意見反饋
義工

少年成長 今日: 0|主題: 14695

跳至
樓主: machama
孩子令你感動的說話  


別墅

國民生產總值:994


發表於 05-6-27 23:43 |顯示全部帖子

Re: 孩子令你感動的說話

我仔仔依家讀緊K2(四歲半), 早幾個月因為佢第一次要默書, 咁我梗係同佢好努力咁溫, 希望佢識, 連續溫左三日, 點知派默書薄既時候, 我發現咁多個字, 剩係答岩一個. 我即時面都黑埋, 因為我吾明點解同佢溫咁多次, 佢仍然係吾識, 個心好吾開心. 仲鬧佢. 跟住再同佢溫番佢吾識默果的. 點知越溫越差(因為佢已經好驚), 佢吾識我仲更加嬲, 即時入左房好大力關門.
跟住婆婆同個仔講...你要比心機先得果的說話, 我個仔完全吾知應該點做. 剩係好驚咁企左係我房門出面. 企左好耐好耐 (婆婆之后同我講), 因為我係房內面完全吾知佢一路好驚咁企係房門外. 我係房度冷靜番既時候不停問自己點解會咁架, 佢只係一個四歲既小朋友, 你想佢點, 最多吾識米溫到識, 做父母既吾係你付出幾多就可以收番幾多. 因為今次係我第一次遇到這問題, 完全吾識去處理. 我吾應該發個仔咁大脾氣.
跟住我走去佢間房, 我見佢用張被蓋住左半塊面個樣仲係好驚, 因為我諗佢出世到依家都未見過我咁惡, 我跟住抱起佢.同佢講.
媽咪 : 家軒對吾住, 媽咪吾應該發咁大脾氣, 你係吾係好驚? 佢話 :係
媽咪 : 其實今次默書吾得, 吾緊要啦. 下次努力.
跟住佢話: 媽咪你放心啦, 我以后一定會比心機架啦, 我上堂吾再XXX(同學名)傾, 老師講野我會留心望住克板, 下次一定識架啦. 媽咪你吾好嬲啦.

----聽完之后好鬼感動呀. 跟住攬住個仔喊左一陣....!!!!

點評

Guaguamaman  不知道為什麽看了這段,特別特別感動。  發表於 11-7-8 15:16


男爵府

國民生產總值:7055


發表於 05-6-28 20:13 |顯示全部帖子

Re: 孩子令你感動的說話

米媽媽好眼瞓:「愛豬……你佳啦, 去搵…daddy 玩啦, 媽媽尋晚開通頂……個頭痛c 喇 ( 指住個頭 )……」

Audrey 爬上我個身, 攬住我 我沒有理她,想繼續瞓……
跟住, Audrey貼住我耳仔:「呵呵… 佳 ( 乖 ) 媽媽…呵呵…… 」
o個一刻,條頸有d 痺 個女「呵呵」好溫柔,平時佢叫我起身好粗魯,今次,佢真係知道媽媽好辛苦

聊以為記…… 我的乖寶寶


大宅

國民生產總值:4493


發表於 05-6-30 16:12 |顯示全部帖子

Re: 孩子令你感動的說話


媽咪: 彤彤妳最錫邊個?
彤彤: 媽咪
爹地: (扮嬲) 彤彤妳….最錫邊個


男爵府

國民生產總值:5189


發表於 05-7-1 00:19 |顯示全部帖子

Re: 孩子令你感動的說話

mummy 我覺得訓在你張大床同你傾心事, 個心好似食左咖喱





我個女最鐘意食咖喱, 連學校的茶點都要帶咖喱.


大宅

國民生產總值:4431


發表於 05-7-3 10:19 |顯示全部帖子

Re: 孩子令你感動的說話

媽,你唔好喊,好快會無事.


大宅

國民生產總值:4143


發表於 05-7-5 09:46 |顯示全部帖子

Re: 孩子令你感動的說話

.....o岩o岩同 4 歲既囡囡睇完套<老友狗狗>,劇情有寵物離世,係佢第一次正正式式接觸到乜野叫做"生離死別",雖然我地無養甚麼寵物,但佢都好似好明白"死亡"既意思咁。:cry:

我:任何生物/動物都會老死架 ...(暫時解釋比佢知老先會死)
囡:媽媽,我唔想妳老,唔想妳死
我:傻豬,囡囡越大個,媽媽又跟住越大個,咁越大個D 慢慢就會老,老左咪會死囉,每個人都必定經過架啦...
囡:我唔想妳老,唔想妳死 (喊晒口,成苞眼淚係眼晴),妳死左無人照顧 Jackie 架喇:cry:

跟住............2 母女攬住一齊喊。 :-(
  Love your family!


