產前產後

跳至

首頁
1

尾頁
   0


子爵府

積分: 14349

好媽媽勳章 醒目開學勳章


發表於 05-7-11 13:47 |顯示全部帖子

唔好意思...想問下...

我尋晚突然間覺得下面好痛...我諗我尿道炎又番發喇...
今年1月頭時發過一次,我睇左私家醫生...d藥食到我係咁作嘔而冇食晒...跟住又冇事囉喎...咁就冇理佢~~
之後2頭月又發過一次...又係去睇私家醫生,重同佢講話上次既藥我食唔到...唔知係咪藥既份量太過犀利...醫生話有可能係,因為佢都見過有人係咁,所以又開多次藥比我~但係我都係食完之後好唔舒服~~除左下面繼續痛之外,重作嘔得好犀利!!!不過食完藥後幾日又好似冇乜事...(不過我就冇同個私家醫生講話我依左佢d藥之外M都冇黎~)
到到2月尾...我果日番番下工又痛喎...頂唔順,走左去仁濟睇急症~~等左2個鐘先睇到...跟住同醫生講話乜野唔舒服,同埋自己已經睇過私家醫生,重講左話食左d藥之外連M都冇黎...醫生就即刻問我會唔會有左...我自己都唔知...因為不嬲老公都冇避,我都冇食藥架~~之後佢就話同我驗下~~
因為驚有左bb又食過果d藥...會影響到~~之外驗到真係有左...醫生重叫我留院檢查會好d...因為好驚bb會有事...但因為我太驚(完全冇諗過)所以話唔留~~~佢就寫紙比我去PMH做產前檢查~~
都有開藥比我,話有bb所以好難開,盡量選擇冇影響既藥比我~~但我冇食過...因為好驚bb會有事 :-(
之後基本上我都已經冇痛同任何唔舒服...但係尋晚又無端端下面好唔知點咁...之後去toilet時就已經痛到死...沖完涼後已經即刻訓,重飲左好多水~(因為化前睇果個私家佢話飲多d水有助沖走d細菌~)
今日起身...去toilet要就住就住...唔敢太大力同去得太快...
唉...我依家應該點做??睇醫生??但係我真係好驚d藥會影響到bb呀...依家bb一動我就有d"尺尺"痛...行路都要好似阿婆咁... :-(
點算呀??各位媽咪有冇人試過咁呀??可以教我點做嘛??
唔知係咪忍尿忍得多既後遺症...
直至依家...我今年已經發左3次喇!!!! :cry:
人地話發過一次唔醫好晒會係咁發架...我好驚呀...


侯爵府

積分: 23679


發表於 05-7-11 14:31 |顯示全部帖子

Re: 唔好意思...想問下...

kawai928 :
妳好牙煙呀,一邊睇,一邊登妳驚
果個私家醫生又唔幫妳檢查左先既,佢做得唔岩程序咁喎,
妳依家去廁所都就住就住,梗係要去睇多次醫生啦,
我大肚果時都病過,仲發埋燒tim,但都去左睇醫生,因為好辛苦,妳可以放心架,d dr.會知要開咩藥俾妳,唔會影響bb架,
妳好快d去睇tim喎,d菌有機會會傳埋俾個胎tim,
妳一係去睇婦科啦,或產檢時,同埋dr.講,
會安心d,唔駛估估下!!


子爵府

積分: 14349

好媽媽勳章 醒目開學勳章


發表於 05-7-11 18:16 |顯示全部帖子

Re: 唔好意思...想問下...

上次我去睇果個係男人黎既,而且唔係婦科黎架~我只係話比佢知我邊度唔舒服同點樣唔舒服喳~~
因為我呢度冇婦科醫生同埋婦科好貴呀...我唔想亂咁用錢呀...依家得老公一個番工...連夜晚份part time又冇左...得$6000人工喳...唉...重點可能睇私家...
依家我諗住等到例行產檢時同醫生講囉~~
不過要等到7月25號呀...而且果日要去左PMH做OGTT先再番去覆診呀...所以我都唔知點算好...所以先o係度問下大家既意見... :-(
依家唯有唔飲其他野,淨係係咁飲水,去多d toilet,慢慢慢慢咁去...希望沖走d細菌啦.... :cry:


別墅

積分: 714


發表於 05-7-11 22:57 |顯示全部帖子

Re: 唔好意思...想問下...

你快D去睇婦科啦, 普通私家醫生貴得黎都係幾百蚊, 如果你一路唔睇, 到遲d大吉利是影響埋bb就唔單止係要睇婦科咁簡單, 到時可能仲甘呀!
你快d去睇醫生, 如果你老公知你為左慳$$$, 有病都唔去睇醫生, 仲會嬲你添呀!


子爵府

積分: 14349

好媽媽勳章 醒目開學勳章


發表於 05-7-12 01:57 |顯示全部帖子

Re: 唔好意思...想問下...

fongbau 寫道:
你快D去睇婦科啦, 普通私家醫生貴得黎都係幾百蚊, 如果你一路唔睇, 到遲d大吉利是影響埋bb就唔單止係要睇婦科咁簡單, 到時可能仲甘呀!
你快d去睇醫生, 如果你老公知你為左慳$$$, 有病都唔去睇醫生, 仲會嬲你添呀!


最慘係依家佢又冇痛...攪到我唔知睇唔睇好~~
係有好少好少既尺尺地咁囉~~
攪到我都唔知點...唉...有左bb之後真係做乜都要為佢諗下...最慘重要係經濟唔好果d... :-(


侯爵府

積分: 23679


發表於 05-7-12 02:38 |顯示全部帖子

Re: 唔好意思...想問下...

kawai928:
妳唔好慳果少少啦,到時肚入面既bb都傳染左就煩喇,
始終睇醫生會好d!!


大宅

積分: 3140


發表於 05-7-12 10:51 |顯示全部帖子

Re: 唔好意思...想問下...

如果真係 $$$$ 唔許可, 你不如去睇急証啦 , 話晒你有咗 bb , 醫院應該會同你做得詳細啲, 不過你唔好返去仁濟啦 , 你住邊區架 , 你可以考慮去瑪嘉烈 or 廣華囉 .
希望你同 bb 都冇事啦 , 唔好太担心, bb 會知架

首頁
1

尾頁

跳至