基督家庭 今日: 0 | 主題: 9938

積分: 21093

好媽媽勳章

1^#

發表於 10-11-28 08:19 |只看該作者 |倒序瀏覽 |打印

近日思緒有點兒亂, 想請教一下大家的看法：

1.
未信主的人離世後會去邊? 是否”未有機會接觸主” 跟 “拒絕信主” 都一樣?
2.
大家對佛教所言，如輪迴，回魂又有何看法?
3.
對於鬼魂, 術數等幾乎無可置疑的事，大家有為什麼評語?

謝謝!

0 0 0

私人傳訊

Kuri

伯爵府

積分: 16243

2^#

發表於 10-11-28 10:31 |只看該作者

原帖由 叉燒媽咪 於 10-11-28 08:19 發表
近日思緒有點兒亂, 想請教一下大家的看法：

1.
未信主的人離世後會去邊? 是否”未有機會接觸主” 跟 “拒絕信主” 都一樣?
--> 我認為主係會眷顧他們的。

2.
大家對佛教所言，如輪迴，回魂又有何看法?
--> 我一直好難相信，因為條數計唔掂... 假設以前得一億人，依家地球有六十億，咁個五十億邊度嚟？

3.
對於鬼魂, 術數等幾乎無可置疑的事，大家有為什 ...
--> 我無遇過鬼魂，術數唔係咁認識。

You think the only people who are people
Are the people who look and think like you
But if you walk the footsteps of a stranger
You'll learn things you never knew you never knew
-- Colors Of The Wind

私人傳訊

積分: 21093

好媽媽勳章

3^#

發表於 10-11-28 14:34 |只看該作者

回復 1# Kuri 的帖子

多謝你的回應.

希望有多些媽咪reply, 給我多一點開解, 謝謝....

私人傳訊

積分: 4598

4^#

發表於 10-11-28 21:00 |只看該作者

1. 你可以先自己參考羅馬書1:18-22﹐2:12-16。

2. 聖經記載人有靈魂﹐但人死後並唔會留在世上。至於輪迴﹐呢個係佛教的假設及理論﹐舉證的責任係屬於佛教徒。

3. 我唔認同術數係無可置疑。

私人傳訊

858D

珍珠宮

積分: 35748

5^#

發表於 10-11-30 02:59 |只看該作者

近日思緒有點兒亂, 想請教一下大家的看法：

我對以上三個問題分唔到0甘細來解答，讓我先如此想，在一一回答啦。
首先，神好民主，他絕不會強迫人的自由意志下做的選擇跟不跟從他，與他在一起。有點兒像自由婚姻戀愛。我們有許多機會認識神，從他默示兒寫成的聖經來認識神。從我們的心裡還沒有被麻木了的良知，從萬物中知道神創造一切。這不是我講的。是聖經講的。出自羅馬書（和合本）自己讀讀啦。這是神告訴我們他愛我們的資訊。我們是否留意就是我們自己的反應。唔一定每一個男追女，女追男都成功追到嘛！

神說，所有人間的真善美愛義，所有好的 “元素” 都是從他那兒來的。
“一切的真善美都是從眾光之父來的。”-出自聖經詩篇（和合本）。自己讀讀啦聖經記載著許多神想讓我們有關於他的資料，因為神很想我們透過聖經了解他。

反之，若果沒有了神支配住這些人間的真善美愛義的“精神”，與神完全隔離，你我的老公、老婆都想殺我們，你我的兒女都想害我們，父母一有我們就想把我們墮了拋棄不要。沒有神的"地方"剩下的只是邪惡的“元素”。

1.
未信主的人離世後會去邊? 是否”未有機會接觸主” 跟 “拒絕信主” 都一樣?

