吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 單親天地› 已經同BB分開左喇~~~

單親天地今日: 0|主題: 18272

收藏本版

發帖

返回列表

跳至頁

查看: 8023 | 回覆: 67

已經同BB分開左喇~~~ [複製鏈接]

12 3 4

Princess_Sa

大宅

積分: 1226

開心吸收勳章好媽媽勳章醒目開學勳章

1^#

發表於 05-5-30 10:45 |只看該作者

已經同BB分開左喇~~~

我今年20歲，已經出左黎做野，岩岩5月初同男朋友分開左，原因係佢承認由頭到尾都厄緊我冇鍾意過我，但前兩日我發現自己有左一個月BB，我既開心又難過，開心係因為我真係好鍾意小朋友，唔開心係因為我唔知可唔可以生佢出黎，我未同BB個爸爸講，但我d朋友(都識得佢)都話佢一定叫你落，甚至會唔認數，我真係唔知點做，你地可唔可以俾d意見我呀？

**BB佢好乖架！可能未係時候啦！但我到依家都冇咩特別唔舒服或者作嘔，我真係好唔捨得佢...............

私人傳訊

貓BB

男爵府

積分: 7665

2^#

發表於 05-5-30 12:37 |只看該作者

Re: 應該生佢出黎ma？~~~

你要唸清楚,生bb出黎唔係講笑,係好一個好長遠既大責任,冇哂私人時間,同如果你唔結婚咁生bb,要面對既人會好多,例如屋企,朋友,生活,都要自己一個人,你可以嗎?
因為你都話佢爸爸唔會認數~即係等同冇e個人啦~
但bb係無辜,可愛,所以都係你自己唸啦...

私人傳訊

may9912

大宅

積分: 3990

好媽媽勳章醒目開學勳章

3^#

發表於 05-5-30 12:38 |只看該作者

Re: 應該生佢出黎ma？~~~

更係唔好落啦, 個BB係'無姑'呀, 而且佢仲咁可愛, 就算BB爸爸唔要佢, 你都要保住佢呀! 米自已養大佢囉, 唔會死架! 我地會支持你!

私人傳訊

貓BB

男爵府

積分: 7665

4^#

發表於 05-5-30 12:47 |只看該作者

Re: 應該生佢出黎ma？~~~

may9912 寫道:
更係唔好落啦, 個BB係'無姑'呀, 而且佢仲咁可愛, 就算BB爸爸唔要佢, 你都要保住佢呀! 米自已養大佢囉, 唔會死架! 我地會支持你!

咁又係呀..冇男人唔會死既~
不過要自己可唔可以接受到自己多一個bb係身邊..生得出佢就要養大佢教導佢~加油!~~~~
20歲唔細架啦...我生大女個陣16歲幾..咪又係一個人湊...要做一定得既..

私人傳訊

may9912

大宅

積分: 3990

好媽媽勳章醒目開學勳章

5^#

發表於 05-5-30 14:17 |只看該作者

Re: 應該生佢出黎ma？~~~

我有左初時, 我老公都叫我落左佢啊, 果時仲未結婚, 老公仲要去讀書, 怕我地冇能力養佢, 但係我堅持要生佢出黎, 佢唔養我養, 點幸苦都唔怕, 因為個BB無錯架, 而家就黎6個月啦仲好得意添, 見到佢咁Q, 咩幸苦都值啦!

