自由講場

跳至
   0


大宅

積分: 4410


發表於 05-7-5 11:38 |顯示全部帖子

各行各業的禁忌

戲班
原來係戲班演戲o既叫伶人
分:生, 旦,淨,未, 醜, 貼, 副, 外, 雜
生有小生, 武生, 旦有花旦, 老旦, 刀馬旦
淨有花臉, 未將, 醜角,(貼) 花衫, 副師, (外)老生, (雜)武二花。
禁忌方面
1)上o左關帝的小生, 在後台上不得開口說話, 否則會褻瀆神明。
2)原來同騎師一樣, 掛靴都有收山o既意思。 而伶人嚴守o既禁忌, 就係禁洗網巾,網巾用作戲子勒頭之用, 而洗網巾有告別亦有不祥之意。

咕喱
即係宜家o既搬運工人
禁忌方面, 用膳後的碗碗碟碟, 係收拾時, 一定要逐隻逐隻執拾,
一定唔可以重重疊疊咁執, 如果唔係工作時會好易被貨物所壓。

戲院
其實我諗好多人都知, 好多時有每當有新戲上演, 戲院都會先影一場空場,一來試o下條片, 擴得順唔順, 二來就係俾o的『大佬』睇, 等上正場o既時候唔好同人爭位啦。
聽講以前全港最猛o既東成戲院, 每次試片都會坐滿『大佬』o架。

大廚
有兩個禁忌;
1)第一張單決唔可以是炒飯, 瀨粉, 因為炒有炒魷魚, 瀨有瀨o野等不祥o既意頭,所以一般廚房都會做蒸飯工作, 有(蒸蒸日上o既意思)
2)中國傳統, 重男輕女, 一般大廚都係男人o既job,所以大廚o既刀同鑊一定一定唔可以俾女人掂, 否則就會有血光之災。

記者
通常o的意外o既人通常都血跡斑斑, 面目全非o架啦,聽講話記者去到意外現場,千其唔可以講好核突呀, 對死者or意外者不敬o既說話,如果唔係佢o地真係會跟住你。

空姐
以前o既空姐通常都會養龜, 寓意『歸』來o既意思, 因為好多時佢o地身在外地,客死異鄉就唔好啦。

理髮鋪
理髮鋪依定o野最多係乜? 鏡也!中國傳統, 鏡不祥也, 如果你唔小心打破鏡, 我外婆話衰一年。 所以舊o既理髮鋪收工之前, 都會將毛巾cover 哂所有o既鏡先會收鋪。 就係廢事俾o的鬼走入去。

風水大師
依一個禁忌, 我諗絕對可以叫做唔講唔知。原來係入行拜師之初, 都要係『三損』之中選擇其一, 作為入門條件。 乜o野係『三損』? 『三損』為: 絕子絕孫, 終生貧困, 折福折壽
原因係堪輿, 風水與天機有關, 天機洩露, 不得善終。 嘩, 俾著我都唔知揀邊樣好? 仲要入得依行, 無得百無禁忌, 真係好囉命。

棺材鋪
開棺材鋪就梗係唔老禮, 最緊要o既兩個禁忌, 就係
1)一定要係日落之前收工, 廢事o的遊魂野鬼走入o黎啦。
2)一定唔可以貪得意訓棺材, 生人訓死棺, 你o地話又幾唔老禮喇。 俾錢都唔制啦。

護士
1)忌係病人判除帽, 因為與喪服類同。
2)護士盡可能避免與搶救垂危o既病人有目光o既接觸。因為相傳如果見到反白眼o既話,就會被鬼魂寄存身體之內, 直至鬼魂自動離去才可倖免。

警察
我諗好多人都聽過喇。 就係無論點都好, 晚上行beat , 千其唔可以除帽。 所以你o地睇佢o地追賊都係按住頂帽去追o架。 點解關頂帽事? 聽講話帽頂頂花, 好大殺氣, 無鬼夠膽攪你。 仲有就係係凶殺案現場, 都會莊住香先。等被害o既『人』幫o下手, 等佢快o的尋冤得雪。

導遊
帶團通常最多時間同團友一齊o既時間, 就係係架巴士度。
係巴士度, 導遊就梗係吹o下水, 唱o下歌, 講o下鬼古。
但聽講話如果去緊一間酒店o既journey, 就唔可以講o果間酒店o既鬼古。 因為o的酒店閑閑地幾百年歷史, 覺得你對佢不敬就唔好啦。

搭棚
唔好睇小依個行業呀,好多裝修重建都係要搭棚o架。 搭棚師傅成800蚊一日, 開足工幾皮o野一個月o架。 原來搭棚o既竹, 分新竹同舊竹。 所有臨搭棚o既竹,都要莊香拜過1日1夜先? 可以上棚。如果唔係就好容易會有意外咁話。

