夫婦情感

跳至

首頁
1

尾頁
   0


男爵府

積分: 8711

醒目開學勳章 畀面勳章 大廚勳章 BK Milk勳章


發表於 10-10-25 11:51 |顯示全部帖子
唉~~我呢2日都有咁既唸頭,我好想帶呀仔走,因為我覺得家下同單親無乜分別咁

我要返工,放工就要即刻趕返做家務,照顧呀仔,睇功課溫習,日日如是,一星期是做足七日,,男人只會知佢自已係出面做到好辛苦,有錢比屋企就得,而男人無唸過,我地女人一樣要打工出去搵錢,我連入院做手術都唔敢留院留得耐,一做完即刻想走,第二即刻返工,唔想比公司扣錢,日頭做完一日野,返到屋企再開工,我唔辛苦咩,我都想抖下,我都想一返到屋企好似坦妃咁坐係梳化睇雜誌,追電視劇,但無人可以比到呢機會我,永遠只得我去理個仔,去理個屋企,呀仔學校有事我去理,屋企有咩問題我去理,呀仔有言語障外,帶仔去醫院評估又係我一個,去求學校收留我個仔又係我一個,見社工又係我一個,呀仔半夜有事去急症又係我一個~
佢把口識問點解個仔唔鍾意同佢玩,試問下,你唔付出點會有收獲,叫佢陪下個仔玩,只會叫個仔去搵媽咪,叫佢陪個仔去下公園,又係叫媽咪去得,星期日叫佢一齊去行下,又話累想訓,又係我地2母子出去,乜都係個媽咪,請唔好怪個仔心目中無你

bk浸得耐,都知男人係咁~本來我已經死心,安慰自己,男人就係咁,但有時真係唔好咁過份

我同佢講下星期呀仔開始考試,我地要開始溫書,叫佢唔好睇電視,等我地溫完書先,我實在唔知原來我呢個要求係咁過份,一講佢即刻黑面,丟低一句,咁佢出去街睇電視,我當時亦回佢一句,我地溫書係阻佢睇電視,我地落公園溫,最後我同個仔落左去走圍搵下邊個公園有檯可以溫書

個一刻,我真係好想以後都唔駛再見到呢個有名無實既呀仔老豆


大宅

積分: 2477


發表於 10-10-25 12:22 |顯示全部帖子
其實有無坐低大家傾過li個問題呢 好多男人都有li個通病 就係老婆咩都可以搞掂啦 就咩都唔理 其實唔好咩都自己攬哂上身 個仔個家大家都有份 你要比佢知道你都可以咩都唔理 星期日放自己一日假 要佢係屋企睇住個仔 等佢試下你既辛苦 佢黑面你就即刻落樓去溫書 咁樣對個仔都唔好 試下改變下大家生活方式 比返d責任感佢 佢咩都唔做你就由佢 佢就緊係咩都食賴你啦 男人唔就得 亦唔可以鬥氣 樓主加油 如果試過任何方法都唔得 你就真係好好要諗下li個家仲有無野值得你留低 如果你唔需要靠佢一樣可以生活既話 人生短短幾十年 我就唔會浪費係li d人身上了 既然佢咩都唔理 自己同仔仔生活一樣會咁開心 起碼唔洗比佢影響到


男爵府

積分: 9111

畀面勳章


發表於 10-10-25 12:24 |顯示全部帖子
樓主,我係單親媽媽、話你知個分別米就係佢有錢比屋企咁law~~~
兩個人揾$ 點都焦甘辛苦ma~~~


男爵府

積分: 8711

醒目開學勳章 畀面勳章 大廚勳章 BK Milk勳章


發表於 10-10-25 12:43 |顯示全部帖子
原帖由 CD_BB 於 10-10-25 12:24 發表
樓主,我係單親媽媽、話你知個分別米就係佢有錢比屋企咁law~~~
兩個人揾$ 點都焦甘辛苦ma~~~



咁我都明,多D錢駛係好D,但其實我叫佢儲錢永遠儲唔到,週不時一時三刻話轉工,成日覺得好多工比佢做,仲係無打算無計劃,話唔做就辭職,佢一咁做,我就要即 刻搵份兼職做幫補,又要就返要跟到個仔做功課,要搵D通宵工做,叫佢未搵到野做,做住兼職都好,又講呢樣講個樣~~

我都係人一個黎,我驚我會捱唔住,不過為左個仔都會頂住


男爵府

積分: 9111

畀面勳章


發表於 10-10-25 13:04 |顯示全部帖子
原帖由 hoho0728 於 10-10-25 12:43 發表



咁我都明,多D錢駛係好D,但其實我叫佢儲錢永遠儲唔到,週不時一時三刻話轉工,成日覺得好多工比佢做,仲係無打算無計劃,話唔做就辭職,佢一咁做,我就要即 刻搵份兼職做幫補,又要就返要跟到個仔做功課,要搵D通宵工做,叫 ...


話唔做就辭職-->你c6做左人老豆都甘唔成熟ga!
樓主,我都覺得你辛苦,你c6欠缺的係責任感! 不過,責任感ge 野 可能你要等你c6慢慢長大la~~


琥珀宮

積分: 186460

2024年龍年勳章 牛年勳章 2018復活節勳章 育兒性格勳章 好媽媽勳章 醒目開學勳章 畀面勳章 環保接龍勳章 大廚勳章 BK Milk勳章 15週年勳章 親子王國15週年勳章 親子王國15週年勳章


發表於 10-10-25 13:25 |顯示全部帖子
諗下個男人對個家有無貢獻? 如果無, 咁妳自己諗諗!!