若果他們未離世前心想、願意跟隨神，與神“結婚”，永遠跟從神直至地老天荒，等神接他到神那邊，肉身的死後，神會接那人（非這肉身）到神那裡永遠與他同在。
反之，如果他未離世前心不想、不願意跟隨神，不願意與神同行，不與神“結婚”，死後，神很尊重個人的取向，不會逼“婚”。神會給那人自己想要的，到一個與神永遠隔絕的“地方”。

神以他自己的公義的准則來量度每一個人是否真心願意與神同行。這審判是基於每一個人怎樣反應所收到的有關神的資訊。以如何的心活這一生。 “因為一生的果效是由心發出。”-出自聖經和合本

當然神也會考慮到某某沒有機會讀過聖經，某某在耶穌基督來之前，看不到主來的日子而以神自己的公平來作個別審判。

這些自己讀讀聖經和合本羅馬書來理解神的審判原則啦。sshoi 都寫出何章何節了。

唔好靠我講解啦。因為我的理解未必准，一切有關神的位格，神的形像，都是以聖經為准。

2.
大家對佛教所言，如輪迴，回魂又有何看法?

讀聖經就知道佛教所言與神的話語有矛盾。又回到起點，信聖經定不信聖經呢？

聖經裡話我知，連鬼王都認識耶穌是神，都害怕耶穌。而這鬼王害怕的神卻愛我們到永遠甚至為我們捨己。神的愛不代表強加我們不想要的好0野。神要以他的愛來感動我們

聖經裡，耶穌基督話，他回去到父神那裡是要為我們預備“地方”去，死後會接我們去與父神在一起，永不分離。出自聖經約翰福音：14 章（和合本）。自己讀讀啦。
神要以他的愛來感動我們說：“神啊！我願意接受你作我的主！我的王！這心願原是不配，乃是奉主耶穌的名求。”

3.
對於鬼魂, 術數等幾乎無可置疑的事，大家有為什麼評語?
當聖經有講的，我就講，當聖經沒有講的，我就靜默。
我愛神，留心聽讀神的話語聖經，學習如和做到神對我的期望多過有閑情來評鬼魂, 術數。
我只有一個目標，就是 “朝那更美家鄉走回去”。出自聖經（和合本）希伯來書 11 章。自己讀讀啦。

謝謝!

[ 本帖最後由 858D 於 10-11-30 09:49 編輯 ]

私人傳訊

anntx3

積分: 2019

6^#

發表於 10-11-30 11:35 |只看該作者

3.對於術數等幾乎無可置疑的事，大家有為什麼評語?

有了陳X聰，多名少女被騙上床，對於術數等是騙人技倆，我是無可置疑的。

再說，如果術數是無可置疑，你能否算出我住在那裏？港島、九龍、新界、離島、甚至不在香港？美國、中國、澳門？甚至以上都沒出現？

謝

私人傳訊

積分: 21093

好媽媽勳章

7^#

發表於 10-11-30 13:38 |只看該作者

sorry 我諗我講錯左 , 唔係術數... 我想講既係 "先人回魂", or "有不認識的高人可以講出自己過去經歷及預言將來會預到的事"

原帖由 anntx3 於 10-11-30 11:35 發表
3.對於術數等幾乎無可置疑的事，大家有為什麼評語?

有了陳X聰，多名少女被騙上床，對於術數等是騙人技倆，我是無可置疑的。

再說，如果術數是無可置疑，你能否算出我住在那裏？港島、九龍、新界、離島、甚至不在香港？美國、中國、 ...

私人傳訊

積分: 21093

好媽媽勳章

8^#

發表於 10-11-30 14:21 |只看該作者

thanks sshoi & 858D，但…也許我信得不夠深，兩位所言，我唔太明解。

其實事情係：近日有至親離世，佢已經病左1x年，期間有人同佢講道，亦有人同佢念經，但佢接受左邊個宗教就無人知。

對於佢既離世，我固然好傷心，但同時亦引發我細想：人離世後會去邊呢？信者上天國與主一起，但唔信既人呢？

聖經上說主向我們敲門是我們的福氣，那「因未有機會接觸而沒有決志相信的人」離世後又會怎麼？

身邊有唔少人同我講，他們親身經歷親人回魂，在靈堂上看到親人在坐。這一切似乎是不可置疑。我想問的是，如果人離世後靈魂真的上天國，那在回魂夜的家中和守夜的靈堂裡出現的先人，基督教裡又有何解釋呢？

