Re: 客貨車撞人,女司機竟埋怨傷者!
我估佢都好唔想撞到人,但係咁樣埋怨傷者就有d過分囉。
:-x
過馬路真係要小心。我坐親車都見有d人亂過馬路,有d睇都唔睇就係咁衝過,有d大搖大擺慢慢行重bear住d車,有d就係有望...第二個方向,有次重見到一個媽媽拖住個幾歲大既仔衝過一條好多車D車又快既馬路,我同老公見到都俾佢嚇死。遇正d的士佬巴士佬或van佬爛命一條唔收油,真係撞死冇得賠呀嘛。就算d車會讓你,要讓都要司機睇到你先得架,最危險就係有d人落左巴士就咁响巴士前過馬路,或者响兩架高身車中間過,後面d車係冇可能睇到架,真牙煙。
重有當行人過路燈"斬斬"下,有d行人會衝過馬路(我都會),但係有d爛命一條既車係會未轉燈就踩油,如果有巴士貨車阻住視線,又係好易有意外。小心小心。
laughin' to keep from cryin'