男爵府

國民生產總值:5742


發表於 05-7-5 12:23 |顯示全部帖子

Re: 孩子令你感動的說話

今天, 仔仔小一派考試成績.

老公, 我和仔仔一起在公司時, 突然奶奶來到問仔仔成績, 仔仔望望我後回答說媽媽說還可以的, 但還要再努力.

奶奶便給仔仔錢說是奬勵他的, 仔仔不敢收一路望著我, 口裏回答說不要了. 這時奶奶突然說不要聽媽媽的話, 只是讀書不看電視; 不要看媽媽, 奶奶給的錢便收.......

奶奶走後, 這時內心一路很不舒服, 也不知如何好;
仔仔突然說 媽媽不用擔心, 我不會不聽你的話, 我知道你是為我好的; 我會孝順你的. 這一刻內心真的很高興, 老公走來抱起仔仔, 大家互望一起笑起來.


男爵府

國民生產總值:7055


發表於 05-7-5 23:33 |顯示全部帖子

Re: 孩子令你感動的說話

yinyin 寫道:
mummy 我覺得訓在你張大床同你傾心事, 個心好似食左咖喱

我個女最鐘意食咖喱, 連學校的茶點都要帶咖喱.


yinyin
我真是很喜歡你囡囡這一句
小朋友好直接,好純真, 形容好直接…你要好好記住 :-P

瑩瑩,
你跟Edith 所講都一樣
我都好期待個女咁講,到時跟她一齊 :-(


大宅

國民生產總值:2072


發表於 05-7-6 02:36 |顯示全部帖子

Re: 孩子令你感動的說話

個仔好錫我老公, 成日話最鍾意爸爸, 攪到我老公錫到佢


大宅

國民生產總值:2072


發表於 05-7-6 02:39 |顯示全部帖子

Re: 孩子令你感動的說話

我個女就成日話"媽咪, 你唔好死呀.........我好驚你死" 佢重要係想喊想喊咁講


民房

國民生產總值:13


發表於 05-7-6 03:36 |顯示全部帖子

Re: 孩子令你感動的說話

i though he say mama


子爵府

國民生產總值:12145


發表於 05-7-6 10:46 |顯示全部帖子

Re: 孩子令你感動的說話

cutebaby,
你個仔好懂事呀. 你果一刻一定好安慰.

東京mewmew,
你個仔好錫daddy呀, daddy一定感動水


好touching.


瑩瑩 寫道:
.....o岩o岩同 4 歲既囡囡睇完套<老友狗狗>,劇情有寵物離世,係佢第一次正正式式接觸到乜野叫做"生離死別",雖然我地無養甚麼寵物,但佢都好似好明白"死亡"既意思咁。:cry:

我:任何生物/動物都會老死架 ...(暫時解釋比佢知老先會死)
囡:媽媽,我唔想妳老,唔想妳死
我:傻豬,囡囡越大個,媽媽又跟住越大個,咁越大個D 慢慢就會老,老左咪會死囉,每個人都必定經過架啦...
囡:我唔想妳老,唔想妳死 (喊晒口,成苞眼淚係眼晴),妳死左無人照顧 Jackie 架喇:cry:

跟住............2 母女攬住一齊喊。 :-(
我係天天豬, 爸爸媽媽好愛我呀!


大宅

國民生產總值:4026


發表於 05-7-6 15:18 |顯示全部帖子

Re: 孩子令你感動的說話

大家好 ! 我都有"孩子令你感動的說話"....

記得今年2月中, 剛生完小B女幾日後, 跟老公/仔仔到太古城買床仔, 途中經過某遊戲中心(類似冒險樂園), 仔仔話想玩木馬機, 我答應左他, 正想抱他上馬時, 他就馬上跟我說 : 妳剛開刀生完BB, 唔好抱我呀! 會弄傷個傷口的! 其實當時我真的忘得自己有傷口的....唔該晒仔仔提醒

其後兩個月裡, 他都不准我抱他, 更不斷提醒我要小心這樣小心那樣, 小心個傷口.....

