論盡家傭

跳至

首頁

尾頁
   0


子爵府

積分: 10622

醒目開學勳章


發表於 10-8-12 13:38 |顯示全部帖子
>>>原文12/8/2010

風水輪流轉!從來只有僱主炒外傭,少見外傭炒僱主,不過近兩年陸續有菲傭「劈炮唔撈」,紛紛外流至加拿大等地打工,有菲傭更不惜補足一個月代通知金,務求即遞信即走。突如其來的請辭,令僱主大傷腦筋,由於舊去新未來,有僱主須放棄高薪厚職,直至聘請到新外傭為止,就連僱傭代理亦嘆「依家輪到外傭唔急僱主急啦!」

「未完約就話要走,對我哋(僱主)真係好冇保障,好似當我哋係踏腳石咁。」黃太一年前聘請外傭,豈料合約未完菲傭便辭職,黃太懇請菲傭待至聘請新女傭為止,但菲傭寧願賠償一個月代通知金也要即時離去,「原來佢喺加拿大搵到工,仲急住過去,好彩我奶奶可以臨時幫手湊BB,如果唔係真係唔知點算。」
設最低工資 加班補水來港工作已有四年的菲傭Suarez快將與僱主完約,在準備再簽新約同時,亦已悄悄委託正在加拿大打工的同鄉在當地替她找工,Suarez不諱言,一旦有加拿大僱主聘請,便會立即向在港僱主辭職,「在加拿大做工,樣樣條件都比香港好,而且做看護工作多元化,不一定只做家務,做幾年更可申請做永久居民。」

據了解,加拿大設最低工資,每日只須工作八小時,如加班工作可獲補薪,又可選擇加班與否。即使扣除菲傭需自付的食宿費,每月仍可淨賺七千港元。更吸引的是,菲傭在當地的工作量遠低於香港,部分菲傭在當地甚至不需做家務,只在幼兒園擔當照料小朋友的工作。

根據駐港加拿大領事館的資料顯示,該局每年在港發出約四千個看護的工作簽證,當中大部分為菲律賓人,不少港人僱主不禁表示,「嗰邊做嘢人工高福利好,我都想申請過去做看護!」

僱主焗辭工 照顧女兒對於女傭另有高就,大部分僱主其實並不介意,不過就抱怨菲傭太遲通知,僱主Winnie表示,在她家工作近四年的菲傭今年四月突然辭職,幾經苦勸下,女傭才願意多留三星期,但仍無助Winnie另覓新女傭照顧其年僅九歲的女兒,最後她要辭職解決,「遞信之後無幾耐就出花紅同升職,起初都會覺得唔抵,但為咗屋企都無辦法。」折騰逾月,Winnie才聘得女傭,但新女傭九月才到埗,「依家喺香港真係好難請菲傭,所以好多僱主對女傭失驚無神遞信都覺得好煩。」

雖然僱主想外傭提早通知好作準備,但大部分菲傭表示,除非與僱主關係很好,否則會留待最後一刻才通知,因擔心預早通知會被僱主提前解約,造成「兩頭唔到岸」。女傭中心負責人黃先生承認,近兩年僱主確實很難聘得完約外傭,「完約菲傭依家會揀工打,可以去加拿大,甚至上網託同鄉搵工,唔再係等人搵。」黃指,加拿大人工高福利好,對在港工作菲傭絕對吸引,香港無可避免成為菲傭的「跳板」。

香港家庭傭工僱主協會主席羅軍典指,過去十年,菲傭因到加拿大工作而與僱主斷約的投訴時有聽聞,該會亦曾為此與加拿大領事館交涉,羅引述當時領事館回應指,當局無意因此政策而令本港僱主受斷約困擾,亦不容忍申請到加工作的菲傭與前僱主的毀約行為,並指會檢討現行政策,務求減少本港菲傭斷約的情況。羅提醒,所以如菲傭提前解約,或會不獲加拿大發出工作簽證。
■文﹕龔蕙芝、黃家豪/圖:甘偉倫、馮溢華


子爵府

積分: 10622

醒目開學勳章


發表於 10-8-12 13:41 |顯示全部帖子

探射燈:平日無故請假辭職先兆

>>>原文

要預先察覺菲傭是否「想走」正安排後路,僱主需留意為女傭要求簽署的所有文件,因為分分鐘其中一份是介紹信;如菲傭無故在平日請假,亦是警號之一。

誘簽介紹信文件因為要向加拿大申請看護的工作簽證,菲傭須提交在香港有照顧小朋友工作經驗的證明。曾有菲傭擔心會被僱主知道其去意,將實為介紹信的文件,以替妹妹申請教育資助金為由,騙僱主簽署,但由於信件上清楚寫明在港工作的時間,又特別註明「照顧小朋友」等字眼,明顯是一封離職信,僱主起疑並查問,菲傭才承認欲申請到加拿大工作。
此外如菲傭在平日申請放假,僱主要特別留神,因可能是菲傭要藉此驗身或到領事館面試。這些都是僅有可讓僱主知道菲傭或有去意的行為,可及早準備,便不致在菲傭突然請辭時出現手忙腳亂情形。


