mclam 寫道:
童年應該係快快樂樂既, 但係我就一d 都感受唔到。屋企冇錢, 阿媽又生幾個, 我日日除左返學之外, 一返屋企就係穿膠花, 湊細妹。隔鄰同我差唔多大既小朋友, 日日都有得去玩, 想買乜野都有, 我問親阿媽可唔可以去玩一陣, 阿媽就鬧到拆天咁滯, 玩玩玩, 剩係識得玩, 你唔駛湊細妹呀!!(我有幾個妹),當時我好記得, 大約7歲到啦, 要背住細妹, 企埋一邊, 睇人地玩。阿媽一心情唔好, 我就慘啦, 唔理岩唔岩, 佢都打左我先。
可能由於細個要湊妹妹, 我大左之後, 好憎湊細路, 唔係我老公勁恨有小朋友, 我真係唔會生。我成日同阿女講, 我第時一定唔會幫佢湊仔架, 我唔想成世人都係湊仔、湊仔、湊仔。
諗起童年, 好想喊!! :-( :-( :-(