私人傳訊

milkbear23

伯爵府

積分: 17712

好媽媽勳章醒目開學勳章畀面勳章環保接龍勳章 BK Milk勳章

6^#

發表於 05-5-30 14:28 |只看該作者

Re: 應該生佢出黎ma？~~~

check pm

[img]

[/img][img align=left

私人傳訊

nikitaki

大宅

積分: 2464

7^#

發表於 05-5-30 17:57 |只看該作者

Re: 應該生佢出黎ma？~~~

我以前都試過有左bb,跟住我男朋友(而家係我老公)都叫我落左佢..結果...我就冇要到個bb..但係我真係好後侮..呢個會係永遠既傷口,係會好難受架!!所以我勸您就唔好落呀~~況且..其實一個人都可以同bb有個好開心既"張"來架~再遲d bb大杳3時,佢踢您既時,您就會體會到其實係好開心架~其實bb係無"孤"架~既然您鍾意小朋友,就唔好放棄佢啦~~我地好多人都會支持您架~我而家都22yr咋..駝左阿b6個,當我feel 到佢慢慢係個肚仔到長大既時..真係好感動.....

歡迎光臨~ＮｉＫｉ變靚店~大量美容纖體嬰兒家居產品~

私人傳訊

walkinthesun

複式洋房

積分: 414

8^#

發表於 05-5-31 01:00 |只看該作者

Re: 應該生佢出黎ma？~~~

我地好多人都唔會贊成你落左去....但係你自己都真係要諗清楚...因為你會要面對好多野...因為我都未結婚,有好多野要去面對,而我又冇人幫...
但係你慢慢feel到bb係你個肚郁黎郁去,你真係會好開心架
我當初一知自己有左,我就已經講到明話唔要,因為我係一個完全唔鐘意bb既人,由其我一聽到佢地喊個時,我真係想打佢地,因為我覺得佢地好煩(係咪好變態呢？)但係而家我已經唔係咁la,我而家已經駱住阿b都成8個月la,我完全feel到自己係好愛呢個bb,好彩當初冇落左佢咋！！
如果你真係要落真係唔好返大陸or黑市呀！因為隨時會搞到你不育..到左大d想生都冇得生呀！！！

私人傳訊

kathychoi

子爵府

積分: 11559

9^#

發表於 05-5-31 10:02 |只看該作者

Re: 應該生佢出黎ma？~~~

我同你一樣..都係二十歲..o岩o岩f.7 畢業..本來諗住專心一意考好個a-level 佢..但點知就係依個時候有左bb 豬..開頭我男朋友都諗住唔想要bb 豬..因為我地仲讀緊書..而且無經濟能力..但我唔肯..有左bb 豬頭三個..我日日係咁嘔..真係好辛苦..辛苦到有諗過放棄唔要..但依家佢日日係我個肚度郁同踢..令我感到好滿足同開心..果種感覺真係只有做媽咪既先feel 到!! 試過有一次..我男朋友同我講話決定唔要bb 豬..果陣時我真係接受唔到..因為果陣時我已經三個幾月..bb 豬已經成左形..我諗住同男朋友分手..自己一個人湊+養大個bb 豬..我記得果陣時..我媽同我講過話無論我決定要唔要bb 豬都好..佢都會支持我..果陣時我真係好感動..所以我決定無論如何點都要為bb 豬撐落去..其實你未試過又點知你男朋友唔要?? 或者聽你聽到佢講話唔要時你會好傷心..但咁樣其實係上帝俾你認清楚依個係咩人!!
要養一個小朋友真係唔容易..你一定要諗清楚..其實如果你想要..而你家人又支持你..咁就得架啦..好似我咁..依家係屋企安胎..得老公做野..每個月賺六千..慳慳地都夠!!依個世界上無咩係唔得..之前我睇過本有關bb 既書..佢講話"上帝不會賜予每一對父母他們能力範圍以外的寶寶" ..如果我地面對任何野都對自己有信心..相信自己做得到..咁真係無咩會唔得..或者有時會遇到錯折..但果d 都只係短暫既事!!無論你既決定係點..我地都會支持你..只希望你所做既決定係從"心"..唔好勉強自己去做自己唔想做既野..人地既眼光同諗法係人地既事..我地管唔到..最緊要係自己開心..希望你有個開開心心既將來!!

