心聲留言

跳至

首頁
1

尾頁
   0


男爵府

積分: 6122


發表於 05-7-10 23:53 |顯示全部帖子

我好唔鍾意老爺奶奶成日咁講,係味我少氣?

我個仔話乖又唔係好乖,話曳又唔係好曳,佢有時會多手攪吓野,有時會扎扎跳,但大部份時間都係係地下玩玩具,講真我一啲都唔覺佢曳,但我老爺奶奶成日話佢好曳,唔乖,唔聼話,無鬼用,好大脾氣等,佢地唔係講一次就算,係一日內不停咁講,一見到面就講,玩玩吓又講,一日都唔知講咗幾多次,我聼到真係好唔開心,成日諗我個仔真係咁差咩!但最大問題係唔想傷咗佢嘅自專心,講真日日比人咁話法我都會唔開心啦,何況係一個得26個月嘅細路仔?


大宅

積分: 2258


發表於 05-7-11 10:25 |顯示全部帖子

Re: 我好唔鍾意老爺奶奶成日咁講,係味我少氣?

吾緊要!可能他們是傳


大宅

積分: 2137

畀面勳章 環保接龍勳章


發表於 05-7-11 10:41 |顯示全部帖子

Re: 我好唔鍾意老爺奶奶成日咁講,係味我少氣?

唔緊要啦,唔只係你老爺奶奶係咁,我既老爺奶奶都係咁,成日都話我唔知點教仔,教到個仔曳到不得了,又話我個仔瘦,問我係咪成日唔煮飯俾仔食.總之,唔好既嘢就賴晒喺我身上,所以我都慣,佢哋鍾意講咪又得佢哋講,我就左耳入右耳出,聽完就算,唔好擺喺心,要自己記著d唔開心既嘢好辛苦架.
我就覺得個個小朋友都係咁,走走跳跳,攪吓呢樣又攪吓嗰樣,如果佢哋坐定定唔出聲我仲擔心係咪有問題添.


複式洋房

積分: 319


發表於 05-7-11 11:12 |顯示全部帖子

Re: 我好唔鍾意老爺奶奶成日咁講,係味我少氣?

[quote]
babyying 寫道:
唔緊要啦,唔只係你老爺奶奶係咁,我既老爺奶奶都係咁,成日都話我唔知點教仔,教到個仔曳到不得了,又話我個仔瘦,問我係咪成日唔煮飯俾仔食.總之,唔好既


伯爵府

積分: 15147


發表於 05-7-11 13:07 |顯示全部帖子

Re: 我好唔鍾意老爺奶奶成日咁講,係味我少氣?

係呀~~d老人家話bb唔讚得架 , 會小氣
所以只可以話咋
可能你老爺奶奶係咁諗呢
仁德厚澤載福慧輝炫矢志盛風華


洋房

積分: 51


發表於 05-7-11 13:29 |顯示全部帖子

Re: 我好唔鍾意老爺奶奶成日咁講,係味我少氣?

我奶奶重差,我個女剛出世時,醫生話要佢照燈,點知我奶奶話我老公細過時都係咁,不用照燈,惰巴閉。跟住我老公個表哥個女大過我bb2星期,常常比較,每次打來問喉我bb都是問佢幾重,都不是真心關心佢,常話我個女比人輕幾多,佢表哥用米水開奶食得很肥,要我跟佢。到現在我個女9個女大,又話佢表哥個女巳有幾重,巳出了2隻牙,我個女重未出。佢從來冇話煮什麼俾我個女食或照顧,但常批評我媽照顧我個女不好。我媽不知幾鍚我個女,醫生都話我個女個size屬於中碼。到其他人讚我個女可愛時,佢就show-off。我重記得我個女4個女時到她家拜年,叫我唔好俾我個女在她家喊,新年流流喎,你話佢是不是short short地。我同我老公講過,如果佢將來再在我女面前講一些同人比較的話,我一定好勁鬧佢,最多以後不見佢。


珍珠宮

積分: 42820


發表於 05-7-11 13:37 |顯示全部帖子

Re: 我好唔鍾意老爺奶奶成日咁講,係味我少氣?

850212:
如果係我我會答佢聰明o既小朋友先試曳,唔通一'舊'飯咁好咩。


禁止訪問

積分: 30004


發表於 05-7-11 14:23 |顯示全部帖子

Re: 我好唔鍾意老爺奶奶成日咁講,係味我少氣?

提示: 作者被禁止或刪除 內容自動屏蔽


大宅

積分: 2247


發表於 05-7-11 23:33 |顯示全部帖子

Re: 我好唔鍾意老爺奶奶成日咁講,係味我少氣?

miffy 寫道:
既然佢地成日話你仔曳, 咪少d帶你仔見佢地, 廢事篤眼篤鼻。

我奶奶+男家屋企人都成日批評我仔, 初頭我頂唔順咪還兩咀。

例如佢話我仔瘦, 我咪話 "係呀, 好似欣宜o甘肥咪好"

又話我仔怕羞, 我咪話 "係呀, 唔知羞先好"

有次話表哥活潑又叻, 周圍走wor, 話我仔剩識痴住daddy, 我話 " 我教佢o架, 我成日叫佢唔好o甘粗魯, 要有家教, 唔好周圍走失禮人"

而家我都懶得採佢, 佢鍾意講就講。

高招高招,我都要學吓


男爵府

積分: 6122


發表於 05-7-12 00:17 |顯示全部帖子

Re: 我好唔鍾意老爺奶奶成日咁講,係味我少氣?

