esmond01 寫道:
唉,你老公可能太耐無o係出面做野,一直呢埋o係老豆間舖到,可以話同出面商業社會脫左節,而且做左自家工咁耐,唔係咁易適應再出去搵工及啟人面色打工,而家你要耐心地比多d支持同鼓勵佢,要慢慢幫佢建立自信,唔好比批評及難聽既說話打擊佢。
其實你老爺有無打算幾時將間鋪比你老公接手或者賣左比人呢?話哂佢有病o係身而且咁大年紀都應該退休享下清福,而且無理由成日自己拎走哂d錢要你地無人工之餘仲要貼錢打工架,下次你地真係要企硬唔好再幫佢啦,你計下條數最多當份人工交左租已經舌左比老爺奶奶,無理由再要倒貼,一係你老公同奶奶keep住間舖既財政唔比老爺惦,如果老爺再唔改善佢既做法不如執左間舖好過,你諗下如果佢係拎d錢去賭既,你地再幫佢都只會害左佢,仲要係個無底深淵添,你地係時候為自己打算下,唔好再咁愚孝。
至於奶奶叫你地搬出去一事,係等BB大都要幾年後既事啦,唔使咁擔心啦,你最緊要同你老公有左共識先,如果未有經濟能力時不能挽強搬出去,要有預算計過哂所有租金、水電、BB將來學費書薄費,2大1細生活費後有剩餘才可以考慮,否則情願賴死唔走。
ringoivy 寫道:
點解你奶奶無端端叫你地搬走呀 人家住得好地地, 咁你老爺間舖係做咩生意架 有時雖然係細細地但都叫做自己生意睇下比d心機會唔會有作為, 因為你老公太耐無出黎社會做事, 一下子佢真係好難適應. 不過佢幾多歲呀 若果仲係後生仔都真係有機會出番黎社會好d喎