世家才俊凌宵揚，然諾有禮人敬仰。 多謝Joycelyn 贈予的詩

私人傳訊

Princess_Sa

大宅

積分: 1226

開心吸收勳章好媽媽勳章醒目開學勳章

10^#

發表於 05-5-31 10:31 |只看該作者

Re: 應該生佢出黎ma？~~~

我好開心見到咁多人支持我同BB，但我昨晚開口同我媽咪講我有左既時間，佢好唔開心，佢唔贊成我生BB出黎，因為佢話佢都做人阿媽，佢明白到如果唔可以俾BB一個好既環保成長，只會害左BB，我見到佢喊住口咁講既時候我真係開始有D動搖，或者咁岩同一時間我親妹妹又有左，所以媽咪接受唔到兩個女同時有左啦！不過我都會同埋BB個爸爸講左先，佢咁岩呢兩日返左大陸做野，但我真係唔想我媽咪咁傷心....... :-(

私人傳訊

christywai

大宅

積分: 2118

11^#

發表於 05-5-31 11:08 |只看該作者

Re: 應該生佢出黎ma？~~~

如果你真係好鐘意個bb, 而你自己又有一個長遠既計劃去養大佢, 咁你咪生佢出嚟囉. 但你一定要知道, 你生咗佢出嚟, 你要面對好多嘢, 條路會好辛苦, 要有心理準備. 其實我都有少少後悔生咗綽楠出嚟, 因為我覺得自己俾唔到家庭溫暖佢, 要佢咁細個就要面對咁多嘢, 好對佢唔住, 所以你自己諗清楚啦, 但我都一定會支持你架!

私人傳訊

黑魔鯉

大宅

積分: 2497

12^#

發表於 05-5-31 11:25 |只看該作者

Re: 應該生佢出黎ma？~~~

我都係20歲~依家8月個喇~~陀得好好~~最初知道自己有左既時候,我冇想過話唔要個bb~我同我男朋友(姐係依家個老公)講,我有左,佢都覺得驚訝,不過我地商量好先同佢爸爸講,不過無論如何我同我老公既決定佢爸爸都會支持,而我媽媽就預左我會有bb,所以都冇咩反應,其實有左bb,決唔決定生
,完全係你手上便,要想清楚囉~依一下真係講得出做得到呀!!
唔係話生就生,要考慮好多野嫁,唔好聽人地片面之詞,就取去依個小生命,我會覺得好可惜,當你陀到5-6個月你就會feel倒bb係你體內郁,果種感覺只有自己知道,會好開心嫁...所以你自己要想清楚喇~~~

私人傳訊

cici20

民房

積分: 87

13^#

發表於 05-5-31 20:30 |只看該作者

Re: 應該生佢出黎ma？~~~

你一定唔好落呀~bb係無辜嫁~我都係比個衰佬飛左自己生個bb出黎~雖然自己一個冇人幫我係好辛苦~但你要記住個bb係流緊你既血~係你既親生骨肉黎嫁~你要堅強堅持呀~~我地bk媽咪係會支持你嫁~

私人傳訊

water111

大宅

積分: 2368

14^#

發表於 05-5-31 22:20 |只看該作者

Re: 應該生佢出黎ma？~~~

Princess_Sa

BB有自己既生命,BB係冇罰,如果你就咁放棄左佢, 佢就會變得好可憐好無辜咁完結左自己既生命, 當初你同男朋友愛愛時候就要預左會有BB既可能, 你地要對自己所做過既事負責, 如果你男朋友同你媽媽到最後都唔支持你生, 你就去搵母親的抉擇睇下有D咩可以幫到你
不過最緊要知道自己安排:
-當你返工時邊個幫你照顧
-金錢上能否應付
-