我都唔想唔比仔仔佢地見,但我係同佢地一齊住,想唔見都幾難,而且佢地唔係因為驚佢小氣,佢地係好認真咁講,仲話佢大個肯定好似老豆一樣,(我老公成日發脾氣),講到佢大個一定好壞咁,叫我睇住黎,又成日無啦啦鬧我個仔,攪到佢喊曬,又成日叫我打佢,我好唔鍾意佢地咁呀!


大宅

積分: 3200


發表於 05-7-12 01:51 |顯示全部帖子

Re: 我好唔鍾意老爺奶奶成日咁講,係味我少氣?

850212 寫道:
我都唔想唔比仔仔佢地見,但我係同佢地一齊住,想唔見都幾難,而且佢地唔係因為驚佢小氣,佢地係好認真咁講,仲話佢大個肯定好似老豆一樣,(我老公成日發脾氣),講到佢大個一定好壞咁,叫我睇住黎,又成日無啦啦鬧我個仔,攪到佢喊曬,又成日叫我打佢,我好唔鍾意佢地咁呀!


你咪同番你老爺奶奶講, 我個仔似佢老豆好正常, 佢地兩父子黎


子爵府

積分: 13662

開心吸收勳章 認識瑞士牛牛第二回 貓狗褓姆 畀面勳章


發表於 05-7-12 09:46 |顯示全部帖子

Re: 我好唔鍾意老爺奶奶成日咁講,係味我少氣?

家陣d人仔好叻, 識得睇人黎做野架! 可能你囝囝係特登響佢面前咁都唔奇, 可能佢地d老人家一開聲就係鬧佢一係就大大聲, 所以佢先會咁! 而我想信你自己若果在佢有不對時教佢,總會解釋下先, 所以有唔同, 好似我個女既唐弟在麻麻度唔聽麻麻話, 唔食飯...之類! 我上到佢同佢傾計, 解釋佢聽, 鼓勵下佢,佢就會乖乖食飯!
我都覺得佢地再係咁, 真係會傷害到個小朋友既心靈, 因為在他們面前, 不會有讚賞或鼓勵, 若果真係得既! 你有機會都要同你老爺奶奶傾傾, 佢地老人家多數都聽唔入耳, 又話細路仔邊識丫之類架! 但你起馬至少都要俾佢地知左先!

我囡細時我都仲同佢兩老住, 冇錯, 佢地係好鍚我同埋阿囡, 但我都同我老爺鬧過一次交, 因為佢地就覺得嘜都得, 我就覺得唔得, 我同阿囡傾計,教阿囡(得幾個月)野果時又響側邊話, 佢邊識丫之類既說話,積下積下未鬧過一次交囉~ 但後來我仍然堅持我既方法, 現在他們都時常讚我囡乖過唐細佬(相差一個月)! 都讚我揍得個囡好!

其實果時同佢地一齊住都幾慘架! 因為佢地慣左個潮州話(唔知佢地up嘜),又大聲喎! 睇亞視(我睇無線架)!

講起潮州話有個笑話, 我早幾日問我囡叫佢學潮州話好唔好! 佢居然話, "咁難聽"! :lol: 笑死我, 不過後來我都同佢講唔可以響爺爺麻麻面前講, 我囡問點解, 我話佢地會傷心囉~ :mrgreen:


子爵府

積分: 11754


發表於 05-7-12 10:49 |顯示全部帖子

Re: 我好唔鍾意老爺奶奶成日咁講,係味我少氣?

miffy,

我又係好似你咁, 條衰奶奶一話我個女, 我就會駁返佢, 最近佢重衰, 我成日覺得佢想借話我女來單打我, 比說話我聽, 平時臨睡時我女都好鐘意入奶奶房玩下,我都由得佢地, 因為大家有溝通先好, 有日個女想開門入去,但門lock左,個女入唔到去咪喊晒口,佢又好耐先開返門,我地咪以為佢唔想個女入去lock左度門,過後個女喊得好凄涼咁,佢先搵藉口話換緊衫,咁佢可以即刻解釋比個孫女知換緊衫....,駛乜隔咁耐先搵呢個做藉口,好似檔她公仔,鐘意就同個孫玩,唔鐘意就唔同玩,小朋友唔係咁同你諗,自始我女就好記性,記住奶奶咁對佢,我奶奶有時想同返佢玩,她都不太想,99問我女點解咁憎佢呢!我女得4歲當然唔識點答佢,我就解釋99知因上次咁情形.....,點知條死老爺好似將個罪放係我處,好似我教到個女係咁,重話我女咁對佢,係屋企咪無訂企,講真做乜都有前因後果,自己做過乜咪受返,唔好成日以為我係背後教個女咁樣,而家我真係好憎呢個99,當然還有好多衰野做過我先咁憎佢,唔係邊個想去憎一個人.