希望大家不要對我心存敵意，也希望大家能用顯淺的文字回應一下…我不是挑釁，只是…我實在想不通。

謝謝。

私人傳訊

anntx3

積分: 2019

9^#

發表於 10-11-30 15:26 |只看該作者

人死後會回魂是民間信仰，如果頭七回魂是普世性，為甚麼西人、黑人、甚至佛教起源地印度，都沒此傳說？

而基督教大都將"見到去世親人"指為由撒但假扮。

另外你指有不認識的高人可以講出自己過去經歷及預言將來會預到的事。
我牧師指，他們的能力是來自撒但，而撒但的確是有點預知力。由於他有此能力，故此很受追求優質生活的人歡迎。
好像常見報的白王王，他只會幫有$人和大明星，我沒有見到他令一貧民變成富甲一方。

我知你不是挑釁，我希能解答到你的問題，我以前也信術數，聽到朋友說誰準，便跑去試，錢花了不少，但對未來預測，一般只有10%。連50%也欠奉呢

私人傳訊

積分: 4598

10^#

發表於 10-11-30 21:52 |只看該作者

原帖由 叉燒媽咪 於 10-11-30 13:38 發表
sorry 我諗我講錯左 , 唔係術數... 我想講既係 "先人回魂", or "有不認識的高人可以講出自己過去經歷及預言將來會預到的事"

在聖經入面只出現過一次疑似係回魂嘅記載﹐就係已經墮落嘅掃羅王叫個問米婆搵已經死左嘅先知撒母耳﹐點知真係有個撒母耳出現將掃羅鬧到狗血淋頭(見撒母耳記上28章)。但一來呢個只係單一事件﹐二來到底呢個「鬼魂」是否真係撒母耳﹐在神學上仍然有爭論性。但從整本聖經的宏觀角度來講﹐人死後並無回魂。

至於"先人回魂", or "有不認識的高人可以講出自己過去經歷及預言將來會預到的事" ﹐如果你相信聖經記載呢個世界有無數邪靈﹐咁以上兩件事都好容易解釋。

一、"先人回魂"﹕可以有兩個解釋。
A) 心理方面﹐日有所思夜有所夢﹐人在悲傷同思念下出現幻覺﹐係好平常時。當人先入為主認為人死後會回魂﹐甚至見到一隻飛蟲一隻麻雀都話係先人回魂。
B) 另一個解釋係邪靈扮做死者﹐向死者親友顯現。至於邪靈點解要咁做﹖請留待我一陣在總結解釋。

二、"有不認識的高人可以講出自己過去經歷及預言將來會預到的事"﹕可以有三個解釋。
A) 錯覺。所謂術數高人都係語言技巧的高手。你留意下每年新年D所謂高人講D乜。「屬龍嘅朋友喺四月同五月要注意健康﹐因為可能會病。」如果你屬龍而又信嘅﹐你會特別注意健康﹐咁你可能因為注意健康而避免左生病﹐你就會話好彩得佢提點咋。如果你注意健康但仍然病﹐你就會話嘩佢好準呀。又例如一個術數師預測十件事情﹐中左五、六甚至七件﹐你覺得準嗎﹖從統計學角度根本就唔算準﹐只係好似買大細咁﹐一係中一係唔中﹐佢同人卜卦得夠多﹐總會有一兩個客仔係差不多全部講中晒。D唔中嘅客仔通常都唔會點唱衰﹐但D中晒嘅客仔就經常大鑼大鼓幫佢免費宣傳。
B) 觀察入微。D所謂高手可能其實不過係靠觀人與微。我讀中學時曾經睇過一個所謂高人(係我二姐自己想睇﹐夾硬的埋我去)﹐佢根本全部靠估。以為我同我二姐係情侶就話我好早拍拖﹐其實我當時連女仔朋友都無個。見我戴近視眼鏡就話我好勤力讀書﹐其實我係因為睇漫畫睇得多所以近視。話我讀書有時遇到困難﹐車﹐邊個讀書無遇過困難呀。
C) 邪靈。呢個世界充滿邪靈﹐每一個人從出世開始﹐週圍就有無數睇不見嘅邪靈在觀察同記錄所有事情。所以假如一個術數師幕後老闆係撒但﹐佢絕對可以講得出你過去所有經歷。至於預測將來﹐對於邪靈亦唔難做到﹐因為聖經話撒但係呢個世界嘅王﹐佢尤其喺未信神嘅人身上有好大權柄。例如邪靈可以透過術數師嘅口預測一個人幾時會病﹐幾時會有意外﹐甚至幾時會賺到第一桶金﹐然後到時到候就走去搞病佢﹐令佢發生意外﹐甚至丟一桶金畀佢。

