嬰兒醫護

跳至
   0


男爵府

積分: 7361


發表於 05-7-8 14:27 |顯示全部帖子

BB成日發燒, 點算?

我囝囝17個月大, 近呢3個月病得好密, 差唔多1個月病2次, 但是好奇怪, 佢病的原因除了是傷風, 有時只是發燒, 沒有其他原因, 你話佢抵抗力唔好咩, 佢又唔似, 因為佢傷風, 食藥, 通常1-2日便打低D菌, 唔駛再食藥(我識其他年齡相若既BB, 通常傷風都要成個星期先好, 有時要睇多過一次醫生), 咁, 我見佢病通常是傷風, 知道佢唔夠Vit C, 因為佢係咩生果同汁汁都唔食/飲, 我都試到投晒降, 佢連一般snack都無興趣, 我食ice-cream, 佢試一口便跑開, 買BB糖俾佢食, 佢一食就吐出來, 我已經去到有咩新野一定俾佢試(就算是無益的)既地步, 因為我想試出佢既口味, 但, 佢真係咩都唔like, 另一方面, 佢又好肯食正餐bor, 3奶(8-9oz) 2粥(1碗滿)佢一定清晒!
可能, 唔食snack是一件好事, 但佢連汁汁, 湯水, 生果都唔食就攪到我頭都大埋, 我一向唔主張吃supplement的, 但最近都買了魚肝油給他吃, 因為我唔想佢成日病(雖然唔知有無關係); 佢依家久唔久就發燒, 但唔係高燒, 燒1-2天又會自己好, 你話我可以點做好呀???


大宅

積分: 2703


發表於 05-7-8 14:48 |顯示全部帖子

Re: BB成日發燒, 點算?

Coolpig,

原來你囝囝唔like生果/snack, 淨係鍾意食正餐!
你試下比乳酪 (for baby果隻) 再加生果容, mixed比佢試,
右或者將生果容加洛米糊比佢食. 生果可以比奇異果多vit c.

佢依家久唔久就發燒? 呢樣問下醫生啦!

希望你亞b鍾意乳酪啦!


別墅

積分: 870


發表於 05-7-8 14:53 |顯示全部帖子

Re: BB成日發燒, 點算?

其實發燒代表佢係到同D病菌打緊仗,打贏咗自然會退燒。如果係微燒,日間個人精精靈靈,玩得食得,可以不理,甚至退燒藥都唔洗食(以上係醫生講嘅!)。高燒就一定要幫佢退燒,唔係燒親腦仔!

我個仔都唔食生果,返學後又成日病。我就將D魚油丸放落D飯俾佢食。另外都會榨萍果汁佢飲,但係要'tum'同埋好似飲湯咁餵佢先肯飲!

小朋友病過先有抗體!我細仔由一個月開始就平均每月病一次(俾哥哥野),小病唔洗太擔心!
UncleDOS教育資訊網:
http://edu.uncledos.com/


男爵府

積分: 7361


發表於 05-7-8 15:01 |顯示全部帖子

Re: BB成日發燒, 點算?

Sweet2004,

佢唔食米糊架, 佢一食就吐番出來 :tongue: 乳酪都試過, 走都走唔切呀...~


男爵府

積分: 9034

環保接龍勳章


發表於 05-7-8 19:00 |顯示全部帖子

Re: BB成日發燒, 點算?

你個仔可能係水份唔夠. 小朋友新陳代謝快.活動力強,散熱快. 好容易出汗. 佢又唔食生果. 果汁. 纖維唔夠之餘. 水份都唔夠.
水份佔人體70%以上. 當體內水份比所需的少,便會進入脫水狀態,只要身體比正常少1%的水,就會感到極口渴,如果比正常少5%,就會輕微發熱,而如果缺水10%,身體發紫而且無法走動。
應當一無罣慮,只要凡事藉著禱告、祈求,和感謝,將你們所要的告訴神。
神所賜、出人意外的平安必在基督耶穌裡保守你們的心懷意念。


大宅

積分: 2766


發表於 05-7-8 19:06 |顯示全部帖子

Re: BB成日發燒, 點算?

我有個朋友個bb又係成日發燒, 睇左好多個醫生, 後來睇左一個, 同佢驗完之後, 原來係肺癆, 但都唔知點解會有咁既病, 所以你要check 真d

跳至
熱門主題