私人傳訊

superlover_mak

大宅

積分: 4844

15^#

發表於 05-5-31 23:14 |只看該作者

Re: 應該生佢出黎ma？~~~

Princess_Sa

見到你咁, 我就諗番起以前.....
我今年17歲, 我個仔都有3個月大~我都係前兩個week先考完會考~當初我有左bb既時候, 我好驚~我唔敢同我男朋友&屋企人講~當我男朋友知道左之後, 佢就叫我落左佢~但我唔肯~之後, 我就成日同我男朋友鬧交~因為我地對要唔要bb既態度都好唔同~什至我已經開到口講到明要同佢分手~自己一個養起我既bb~但我男朋友唔肯同我分手~so佢只好接受~到我返學既時候, 有一次我上堂跑肚痛入左e院~俾我屋企人知我有左~佢地叫我唔好要~但我有左7個月根本就落唔到~
我bf既媽咪叫我返大陸落話就算我個bb出左世都會係低能~但我都唔理佢地講咩野~我只知道bb係有life~我冇權去握殺佢~我更加唔會俾人領養佢~既然我生得佢出我又做咩野要俾人領養佢~到而家bb出左世咁耐~我屋企人同我同bb既關係好融洽~個個都好錫佢~雖然我同我男朋友唔係一齊住~佢搵錢又唔算多~但我地都盡量俾最好既佢~我慶幸我冇落左佢~如果我落左佢我一定會好後悔~睇住個仔一日一日大真係好開心ga!
其實, 做每一樣野都要堅持己見~唔好俾身邊既野影響到你~只要係堅持就冇人阻到你~冇論你既決定係點, 我地都會support你~but呢一件係會影響你一生既事, 你要認真諗諗~

卓軒小棧

私人傳訊

神奇小子

洋房

積分: 80

16^#

發表於 05-5-31 23:50 |只看該作者

Re: 應該生佢出黎ma？~~~

Dear Princess_Sa

你是不是一個堅強 / 硬淨的人 ?

生小朋友, 唔係一句話佢係"無辜"就可以取決要定係唔要, 因為現實係殘酷, 如果得到身邊人支持, 當然一切可迎刃而解, 但目前, 你的媽媽已是第一個表明不會支持你的, 那麼將來, 可能已小了一個可幫助你的人, 駝住一個 bb, 當bb令到你身體上產生不適時, 那會是你最脆弱的時候, 看著別的大肚媽媽時, 便會覺得自己份外可憐, 當生完小朋友時, 自己身體會變得虛弱, 你自己能應付嗎 ?

b b 真的是無辜的, 但我害怕你會傷害了自己, 當一個人得不到支持時, 真的很無助, 我們當然可於這裏給你無限的支持, 但實際上, 我們並不能做到什麼, 對嗎 ? 就是這裏的支持, 你覺得足夠嗎 ? 很多產前或產後的抑鬱症, 就是這樣慢慢的形成.

但若果你是一個堅強 / 克苦 / 硬淨的人, 那你可以考慮把 bb生下, 因 bb 真的可以帶給媽媽無比的動力及勇氣去面對一切, 當然也要實際一點, 考慮到金錢能否應付, 時間能否應付, 由其是要付出的精神, 你是無法估計的.......................

我很同意你媽媽說的話, 因為我也是兩女之母, 我記得我於一本雜誌看過一篇文章, 文中的媽媽像你這樣的年紀, 生下了一個bb仔, bb是肥肥白白十分可愛, 但文中的媽媽說照顧bb很麻煩, 半夜要起身餵奶, 要抽時間帶打針, 要留意著他的健康, 每天也不能出街, 出街便要帶著一大袋 b b 的用品, 最後這位媽媽說了這一番說話"很後悔生0左呢舊野出0黎", 她竟然說自己的兒子是 "呢舊0野", 我看後真的很心痛, 為什麼你生他之前不好好的想清楚 ????????

還要想想若男朋友不能負責時, 你將來的老公及他的家人可接受嗎 ? 我所說的一切, 好像全都是不好的事, 但卻全都是你可能要面對的...........你好好的再和媽媽傾下, 好好的想清楚吧.