好喇﹐關鍵係﹐撒但同佢D邪靈手下搞咁多野為乜﹖撒但從一開始就只有一個目的﹐就係要人遠離神。佢要人唔相信神的存在﹐唔相信有永生﹐唔相信人唯有靠神先可以得救。假如人相信有輪迴﹐就會認為人死後仲有機會得救﹐今生唔得﹐輪下輪下總有一次得。假如相信有回魂﹐就會認為可以等到親戚朋友經歷過死亡之後先再向佢地傳福音。假如人相信有術數﹐就會唔倚靠神﹐轉為倚靠人嘅計算﹐認為冥冥中人嘅命運被一D規律所主宰﹐呢D規律甚至係凌駕在神之上。但最重要係呢D事情都同神的話語-聖經有所違背﹐如果人相信呢D事情﹐就要認同神係不可信嘅﹐要放棄相信神。

私人傳訊

積分: 4598

11^#

發表於 10-11-30 22:35 |只看該作者

原帖由 叉燒媽咪 於 10-11-30 14:21 發表
thanks sshoi & 858D，但…也許我信得不夠深，兩位所言，我唔太明解。

其實事情係：近日有至親離世，佢已經病左1x年，期間有人同佢講道，亦有人同佢念經，但佢接受左邊個宗教就無人知。

對於佢既離世，我固然好傷心，但同時亦引發我細 ...

最簡單答案﹕我唔知。

對於呢條問題我特別有深感受﹐因為我媽係半年前過身﹐佢要到最後先相信耶穌。
我可以從兩個角度去思考你條問題。
從感性角度﹐我好希望所有人不論聽過福音又好﹐未聽過福音又好﹐信又好﹐唔信又好﹐只要唔係大奸大惡都可以「上天堂」。
從理性角度﹐我卻知道所謂天堂係一個永遠同完全聖潔公義的神同在嘅狀況。亦只有一種人唔能夠進入天國﹐就係唔願意靠耶穌嘅救恩而進入天國嘅人。

至於未聽過福音嘅人又如何呢﹖基督徒當中亦至少有兩個不同嘅觀點﹕
一、世上無未聽過福音嘅人﹐只係福音以不同形式進入人心。理由係羅馬書1:19-20話﹕「神的事情﹐人所能知道的﹐原顯明在人心裏﹐因為神已經給他們顯明。自從造天地以來﹐神的永能和神性是明明可知的﹐雖是眼不能見﹐但藉著所造之物就可以曉得﹐叫人無可推諉。」換言之人唔相信神係因為佢地自己心硬﹐並唔可以抵賴話未聽過。
二、世上卻有未聽過福音嘅人﹐至於佢地所受嘅審判係會按照神放在佢地心裡嘅是非之心。論點出自兩處﹕「然而﹐人未曾信他﹐怎能求他呢?未曾聽見他﹐怎能信他呢?沒有傳道的﹐怎能聽見呢?(羅馬書10:14)」、「沒有律法的外邦人若順著本性行律法上的事﹐他們雖然沒有律法﹐自己就是自己的律法。這是顯出律法的功用刻在他們心裏﹐他們是非之心同作見證﹐並且他們的思念互相較量﹐或以為是﹐或以為非。(羅馬書2:14-15)」

