意見反饋
義工
查看: 1729 | 回覆: 12
[2011年] 請問QE照結構係助產士做定係醫生做呀?


大宅

國民生產總值:1414


發表於 10-9-14 21:24 |顯示全部帖子
請問QE照結構係助產士做定係醫生做呀? 我聽有D媽媽講係助產士做, 有少少擔心呀

王國熱話
中左居屋號碼,但準備攪離婚
妳唔再係我核心價值範圍內,妳要走,我...
老公岀外有女人,可以點做
要求太高?


大宅

國民生產總值:1012


發表於 10-9-14 23:47 |顯示全部帖子
我都係QE照....
唔係醫生照架, 不過我就唔知佢係咩職位, 但睇佢套衫, 佢唔係助產士都係D高級人士既...放心喎, 我覺得OK呀 !

原帖由 monkitkit 於 10-9-14 21:24 發表
請問QE照結構係助產士做定係醫生做呀? 我聽有D媽媽講係助產士做, 有少少擔心呀


大宅

國民生產總值:4177


發表於 10-9-15 06:58 |顯示全部帖子
supermario,
幫你照果個套衫係點樣架,咩色架,
係唔係粉藍色膊位有拍鈕?


複式洋房

國民生產總值:387


發表於 10-9-15 10:14 |顯示全部帖子
我都係QE照呀
同我照o個個著白色袍架~應該係醫生呀~

我又覺得佢照得幾好幾詳細wor 都照左20分鐘有多!


子爵府

國民生產總值:11931


發表於 10-9-15 11:25 |顯示全部帖子
我係顧問醫生照的,
房仲有個疑似助產士既姑娘,
但佢只係坐係房度,
不過我無20MINS咁耐LAW,
大約只有10~15MINS咋,
好快搞掂.....


大宅

國民生產總值:1012


發表於 10-9-15 12:19 |顯示全部帖子
白色架, 似護士長咁既衫.....


原帖由 mntabo 於 10-9-15 06:58 發表
supermario,
幫你照果個套衫係點樣架,咩色架,
係唔係粉藍色膊位有拍鈕?


大宅

國民生產總值:1012


發表於 10-9-15 12:20 |顯示全部帖子
我當日照左 30 mins 左右呀 !


大宅

國民生產總值:4320

畀面勳章 BK Milk勳章


發表於 10-9-15 13:13 |顯示全部帖子
我都5係E生~5記得咩色衫但肯定不是E生袍~一邊睇一邊講呢度係乜~但佢寫低左D乜就冇機會睇到~5洗$算係咁


大宅

國民生產總值:4177


發表於 10-9-15 16:20 |顯示全部帖子
我要9月尾才去qeh照呀,到時已經係22w5d,已經係極限啦,c+就book左係下個week 21w5d,不過聽到大家講都照得幾好,我同老公discuss過, 若果呢斷時間冇乜唔妥,都係去qeh照算啦,慳d$買bb野!


大宅

國民生產總值:2022

睛靈勳章


發表於 10-9-17 00:24 |顯示全部帖子
我果個穿件白色袍,我估佢係醫生掛,照左15~20MINS到,因為搵唔到BB既左腎,佢照左呢PART 3次,都睇唔清楚。叫我們同姑娘約期再照,姑娘給既期係兩星期後。大約個半鐘後收到姑娘電話話醫生PEFER我搵個SENIOR DR再睇,時間會提前多一星期,但要收費,所以要辨入院手續。SO FAR我覺得QE都盡責。


複式洋房

國民生產總值:376


發表於 10-9-21 09:15 |顯示全部帖子
昨天剛做完,係一號房,我估係醫生,因為著白袍,是女的,老公稱呼她醫生,她沒反對就是了.

她很親切,有禮,見到bb'r'頭嘅動作,仲笑得興奮過我哋,照照下聽到雷聲,又問我哋有無帶遮,叫我落雨行路小心點.態度一流!

至於服務哩...大概都是資源所限,一瞓低就brief我哋,每人照約十分鐘,會睇手腳器官齊唔齊,正唔正常,但係就唔會逐隻手指腳指數,否則怕唔夠時間睇真正重要嘅野...

因為qe安排左正正22週至有得照,我同老公怕太遲,之前都照咗私家,今次去當係second opinion...同私家比...感覺上係照得簡單好多.除咗講'哩隻係手,腳,腦,腎....'外,私家會同我逐樣解釋睇緊乜,例如,得一條大骨係上臂,跟住兩條骨係前臂,五隻手指(逐隻數,capture唔同畫面,再數多次),又會解釋唔同器官係見到乜,睇乜重點來判斷現階段係唔係正常...仲會度鼻樑(其中一項唐氏特徵)

幫我照嗰位醫生就淨係講個器官名,除咗頭同身嘅尺寸外,腎,手腳...又無度咁lor,唔知係唔係憑經驗,一眼睇到無問題就唔度,定係時間真係短...不過佢最多都係三十頭,唔係好大年紀...

不過,我估唔只一位醫生負責照,因為我登記,姑娘分房嘅時候,聽到佢話'另外嗰個好慢,有排摸,比1 號啦!'

anyway,我同老公都覺得下胎如果仲負擔得起,都係照私家就算,好似安心啲...


複式洋房

國民生產總值:302


發表於 10-9-26 16:01 |顯示全部帖子
我都係qeh照結構架!應該係醫生負責,因為預約個時姑娘話埋俾我聽係邊位醫生幫我做,我果個叫劉醫生,女仔黎架!不過真正去到又轉左另一位醫生,仲有梁國賢顧問醫生帶住,佢地心口有名牌寫住名,可以留意下!我地照左好好好耐,因為上半part個女醫生照極都照唔清楚個心臟,下半part 梁醫生pick up,我同阿仔仲做埋教學工具,照左15分鐘個心臟仔,大大細細,遠遠近近咁教個女醫生點照!我老公個阿姨之前做qeh產科護士,佢話梁醫生(顧問醫生)係香港首屈一指既出名婦科醫生,姊妹們係qeh照,不妨留意下係咪梁醫生跟進!我上次做抽絨毛都係佢帶住個醫生仔一齊做,不過醫生仔手勢好差,結果抽左兩次,好慘!


大宅

國民生產總值:2022

睛靈勳章


發表於 10-9-27 15:51 |顯示全部帖子
中秋節又去QE照多次,今次係個男人,謝醫生,得左一個鐘,花45分鐘都係睇唔到BB既左腎,斷定係單腎。醫生都幫我們看清楚仲有無結構問題。咁又無但BB要等出世先知腎功能是否正常? 28W再去照多次睇下。有問題都算有跟進.....。


© Baby-Kingdom.com Limited. All rights reserved.