我們也是會支持你的

私人傳訊

kathychoi

子爵府

積分: 11559

17^#

發表於 05-6-1 10:40 |只看該作者

Re: 應該生佢出黎ma？~~~

我之前問過母親的決擇既社工..佢話有個地方(好似幾遠下)專安排俾d 單親而又無人照顧既媽咪..果度有好多野學..個個都係單親媽咪..仲有社工..所以如果你屋企無人照顧你..可能考慮下!! 其實如果你真係想要既話..就要立定決心..唔好後悔..我本身唔係咁鐘意小朋友..加上為左bb 豬..我放棄左升大學既機會..以前讀得咁辛苦都唔知為左d 乜..但到依家..我一d 都無後悔到..因為我發覺係bb 豬引發我既母愛..而我老公亦為左我同bb 豬而放棄左佢想讀既design ..每日辛苦咁做野..但我地依家好期待bb 豬既出世!!
如果可以既話..希望你能抱著開心既心情安胎..因為你唔開心..你肚裡面既bb 真係feel 到架!! 我琴日睇本書..講話如果當一個媽咪知道左自己有左就唔想要bb ..就算勉強生左落去..第時個bb 唔會飲媽咪d 奶..因為佢知媽咪係唔想要佢..佢係唔受歡迎!!
其實每個媽咪都好錫自己d 仔囡..你一定要同你媽咪講清楚你想點..如果係決定要bb ..要面對既野真係好多好多..但你要相信上帝..佢唔會俾d 你能力以外既野你做or 考驗..如果你決定唔到..祈下禱..祈求上帝俾指引你呀!!

世家才俊凌宵揚，然諾有禮人敬仰。 多謝Joycelyn 贈予的詩

私人傳訊

superlover_mak

大宅

積分: 4844

18^#

發表於 05-6-1 11:01 |只看該作者

Re: 應該生佢出黎ma？~~~

如果你有需要既, 你試下搵社工呀~佢地真係會幫到你好多ga!我自己都有社工跟緊~佢會協助你!!
有左千祈唔好唔開心!我o個時有左就係因為成日喊成日唔開心~攪到個仔d情緒好差~又惡死~bb係會跟隨媽媽既一舉一動~你唔開心,佢係你個肚度係feel到ga~開心d, 咁個bb都會warm d 開心d ga~

卓軒小棧

私人傳訊

nikitaki

大宅

積分: 2464

19^#

發表於 05-6-1 22:50 |只看該作者

Re: 應該生佢出黎ma？~~~

superlover_mak ,

您好勇敢呀!!~~

歡迎光臨~ＮｉＫｉ變靚店~大量美容纖體嬰兒家居產品~

私人傳訊

Princess_Sa

大宅

積分: 1226

開心吸收勳章好媽媽勳章醒目開學勳章

20^#

發表於 05-6-2 11:09 |只看該作者

Re: 應該生佢出黎ma？~~~

我終於同左bb個爸爸講喇！雖然佢都好唔捨得bb，但佢覺得呢一刻佢未能做到一個好爸爸，且佢話長痛不如短痛，與其生佢出黎三個都會唔開心，不如早d唔要佢..........我聽完之後係有d唔開心既，但我冇嬲佢，或者係因為我已經預左佢係咁......今朝我都同左我爸爸講我既事，佢同我媽咪一樣完全反對，認為既然個男仔都話唔要何必要生佢出黎，之後就走左去返工，我聽到佢咁講我即刻喊，因為我覺得屋企冇一個人係支持我，我都打過俾母親的決擇既社工，雖然佢地講既野我全郭都諗詔哂，但佢地有一句野我覺得係好岩，佢地話個bb係我架！佢地叫我勇敢講出自己既感受俾父母知，我好驚，驚自己一個真係俾唔到一個好既環境bb成長，我可以好堅強咁話保護bb，但我真係好驚自己做唔到，社會上又有d咩可以幫到我.................

私人傳訊