演員
如果演員要拍死o既戲, 拍完之後就一定要囉利是, 囉o既時候導演仲要同你講,『做戲 o既o者』 廢事o的鬼信以為真, 咁你就大件事lu

巴士司機
我都有聽過巴士司機, 同版主講o既都差唔多。 之不過仲有一個禁忌, 就係話係車廠出車之前, 響一次大『安』, 目的都係叫o的朋友仔落車, 俾o的晨光第一線照親就唔好啦。

救生員
老一輩o既救生員, 都覺得有人遇難, 除o左泳術唔掂之外, 都會覺得係水鬼作怪。 如果佢o地救o左一個人上水, 就算真係無o左氣都好, 都要係佢o地耳邊不停講,『你未死o架, 你都未斷氣, 快o的醒番之類o既說話』目的就係想等o的水鬼信以為真, 離開遇難者。 咁佢o地就可能會救得番。

騎師
騎師o既禁忌呢~~~
就係騎師裝束上任何一樣o野都唔可以『掛』, 尢其尢其係對掛靴(音-her), 掛her,即 係retire, 離開馬場也。 聽講話幾年前有個好出名o既騎師唔信邪, 掛o左對靴 ,之後一落埸隻馬突然癲o左, 個騎師跌o左落馬, 斷o左條大骨, 從此係馬場上拜拜。

仵作
乜o野係仵作, 仵工? o拿, 每當o的人死o左, 都有人o黎收拾條『鹹魚』o架, 仵工, 就係o果o的咁偉大o既人。 佢o地仲有一樣o野做, 就係將o的舊o既『鹹魚』,係 棺木度囉起上o黎, 削骨去肉, 之後去入金塔呀or 入火化, 再放係骨灰堂恭放。
o的咁敏感o既行業, 細o既禁忌講三日都講唔哂,咁我不如講個最緊要o既禁忌俾大家聽。就係無論點都好唔可以唔見o左『人o地』 身體o既任何一塊骨。 如果唔係就會得到同樣o既報復。我個朋友話,有個仵工唔小心唔見o左『人o地』個下 巴。又唔向『人o地』say 個大sorry , 之後一個星期發生交通意外,? 成個身一個傷 口都無,剩係撞(luck)o左成個下巴, 你o地話得唔得人驚?? 我聽到心都寒哂~~

黃大仙解籤佬
其實依個行業o既禁忌, 我真係覺得幾無聊, 之不過搵o左就順手打出o黎, 各位大佬千其唔好串我, 因為唔關我事o架。
黃大仙解籤佬o既禁忌, 就係唔可以講大話, even 有個病到半死o既人, 求到健康o既下下籤, 都一定要講出真相, 依籤直說, 如果唔係就會應驗係自己度。聽落我覺得似係專業操守, 多過係禁忌。

漁民
十個漁民十個都信天後, 希望風條雨順。 初一十五食齋呀, 依o的我諗個個都會知。但係佢o地有一個禁忌,就係如果捉到一種叫做『車輪魚』o既魚, 一定一定要掉番落海放生,聽講話捉到都已經會行衰運, 如果唔信邪, 分分鐘連命都無。
所以係街市,大家從來都未聽過依種叫『車輪魚』o既魚, 就係咁解喇。

的士司機
其實依個禁忌, 我諗依家搵食艱難, 已經變得再唔係一個禁忌, 寧願無錢定見鬼,我諗宜家真係驚無錢多o的。 o地o既禁忌就係唔想駕入掘頭路, 驚有入無出,好容易掉頭o既時間見到? 汙漕o野。之不過好多司機, 驚無tips已經唔會再信乜o野禁忌lu。

苛官
即賭場係派牌,好多人都知賭場其實已經係一個有入無出o既風水陣。 每一張木台,每一個裝飾都係加強陣o既力量。 葡京係裝修到好似一隻蝙蝠咁, 每分鐘都吸緊人血。 仲有一樣o野唔知大家知唔知。 點解唔俾18歲以後o既人入場? 當然係政府條例, 仲有一個reason。 原來係因為賭場通常都會養鬼仔,等佢o地鬼?腳,? 贏錢都要輸番出o黎, 通常養鬼仔都係要o的0-6歲o既小朋友,如果有小朋友入o左 場跌o左件玩具係度, o的鬼仔掛住玩玩具唔去做o野,咁咪大鑊。 聽講話有次有個小朋友唔知點解入到葡京, 之後係度大喊。 攪到葡京收o左半日工, why ? o的鬼仔俾佢喊一喊唔知去哂邊。咁你o地話小朋友係咪打死都唔俾入賭場喇。

妓女
無錯係妓女
話明72行禁忌, 最古老o既行業就一定有份啦。 以前窮o既家庭,真係會賣個女俾o的妓 院, 之後等到14,5 歲就賣俾o的有錢佬同佢開苞,開苞就一定要封利是啦, 個有錢佬就會收起有血o既床單or 手帕,因為佢o地覺得同後生女仔做會身體健康。 妓女有一個好大o既禁忌,就係拜神o既時候o既雞一定一定要係成隻上, 係全體上。 係人都知妓女又叫雞,試諗o下點會用一隻無o左手, 無o左頭o既雞去拜神先? 咁咪o者係話自己無手無頭?