禁止訪問

積分: 146


發表於 05-7-12 13:56 |顯示全部帖子

Re: 我好唔鍾意老爺奶奶成日咁講,係味我少氣?

提示: 作者被禁止或刪除 內容自動屏蔽


大宅

積分: 3684


發表於 05-7-18 11:34 |顯示全部帖子

Re: 我好唔鍾意老爺奶奶成日咁講,係味我少氣?

AlienaKKK 寫道:
miffy,
你個方法都幾好, 有時我唯有唔出聲, 唔駁咀, 奶奶就知我唔高興, 佢好鬼大細超架, 我生果個係女, 叔仔果個係仔, 佢鬧都唔會鬧佢地, 佢地分開住架, 有錢請工人, 甚麼都大小姐, 大少咁, 我奶奶倒埋茶, 裝埋飯比佢兩個架, 個二嫂成日唔聽佢講野, 見到我就發洩曬係我度, 有無方法可以過得好D?


d老人家都唔諗下邊個陪住o係佢身邊?! 越唔理佢o個個佢就越錫! 範賤!


大宅

積分: 3684


發表於 05-7-18 11:38 |顯示全部帖子

Re: 我好唔鍾意老爺奶奶成日咁講,係味我少氣?

850212 寫道:
我個仔話乖又唔係好乖,話曳又唔係好曳,佢有時會多手攪吓野,有時會扎扎跳,但大部份時間都係係地下玩玩具,講真我一啲都唔覺佢曳,但我老爺奶奶成日話佢好曳,唔乖,唔聼話,無鬼用,好大脾氣等,佢地唔係講一次就算,係一日內不停咁講,一見到面就講,玩玩吓又講,一日都唔知講咗幾多次,我聼到真係好唔開心,成日諗我個仔真係咁差咩!但最大問題係唔想傷咗佢嘅自專心,講真日日比人咁話法我都會唔開心啦,何況係一個得26個月嘅細路仔?


叫佢收聲啦! 個仔係你的, 又不是他的! 要教就教下自己個仔!
或者你同你老公施下壓得唔得? 我o個時仲慘過你, 大住個肚, 諗住個老公係最親, 但佢竟然幫晒佢屋企人, 一d都唔企o係我o個邊! 最慘真係莫過於此啦!


侯爵府

積分: 23056


發表於 05-7-18 13:21 |顯示全部帖子

Re: 我好唔鍾意老爺奶奶成日咁講,係味我少氣?

我老公個老豆以前都係咁, 次次見親我囡囡都話佢, 有一次, 囡囡(2歲幾)去完影樓映相, 好開心咁拎比佢睇(我自問映得錯)但係佢就話肉酸咁, 又話囡囡唔著衫, 我囡囡好sensitive架, 佢今晚唔開心, 又喊...

一番到婆婆度, 就話比婆婆知:"我冇叫爺爺呀, 爺爺話我醜樣, 仲有肉酸tim.." 之後, 我囡囡見到佢, 都唔叫佢, 又唔睬佢.... 有一次, 我阿媽見到佢同佢講(好似係話囡囡咁叻, 咁好記性咁), 話囡囡咁講, 話囡囡唔開心咁...

之後, 佢冇再咁講過啦~~

小朋友係咁架啦, 你話佢, 佢咪唔鐘意你law, 到尾都係佢地(老爺99佢地)自己受番... 到時佢地喊都無為~~


男爵府

積分: 6122


發表於 05-7-22 02:19 |顯示全部帖子

Re: 我好唔鍾意老爺奶奶成日咁講,係味我少氣?

我阿媽同我奶奶講話我個仔好乖,好得意,我奶奶就話佢好曳,脾氣好大...係要講到個孫一文不值,佢又成日將我個仔同人比較,話人地果啲都唔會咁咁咁,你要學吓人,佢瀨尿唔識講,又話佢無鬼用,有次佢唔食野,咁我好嬲鬧咗佢一餐,跟住佢死死氣食曬碗飯,跟住我老爺返黎,奶奶就不停同佢講頭先佢唔肯食飯,話佢好曳,講咗好多負面嘅說話,又叫老爺唔好彩佢,唔好錫佢,我心諗使唔使咁呀,啲野過咗去就算啦,佢係要摷返出黎講,仲要講得咁難聼,夠竟佢知唔知人地講到會好hurt咖! :evil:


大宅

積分: 2807


發表於 05-7-22 18:40 |顯示全部帖子

Re: 我好唔鍾意老爺奶奶成日咁講,係味我少氣?

咦,如果bb係唔讚得,我果兩位老人家次次都話大小姐好乖咩都識,咪有心玩野?好,我要同老公告狀。




最搞笑係我個bb係加大碼,老公居然同我講佢果邊有人話bb瘦蜢蜢唔及呀邊個咁肥嘟嘟,吓,果個bb係著衫lau bau咋話。真係唔知點答好,加大碼都話瘦蜢蜢,好,下次就話似欣宜最好囉呵。笑死。



laughin' to keep from cryin'

首頁
1

尾頁

跳至
熱門主題