子爵府

積分: 10622

醒目開學勳章


發表於 10-8-12 13:42 |顯示全部帖子

誘簽介紹信文件

>>>原文

外傭難請!除了因為菲傭可另覓好路數外,本港近月吹起「最低工資」風亦是原因之一。

社會在談論最低工資之際,盛傳外傭亦會受惠,這無疑是外傭的喜訊,但卻是僱主的困擾。外傭僱主義工隊成員陳錦花指出,近日傳得火熱的外傭加薪傳聞,影響部分外傭不願簽約來港工作,「因為舊約冇得加,(未來)新約先有,好多外傭都想等到公布先簽約,搞到好多僱主好難請人。」更有不少將完約的菲傭假傳消息,指有僱主已主動調高外傭人工,藉此「吊高嚟賣」,遲遲不願簽約,令僱主們大為頭痛。

大部分僱主認為,政府有必要澄清傳言,不要令外傭錯覺有得加薪,「一係好似兩年前早啲落實加薪,唔好任由傳言四起,真係搞到我哋好頭痕。」


複式洋房

積分: 246


發表於 10-8-12 13:42 |顯示全部帖子
如果好似呢位羅生講:菲傭提前解約,或會不獲加拿大發出工作簽證。咁就最好啦,起碼可以保障咗香港僱主先,唔使經常都聽到突然間冇咗個工人。:lol


子爵府

積分: 10622

醒目開學勳章


發表於 10-8-12 13:44 |顯示全部帖子
尋日終於出了報導,希望我地o既經歷,可以令多D香港人知道請工人唔一定有錢,亦唔係咁荀,最重要係法例底下,外傭僱主係捱打,有咩事發生都係墊屍底


男爵府

積分: 5919

2019新春慶豚圓 2019勳章


發表於 10-8-12 13:57 |顯示全部帖子
唔怪得我件EX成4X歲, 都好快就搵到新老細, 繼續為害人間
多拉A夢對大雄說:人的眼睛生在前面因為人是要向前看的
Don't look back in anger


伯爵府

積分: 18319

2019勳章 好媽媽勳章


發表於 10-8-12 14:07 |顯示全部帖子
睇見到驚, 咁係咪唔好請賓賓先? 唉!


大宅

積分: 2148


發表於 10-8-12 15:49 |顯示全部帖子
今朝我同事先話,點解d天災石流呀不去菲、印呢?佢地咁鬼死衰!菲的走佬、勾佬、大肚、借債、印的喂b飲尿、落降頭、打人…
我話:咁不好咁黑心,不過如果有報應呢我都好想看看呢d工人的下場!唯有話我地HK的僱主福薄啦!


子爵府

積分: 11384

2019新春慶豚圓 畀面勳章


發表於 10-8-12 16:22 |顯示全部帖子
原帖由 winnie_sh 於 10-8-12 13:41 發表
>>>原文

要預先察覺菲傭是否「想走」正安排後路,僱主需留意為女傭要求簽署的所有文件,因為分分鐘其中一份是介紹信;如菲傭無故在平日請假,亦是警號之一

誘簽介紹信文件因為要向加拿大申請看護的工作簽證,菲傭須提交在 ...


全中...
前bun之前無端端話thu要請半日假
佢話因為佢地衛大的國家要佢班衛大的國民
更換新的passport~
當時我曾經上黎bk問過
亦當然無咁ge事喇...
不過最後我都比佢放在半日假
反正若果要走
留黎都無用
過左一段時間
佢就比左封resign letter我老公
眼濕濕聲震震下話要返歸take care佢雙親喎...




我睇到封信第一個反應係覺得佢...底能...
跟住叫老公打過封信比佢簽



當佢睇到之後...
竟然還好意思問我地點解唔簽佢比我地封信
老公答佢你個format錯左
我個封至係正式ge format
最後佢係房唉聲歎氣左成個鐘之後至死死氣簽比我地


子爵府

積分: 13581

2019新春慶豚圓 2019勳章


發表於 10-8-12 16:33 |顯示全部帖子
所以唔好請d咁高學歷的工人。

我工人都有同我講Canada幾好,佢d friend、aunts 都去左,我問佢:你做乜唔去?

佢話佢學歷唔夠喎!

其實 Canada 要咩學歷架?

佢如果走,我就請返我個舊工人,佢有 75分,我舊工人係我心目中有 90分架!