重點係﹐聖經唔係一本教導我地點樣去審判邊個得救邊個唔得救嘅書。聖經係一本教導我地自己點樣能夠得救嘅書﹐而呢個得救既包含永恆生命﹐亦有豐盛生命。如果未聽過福音的人一定唔得救﹐要同神永遠隔絕﹐下場固然係悽慘。即使係可以按著是非之心受審判﹐試問邊個能夠做每一件事都可以對得住是非之心﹖我地每一個都係罪人﹐每一個都唔配得到神拯救﹐但耶穌仍然願意為我地每一個人揹負死亡同罪債﹐呢個先係最大嘅奧秘。

所以再回到你條問題﹐如果你問某某人應該未聽過福音﹐咁佢死後會點﹖我最簡單嘅答案係﹕「我唔知。」因為我既唔知佢有無真係聽過福音﹐亦唔知道佢在是非之心審判下會如何。正如使徒彼得知道自己將來要為主耶穌犧牲之後﹐曾經問耶穌使徒約翰將來會點﹖耶穌嘅回答係﹕「與你何干﹖你跟從我吧﹗」

私人傳訊

積分: 21093

好媽媽勳章

12^#

發表於 10-12-2 09:21 |只看該作者

睇完大家既回應，心情平靜左好多。

多謝各位~~

私人傳訊

858D

珍珠宮

積分: 35748

13^#

發表於 10-12-2 11:19 |只看該作者

sshoi 講得非常好！我特別喜歡LEE句：
"重點係﹐聖經唔係一本教導我地點樣去審判邊個得救邊個唔得救嘅書。聖經係一本教導我地自己點樣能夠得救嘅書﹐而呢個得救既包含永恆生命﹐亦有豐盛生命。"

我會記低 LEE 頁第日抄翻出來再用。唔好浪費 sshoi 用自己話語打0甘多只字出來一現就沉落去嘛。LEE D 真系唔系公式答案來0嫁。又吻合我讀聖經得出的理解。好！

[ 本帖最後由 858D 於 10-12-2 11:25 編輯 ]

私人傳訊

積分: 4598

14^#

發表於 10-12-2 23:25 |只看該作者

原帖由 叉燒媽咪 於 10-12-2 09:21 發表
睇完大家既回應，心情平靜左好多。

多謝各位~~

你問D問題都好值得思考﹐希望你可以繼續交流。

私人傳訊

積分: 4598

15^#

發表於 10-12-2 23:30 |只看該作者

原帖由 858D 於 10-12-2 11:19 發表
sshoi 講得非常好！我特別喜歡LEE句：
"重點係﹐聖經唔係一本教導我地點樣去審判邊個得救邊個唔得救嘅書。聖經係一本教導我地自己點樣能夠得救嘅書﹐而呢個得救既包含永恆生命﹐亦有豐盛生命。"

:excite ...

多謝你鼓勵。能夠幫助到一個人已經有價值﹐沉唔沉底反而唔係咁重要。我親身感受過邪靈嘅威力同無所不在﹐希望大家能互相提醒﹐時常警醒謹慎。

私人傳訊

積分: 21093

好媽媽勳章

16^#

發表於 10-12-3 10:45 |只看該作者

thanks so much~

相信我既問題亦係好多未信or初信者既問題。

我曾經返church, 但後來停左，不過有keep 住 pray。

我曾經問主，我想重拾church生活，但，好像沒有一個「動力」or 「誘因」，也不知道應到那一所church，希望他給指引。

之後我不了了之。

當然，最大的原因係自己懶+扮忙。

可能祂要借此事帶領我返回church中？

原帖由 sshoi 於 10-12-2 23:25 發表

你問D問題都好值得思考﹐希望你可以繼續交流。

私人傳訊