到現在仍覺得好"林"


男爵府

國民生產總值:6936


發表於 05-7-7 14:09 |顯示全部帖子

Re: 孩子令你感動的說話

仔仔呢個月每晚臨差唔多瞓著時.....就會同我講"媽媽..我真係好鐘意妳o架!!"....然後,送上一個"豬咀".....要我吻他.....跟住就微笑住入睡.....看似很冧......在漆黑的房裡....我比他冧10倍

點評

zoieshiulum  豬咀... SO SWEET^^  發表於 13-1-4 16:08


男爵府

國民生產總值:6936


發表於 05-7-7 14:21 |顯示全部帖子

Re: 孩子令你感動的說話

仔仔每次出街.....行行下或玩玩下....就會搵我...."媽咪....媽咪".....搵到我後....好像"如釋重負"般...對我微笑一下...就再去玩.....(係呢嗰時候我都覺得好感動....佢玩得咁開心仲記得我呢個亞媽).....但很多時爸爸都在仔仔旁......仔仔都好似"視若無睹".....爸爸就跟住個仔搵我....然後一路叫住個仔..."亞爸係到喎!!"
(真係唔係幾岩....將爸爸既痛苦建築係我快樂的身上 )


大宅

國民生產總值:1069


發表於 05-7-7 14:45 |顯示全部帖子

Re: 孩子令你感動的說話

我個女就會對我唱:「我的好媽媽,工作回到家,勞動了一天,多麼辛苦呀。媽媽媽媽快坐下,請喝一杯茶,讓我親親你吧,我的好媽媽!」
佢依家只係兩歲半,早三個月前佢突然對住我唱,我當堂打


複式洋房

國民生產總值:319


發表於 05-7-7 15:41 |顯示全部帖子

Re: 孩子令你感動的說話

大孖雖然沒有說過一句話, 但佢的反應, 令我好感動想和大家分享.

有一天晚上媽咪入了一間沒有開燈的房整d野, 點知大孖跟埋一齊, 咁媽咪唔想大孖係度攪住哂, 就同大孖講: 黑黑呀! 媽咪驚驚呀!....未說完大孖用9秒9的速度跑出房間之際, 媽咪不意為意地繼續講: 快d救媽咪啦. 突然有隻手仔好快又好大力咁拉了媽咪出房---佢就是大孖, 重用好worry 的眼神望住媽咪.

sorry! 大孖, 媽咪唔知你原來咁認真ka! 以後媽咪唔會亂講野ka la.


男爵府

國民生產總值:5668

2018勳章


發表於 05-7-9 10:12 |顯示全部帖子

Re: 孩子令你感動的說話

有一晚同囝囝(5yrs)落街買生果,一袋橙和一個西瓜,跟住囝囝話要抽袋橙,我問:『好重喎,好辛苦,媽咪攞啦!』跟住囝囝話:『我淨係讀書,都唔辛苦,你又要教書,你辛苦啲。』跟住就幫我抽袋橙返屋企,真係心都甜哂。


大宅

國民生產總值:2088

畀面勳章 環保接龍勳章


發表於 05-7-11 11:56 |顯示全部帖子

Re: 孩子令你感動的說話

仔仔令我感動既唔係佢講既說話,而係佢今年既行為&成績.
學校家長日,班主任告知我仔仔上堂時表現良好,專心上堂,主動提問,主動發表意見,亦因為成績好,仔仔今年獲得全級學習優異奬.
大家可能覺得小朋友攞奬有咩咁感動,對我來講,仔仔今年成績係超乎我想像,因為今年妹妹出世,少咗時間照顧仔仔,忽略了仔仔,仔仔亦因為妹妹而成日呷醋,為咗引起父母注意,仔仔行為反叛,比起之前曳咗好多好多.
原來仔仔能夠認真學習,在外表現良好,雖然與喺屋企係兩個模樣,但令我明白到,仔仔都係想父母多留意,多關心.


大宅

國民生產總值:4412


發表於 05-7-11 17:57 |顯示全部帖子

Re: 孩子令你感動的說話

還記得囡囡歲多時一次我喊緊﹐佢遞張紙巾俾我。

現在三歲多了﹐今朝一齊看故仔書﹐講到有墳墓﹐就同佢解釋墳場﹐墳墓﹐生老病死﹐話爸爸媽媽都會老﹐都會死。

囡囡話﹕唔駛擔心﹐你會變做BB﹐我會抱你﹐好小心甘抱你。

點評

setyawan  好可愛呀!  發表於 12-3-24 17:14

12345678910... 48
跳至
你需要登錄後才可以回帖 登錄 | 註冊

© Baby-Kingdom.com Limited. All rights reserved.