死人化妝師
依個真係恐怖行業中o既XO , 所以我先留番最後寫。 日日都對住o的新鮮o既鹹魚,就 咪話唔驚。 咁多個行業o既禁忌, 依個都算最恐怖。 就係話『一日入行,終生不得轉 行。』如果唔係信邪轉行, 最終都會番番o黎幫o的『大佬』化妝。
真係好驚~~~~~~~~~

桑拿按摩師
桑拿按摩師多數係女人啦, 亦都算都『遍門』行業, 『遍門』男人要拜關公, 女人拜觀音, 大家都知。所以佢o地o既禁忌就係唔可以同背脊有神明o既紋身o既人踏背。你o地話喇,平日拜開佢o地, 保自己平安, 點踏得落去?

水警
通常如果有人係海度失蹤, 水警都會到場周圍搵o下, 之不過搵之前,都會掉一個西瓜落海, 意思係『屍瓜』, 唔講唔知, 西瓜落到水係會浮o既,但係如果浮到一度, 突然 間? 沈o左, 通常條屍就會係o果個area。真係信不信由你。仲有就係通常會叫失蹤o既人o既屋企人, 係海邊燒金銀衣紙, 同打叫o果個人o既名。 咁條友就會自自然然飄番出o黎。

夜總會舞小姐
首先問大家一個問題, 知唔知道最賺錢o既舞小姐係夜總會叫乜? 答案;紅牌阿姑。 所以佢o地禁忌就係唔可以借唇膏俾任何人。 點解? 唇膏又叫口紅, 喂, 大佬, 借o的紅俾你喎!? 你肯唔肯喇?

酒店room service
其實應該好多人都知, 每一間room 都有一本聖經係抽屜度, 其實每一次入room,第一 件事, 就應該check o下本聖經。
如果本聖經, 係合上o既,即係間room 無事 如果本聖經, 係抽屜度打開o左,即係間room 有o野, 你係可以換room o架
如果本聖經, 係table 上打開o左,hahaha, 恭喜哂你, 你間room 死過人, 仲非常之咁猛。我有個friend係泰國, 就見識過, 真係嚇到鼻哥都無肉。

麻雀館
1) 麻雀館忌面對米鋪, 原因米鋪日日開門o既時候, 照例把米倒係米桶內,日日對住倒米壽星, 係麻雀館大忌。

2) 麻雀館忌用紅色,酒色財氣都係游魂野鬼喜到之地, 而紅色本屬陰邪之色, 故此更易招若鬼魅。

紋身師父
紋身其實係中國都有好長o既歷史,嶽母都係紋上『精忠報國』四個大字係嶽飛背上。而紋身好多時都會紋上神明、龍與虎,依o的咁有靈性o既圖像,所以都屬於幾敏感o既行業 禁忌;
1) 認為紋身用的工具都是附有靈氣的,所以不能被攝影。
2) 紋身師父都會參拜神靈, 所以都會避食牛肉。
3) 學徒滿師之後,便需齋戒七七四十九日,免除嫖賭飲蕩吹,培養成一個元靈才可以成為一個紋身師父, 假若在齋戒期間犯上任何一戒,便會招上邪靈....


寶石宮

積分: 291093

2019新春慶豚圓 2019勳章 HiPP勳章(2) HiPP勳章(1) 2018父親節勳章 2018復活節勳章 15週年勳章 親子王國15週年勳章 親子王國15週年勳章 畀面勳章 醒目開學勳章 hashtag影視迷勳章 貓狗褓姆 認識瑞士牛牛第一回 美好大世界2017勳章 開心吸收勳章


發表於 05-7-5 11:41 |顯示全部帖子

Re: 各行各業的禁忌

我鐘意你同我講 I Love U, I Love U Too!
You are the sunshine of my life. That's why I'll always stay around. You are the apple of my eye. Forever you'll stay in my heart.


侯爵府

積分: 24957

好媽媽勳章 醒目開學勳章 畀面勳章


發表於 05-7-5 11:56 |顯示全部帖子

Re: 各行各業的禁忌


侯爵府

積分: 20956

好媽媽勳章


發表於 05-7-5 12:17 |顯示全部帖子

Re: 各行各業的禁忌

wa識左好多野


大宅

積分: 3310


發表於 05-7-5 12:25 |顯示全部帖子

Re: 各行各業的禁忌

真係唔睇過都唔知咁多禁忌

跳至
熱門主題