產前產後

跳至

首頁
1

尾頁
   0


複式洋房

積分: 493


發表於 05-7-11 13:11 |顯示全部帖子

有無媽咪過咗預產期BB仍未出世?

我BB預產期應在7月10曰, 但到今曰(11号)仍未有任何動静,好心急,有點坦心, 有無媽咪有類似經驗 指教下?


大宅

積分: 2203


發表於 05-7-11 15:39 |顯示全部帖子

Re: 有無媽咪過咗預產期BB仍未出世?

我個女當年既預產期, 私家醫生話1月6日, 政府醫院就話1月15日, 不過我最終1月21日先生個女.. 無事既...


琥珀宮

積分: 182549

2019新春慶豚圓 2019勳章 好媽媽勳章 醒目開學勳章 畀面勳章 有「營」勳章 2011至尊種植勳章 大廚勳章 BK猜猜猜慶中秋 BK Milk勳章


發表於 05-7-11 15:49 |顯示全部帖子

Re: 有無媽咪過咗預產期BB仍未出世?

唔駛擔心架, 梗係有遲有早啦, 我個囡囡都41週先出世


別墅

積分: 620


發表於 05-7-11 18:46 |顯示全部帖子

Re: 有無媽咪過咗預產期BB仍未出世?

ME TOO!!


洋房

積分: 149


發表於 05-7-11 19:36 |顯示全部帖子

Re: 有無媽咪過

我13號預產期,但我都係1D跡象都冇!!!! ?-(


大宅

積分: 2497


發表於 05-7-11 20:16 |顯示全部帖子

Re: 有無媽咪過

我預產期21號~唔知會唔會過呢~~~~希望唔會啦~


複式洋房

積分: 436


發表於 05-7-11 21:19 |顯示全部帖子

Re: 有無媽咪過咗預產期BB仍未出世?

I hope my baby will come out soon too but according to the doctor 38 to 42 wks are acceptable.

ahchungma


別墅

積分: 714


發表於 05-7-11 23:02 |顯示全部帖子

Re: 有無媽咪過咗預產期BB仍未出世?

我就希望阿b準時或者遲少少就好喇, 因為阿b預產期踏正年初一, 如果佢早出黎就係雞仔, 準時或者遲呢就係狗仔.....我希係佢係狗仔呀!


男爵府

積分: 5555

2019勳章 2018復活節勳章 好媽媽勳章 畀面勳章 BK Milk勳章


發表於 05-7-12 09:18 |顯示全部帖子

Re: 有無媽咪過咗預產期BB仍未出世?

我宜家39週,放梗產假,我都想BB早D出生,起碼對住BB多D時間, 好過宜家放假咁悶, 但一D動靜都無, 唔知會唔會過預產期出生,我預產期是19號


男爵府

積分: 8678

2019勳章


發表於 05-7-13 12:33 |顯示全部帖子

Re: 有無媽咪過咗預產期BB仍未出世?

My EOD is also on july 21st wo, still no sign up tp this moment.


大宅

積分: 3344

畀面勳章


發表於 05-7-13 12:39 |顯示全部帖子

Re: 有無媽咪過咗預產期BB仍未出世?

我當年的預產期係3月5日但bb就3月9日先至出黎,嗰時政府醫生話如果過咗1星期就要催生啦!


大宅

積分: 1627


發表於 05-7-13 13:45 |顯示全部帖子

Re: 有無媽咪過咗預產期BB仍未出世?

只要BB在42週前出世就冇問題,所以大家唔好咁擔心!預產期只係一個指標(而一般情況是以40週為多)。

我都好明白大家現在的心情,我在臨近預產期時都一樣好緊張,有怕要醫生"催生"。最後,我在預產期當晚九時許入院,兩日後,囡囡便出世了。我先生同我一齊看著囡囡出世,真係好感動o架!


民房

積分: 4


發表於 05-7-13 23:26 |顯示全部帖子

Re: 有無媽咪過咗預產期BB仍未出世?

我預產是25號, 我都希望bb怏d出世, 因我最近好大食怕bb好重不能順產, 因為bb於6月28日已經有6.7lbs :-P


男爵府

積分: 5555

2019勳章 2018復活節勳章 好媽媽勳章 畀面勳章 BK Milk勳章


發表於 05-7-16 23:12 |顯示全部帖子

Re: 有無媽咪過咗預產期BB仍未出世?

又係我, 由於我預產期係19號,星期四曾見紅,直到現在都無見紅, 私家醫生話叫我一到預產期還未生,就入院傕生, 但我聽人話通常過預產期一星期才會傕生, 點解我一到預產期就要, 佢話因我曾見紅, 而且我宜家兩日要履疹一次兼用機檢查BB心跳及子宫收縮頻率, 你地又無試過? 宜家我都唔知點做?