侯爵府

積分: 23755

好媽媽勳章 大廚勳章


發表於 10-8-12 16:53 |顯示全部帖子
原帖由 chow_mama 於 10-8-12 16:22 發表


全中...
前bun之前無端端話thu要請半日假
佢話因為佢地衛大的國家要佢班衛大的國民
更換新的passport~
當時我曾經上黎bk問過
亦當然無咁ge事喇...
不過最後我都比佢放在半日假
反正若果要走
留黎都無用
過左一段 ...
威哩骨!確係醒!! 好地地老實講出黎都話丫!!鬼鬼屎屎叫你簽埋d唔知乜,佢以為人人都學佢咁…發展遲媛。


子爵府

積分: 12442

畀面勳章


發表於 10-8-12 17:01 |顯示全部帖子
可以做幾年就有居留權, 我地都想去.......


天珠殿

積分: 1124565

2019新春慶豚圓 2019勳章 2018父親節勳章 2018母親節勳章 2018復活節勳章 開心吸收勳章 最關心BB問題熱投勳章 認識瑞士牛牛第二回 認識瑞士牛牛第一回 育兒性格勳章 我的育兒心得勳章 想生BB熱投 DHA勳章 好媽媽勳章 醒目開學勳章 畀面勳章 wyeth冷知識勳章 貢獻勳章 環保接龍勳章 親子達人勳章 hashtag影視迷勳章 15週年勳章 親子王國15週年勳章 親子王國15週年勳章


發表於 10-8-12 17:08 |顯示全部帖子
原帖由 noproblemom 於 10-8-12 17:01 發表
可以做幾年就有居留權, 我地都想去.......


我聽同事說: 其實佢地正式成為當地國民,便要重交稅,咪由得佢地去'歎'囉


伯爵府

積分: 17656

2019新春慶豚圓 2019勳章


發表於 10-8-12 19:00 |顯示全部帖子
最近姐姐又係請咗幾個鐘頭假話去領事館。我都費事問detail. 佢要走始終都要走,自已辭職我唔駛俾Long Service 添。

八卦問一下,係咪大學畢業至可以申請去Canada?


男爵府

積分: 7104

2019新春慶豚圓 2019勳章


發表於 10-8-12 19:09 |顯示全部帖子
my bun said, no need high qualification. they can pay money to buy a degree certificate


侯爵府

積分: 23755

好媽媽勳章 大廚勳章


發表於 10-8-12 19:22 |顯示全部帖子
原帖由 ramuza 於 10-8-12 19:09 發表
my bun said, no need high qualification. they can pay money to buy a degree certificate
哈!!有冇廉政,都唔係咁緊要丫!轉身份又得,轉學歷又得…………得左!!!


男爵府

積分: 6525


發表於 10-8-12 20:21 |顯示全部帖子
原帖由 winnie_sh 於 10-8-12 13:38 發表
>>>原文12/8/2010

風水輪流轉!從來只有僱主炒外傭,少見外傭炒僱主,不過近兩年陸續有菲傭「劈炮唔撈」,紛紛外流至加拿大等地打工,有菲傭更不惜補足一個月代通知金,務求即遞信即走。突如其來的請辭,令僱主大傷腦筋,由於舊去新 ...


winnie , 多謝你e個post


子爵府

積分: 10622

醒目開學勳章


發表於 10-8-12 21:20 |顯示全部帖子
原帖由 傻鴨菇芝 於 10-8-12 20:21 發表


winnie , 多謝你e個post

因為我都經歷埋一份,唔公開佢地D衰野,就對唔住班BK媽咪,所以要多謝東方日報龔小姐為我地報導最慘烈戰況,呢期就主打外傭流失去加拿大同加薪傳聞,佢會繼續留意家傭版,有任何需要,到時希望所有BK媽咪都唔好推,盡管影一張相,出一次報導,其實真係唔多人記得,但keep住見到報導,先係我地義工隊最想效果,因為太多香港人唔知外傭僱主真實面對緊乜野境況,我地呢班係無能政策下墊屍底o既僱主,真係好慘!


別墅

積分: 505


發表於 10-8-12 22:23 |顯示全部帖子

回覆 1# winnie_sh 的文章

除左加拿大外, 我個BUN姐話佢姑奶(4X歲, SINGLE)同有幾個同我地屋苑O既BUN姐, 都去左西班牙做褓姆. 好似幾好PAY, 都有過萬一個月.


子爵府

積分: 10607


發表於 10-8-12 22:43 |顯示全部帖子
ANYWAY THX WINNIE

原帖由 winnie_sh 於 10-8-12 21:21 發表

因為我都經歷埋一份,唔公開佢地D衰野,就對唔住班BK媽咪,所以要多謝東方日報龔小姐為我地報導最慘烈戰況,呢期就主打外傭流失去加拿大同加薪傳聞,佢會繼續留意家傭版,有任何需要,到時希望所有BK媽咪都唔好推,盡管影一張相,出一 ...

首頁

尾頁

跳至