都係要時間既，同睇下小朋友既性格，唔急得，同埋都係個句，要先同男友溝通好，同埋唔使下下爭住幫佢教女既..希望少少分享幫到你.....

原帖由 moon_moon 於 10-6-10 17:42 發表
分享我小小既經驗，我跟前男友既3個女兒感情都好好架，其中兩個已經成年，細既一個就現在中學，我地相處左幾年，佢都好我我架，就算現在佢地都會有跟我聯絡架，佢個女同我個女一樣大，但都好好朋友架，你男友個女做得對與唔對應該由佢 ...
私人傳訊

babytszkin


侯爵府

積分: 21829


20#
發表於 10-6-11 08:12 |只看該作者
我都覺得moon~ee好有道理,好現實咁講做女人邊個都希望搵個對自己好又事業有成兼未婚的男人,但講真唔係話自卑,人選您您選人,而家d男人都希望搵個幫到手的女人!咁多中女事業有成都重未嫁得出~何況我呢個單親mami!
如果您怕失去您男朋友但您又接受唔到他個女,我同意moon的講法您用愛心感化她~畢竟嗰個重係細路仔~您係成年人~有得教架~您男人知您愛屋及烏~可能愛您重多d架~
係您唔開心的時間,放大您男友的優點!畢竟遇上能相愛的人~係難事~
私人傳訊


首頁
12

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見