大宅

積分: 3489


發表於 05-7-17 01:06 |顯示全部帖子

Re: 有無媽咪過咗預產期BB仍未出世?

各位媽咪~

你地唔駛咁擔心架!通常BB係42週內生,都OK架!我聽過一個媽咪話佢足足42週零2日先生呀!

我都係過來人,本來囡囡預上期係今年3月10日,但到左果日去產檢都冇動靜,因為我9個月時去照私家4D,醫生話BB已經7磅,如果3月頭都未作動,就要話俾政府醫生聽.當日醫生知道後就話,重D問題都唔大,或者過多1個星期都係咁,就幫我入院做'催生'...

之後我3/17入院,放左2日催生藥(入陰道),但都冇反應,又唔係好痛(最痛時部儀器都係指去'一百度'左右),宮縮亦都唔係好頻密(大約十分鐘痛一次)...本來醫生諗住再放多一日藥(最多放3日),但因為我有少少發燒,而且我話BB已經過左8磅,我未必生到,所以佢地再幫我照超聲波,並決定立即開刀...我終於係3/17(即係過左預產期9日)開刀生左個3.89kg(8磅半)既肥妹仔喇! 總算係母女平安!

維尼熊pooh~

你唔駛太擔心架!醫院咁做都係為你同BB安全著想o者!check密D都好既,大家都安心D嘛!
我果時係'聯合'都有綁過尼部機,幫助檢查BB心跳及子宫收縮頻率,咁樣就可以好安全咁知道BB既情況,對知道/估計幾時生得好有用架!而且對媽媽同BB都冇副作用,又唔痛既,唔駛怕架! (你係咪都係'聯合'生架? 我以前好似見過你去尼個題目留言?)


待產中的媽咪~ 其實你地都唔駛擔心架,BB自己會係'適當'既時候出黎架喇! 希望大家既BB都健健康康!平安出世喇! 而家好好照顧自己,同老公享受下'自由身'既日子仲好喇! 遲D BB出世後有排忙架!


男爵府

積分: 5555

2019勳章 2018復活節勳章 好媽媽勳章 畀面勳章 BK Milk勳章


發表於 05-7-17 11:55 |顯示全部帖子

Re: 有無媽咪過咗預產期BB仍未出世?

gillianchan:
其實你記性幾好, 我曾經考慮係聯合生,所以有去過尼個題目留言, 但最後都係決定係私家醫院生, 因我今次第一胎,樣樣都唔識又驚政府醫院的手勢,老公見我咁擔心, 唯有慳D, 就叫我去私家醫院生等我安心D, 我想問吓你,你覺得我應該繼續等到有陣痛先生,還是按私家醫生意見,一到預產期就入院傕生呢?


禁止訪問

積分: 2429

畀面勳章


發表於 05-7-18 17:46 |顯示全部帖子

Re: 有無媽咪過

提示: 作者被禁止或刪除 內容自動屏蔽


大宅

積分: 3489


發表於 05-7-18 22:47 |顯示全部帖子

Re: 有無媽咪過

維尼熊pooh~

多謝你讚我喎!呵呵!
其實'聯合'都OK既,不過錢銀許可既話當然係去'私家'好D喇!
我個人意見覺得等陣痛先入院會好D,因為我見過一D孕婦見紅+陣痛入院都要三日先生得呀!我自己都係遲左7日入院用催生,再過2日都唔得,先開刀咋!如果你係'私家'既一定好貴o者!而且你諗住自然分娩定開刀呀?如果你屋企離醫院好近,又係順產既,你等陣痛密少少先入都未遲....不過當然係安全最重要喇!

希望你 同headphone0528~ & 各位待產媽媽都生產順利,母子/母女健康喇!


男爵府

積分: 5555

2019勳章 2018復活節勳章 好媽媽勳章 畀面勳章 BK Milk勳章


發表於 05-7-19 09:57 |顯示全部帖子

Re: 有無媽咪過

gillianchan,
其實今日已經係我預產期,但BB都無動靜, 明天我會再做產檢,如果再無動靜,星期四晚入院催生,我會選擇順產的, 我想問吓醫生有沒同你解釋點解塞咗藥都未反應,咁你有無吊催生藥水,我驚我會無反應


別墅

積分: 930


發表於 05-7-19 13:16 |顯示全部帖子

Re: 有無媽咪過咗預產期BB仍未出世?

你不用擔心,
我預產在今年6月17日,
BB在25日才出世,
政府醫生話要在25日催生
但剛巧當日早上見紅。

首頁
1

尾頁

跳至