男爵府

積分: 8711

醒目開學勳章 畀面勳章 大廚勳章 BK Milk勳章


發表於 10-10-25 13:54 |顯示全部帖子
原帖由 CD_BB 於 10-10-25 13:04 發表


話唔做就辭職-->你c6做左人老豆都甘唔成熟ga!
樓主,我都覺得你辛苦,你c6欠缺的係責任感! 不過,責任感ge 野 可能你要等你c6慢慢長大la~~




我唸我等唔到呢一日,佢覺得佢自己有為呢頭家的,就係成日想搵多D錢,但係係佢未搵到多D錢前,就係令我提心跳膽咁駛更多D錢


男爵府

積分: 8711

醒目開學勳章 畀面勳章 大廚勳章 BK Milk勳章


發表於 10-10-25 14:00 |顯示全部帖子
原帖由 cy101 於 10-10-25 13:25 發表
諗下個男人對個家有無貢獻? 如果無, 咁妳自己諗諗!!

[ 本帖最後由 hoho0728 於 10-10-25 14:02 編輯 ]


男爵府

積分: 8774


發表於 10-10-26 11:30 |顯示全部帖子
原帖由 hoho0728 於 10-10-25 11:51 發表
唉~~我呢2日都有咁既唸頭,我好想帶呀仔走,因為我覺得家下同單親無乜分別咁

我要返工,放工就要即刻趕返做家務,照顧呀仔,睇功課溫習,日日如是,一星期是做足七日,,男人只會知佢自已係出面做到好辛苦,有錢比屋企就得,而 ...
呢 的 日 子 我 都 捱 過, 一 捱 就 十 六 年。
但 你 要 睇 下 你 仲 愛 唔 愛 佢, 仲 愛 的 話 就 唔 好 亂 黎 。 試 下 搵機 會 比 佢 做 的 家 務 , 妳 自 己 要 忍 得 手 。 唔好 幫手, 比 幾 次 佢 做,佢就 知 你 辛 苦 架 啦 !

當 年 ,我 前 夫 嘈 話 點 解 的 錢 咁 快 用 晒。
佢 比 五 百 元 ,但 我地 有 BB, 仲 有 工人, 個 工人每次買 野都有 單 , 佢都 嘈, 咁有次,我 咪 帶 埋 佢 一齊去 supermarket, 去 完 埋 單 係 八 百 幾 元, 佢 咪以後唔 敢 出 聲 囉 !

男 人 係 咁 , 你 不 要 用 " 佢 應 該 知 道 架 啦 ", 呢 個 concept 會 使你更 憎 佢 . 有 時 有 的 事 , 比 機 會 佢 自 己 做 下 , 佢 就 知


大宅

積分: 1060


發表於 10-11-29 17:55 |顯示全部帖子
我呢幾日都好 down. 我屋企冇工人, 亞仔又剛上小學, 為咗跟功課, 所以我就轉左做半日工, 一放工就去買餸, 然後食小小野就去接放學. 同樣地,煮飯、買餸、教做功課、溫習、帶仔去玩/睇病等.....全是我呢個亞媽的責任. 前幾日, 亞仔有測驗及默書, 溫完書已經比平時夜咗瞓, 老公喺廳睇電視, 亞仔見到當然話係又要睇埋一份, 我就同仔講"唔好睇喇, 快d瞓啦!", 亞仔當然唔願去瞓啦, 於是乎我叫咗兩、三次之後亞仔有少少眼濕濕走去瞓嘅時候, 我老公就大鬧話我專制. 我回應佢亞仔已經比平時夜咗瞓,明天又測驗又默書, 夜咗瞓第日又唔願起身番學, 你明天攪掂佢起身你先番工啦我就比佢睇電視, 跟住我老公就用手指, 指住我塊臉大鬧 : "你去做野(鴉), 你去番工(鴉), 你去搵番咁多錢番嚟(鴉)."
我真係好心淡, 我轉做半日工為咩先??? 而家屋企唔係有工人、唔係有補習老師, 我唔係咩都唔理走去 wet 嗎! 有錢比家用大晒咩!!!

老公, 你老婆唔係寄生蟲呀, 亦唔係乞衣呀, 就算乞衣向你乞飯食都要比番少少尊嚴我呢個 "乞衣" 架!!!!


大宅

積分: 1138


發表於 10-11-30 12:28 |顯示全部帖子
2公婆為呢d事鬧交真係好平常,女人成日將所有事情攬上身,男人返到屋企,衣來張手飯來張口,咩都唔使做,久而久之,男人習慣係屋企懶散,女人累了開始埋怨....
以前我都係咁,後來我睇開左,唔係話咩事都要自己親力親為,有時扮下傻,呢樣唔明問下佢,個樣唔識叫佢搞,有時扮下忙,等佢有機會幫手做d家務/湊bb,好似我幫個囡(4歲)沖涼,沖到一半我大叫c6入來,一邊將個花灑頭塞俾佢,一邊拿拿臨除褲坐係廁板上話佢知"我肚痛要開大,你幫阿囡洗",等佢冇機會say no,就係咁佢第1次幫阿囡沖涼著衫,有時我特登同阿囡一齊沖涼但又唔攞阿囡d衫入廁所,沖完後同阿囡包條大毛巾同佢講"你先出去叫爸爸幫你著衫",慢慢c6就習慣幫阿囡沖涼著衫...

首頁
1

尾頁

跳至