吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

Baby Kingdom - 親子王國香港討論區 › 首頁 › 少年成長› 2歲小朋友(男仔), 會買乜野玩具比佢玩?

少年成長今日: 2|主題: 15845

跳至頁

查看: 2670 | 回覆: 13

2歲小朋友(男仔), 會買乜野玩具比佢玩? [複製鏈接]

1

積分: 1481

1^#

發表於 05-7-11 14:56 |只看該作者

2歲小朋友(男仔), 會買乜野玩具比佢玩?

其實之所以問這個問題, 因我個囝囝由8個月大開始, 就剩係鐘意玩車, (公共交通工具, 例如 : 巴士, VAN仔, 的士), 其他玩具, 佢一D都唔鐘意, 就算買左的玩具, 佢都只係玩一陣又玩返巴士, 所以我個仔都好少玩具, 多數車), 無理由買幾架一樣既巴士比佢架!!!

怎樣先可以提起小朋友玩/學習另外一D玩具/遊戲呢?

THANK YOU

私人傳訊

積分: 305

2^#

發表於 05-7-11 16:55 |只看該作者

Re: 2歲小朋友(男仔), 會買乜野玩具比佢玩?

我仔都係車迷，3歲半。都係其他野玩一陣咁多，泥膠只砌車，畫畫只畫車，睇書只睇有車的故事書，那怕個故事根本同車冇關，去會所同小朋玩渣車，大家玩得好開心都好，人地玩得耐都去玩第二D野，但佢一定吾會離開架車！

不過我又冇乜所謂，玩車好過玩超人and槍la。

2歲都好多野玩得黎又學到常識，你可以買火車連路軌、油站、停車場，玩下角色扮演，到站停車上落客，冇油去入油，入停車場要開閘閂閘，你扮紅綠燈/行人，佢紅燈要停車，吾停你就扮police抄佢牌(我仔那時己經識講:司機，吾該"惜"匙，車牌身份証，然後作狀抄牌....)，教佢做手工做條隊道比D車過，轉左打左燈，轉右打右燈....

我仔咁大仲成日玩朱仔車tim，因為我貼張紙Hong Kong Post，佢就扮郵差派信，我比D reuse信封佢玩，每個都寫收信人：爺爺、嫲嫲、婆婆、公公、表哥、好friend的同學名，佢從中學左好多字。(有一排新聞成日講溫家寶、曾蔭權，佢叫我寫信比佢地tim呀！)

私人傳訊

積分: 1481

3^#

發表於 05-7-12 09:42 |只看該作者

Re: 2歲小朋友(男仔), 會買乜野玩具比佢玩?

原來你的小朋友都是車迷, 我個仔現在23個月, 一日到黑都係玩車, 我諗要到好似你個仔咁大先可以玩到你所講的遊戲!

槍同超人好似就暴力左, 我都係咁諗~~

多謝你既分享~~

私人傳訊

積分: 1012

4^#

發表於 05-7-12 11:27 |只看該作者

Re: 2歲小朋友(男仔), 會買乜野玩具比佢玩?

阿迅仔都係車迷, 大部份玩具都係車, 紀律部隊車, 的士, 巴士, 小巴, 校巴........佢似乎對其他玩具興趣不大, 連睇雜誌都係睇車主雜誌, 佢唔識字, 就只係睇圖片.

一出街就同我講: 不如我地去買車, 好唔好呀?????

:mrgreen:

私人傳訊

積分: 965

5^#

發表於 05-7-12 12:43 |只看該作者

Re: 2歲小朋友(男仔), 會買乜野玩具比佢玩?

唔知係米男仔特別鍾意玩車，任何車都arm，不過可以買份lego俾佢玩，砌些大廈、馬路、天橋、隧道，用車仔一齊玩，慢慢叫佢一齊砌東西，因為我覺得lego是很好的玩具，變化多有創意，仔仔又可以「與車同玩」一舉兩得。

私人傳訊

積分: 1546

睛靈勳章

6^#

發表於 05-7-12 13:17 |只看該作者

Re: 2歲小朋友(男仔), 會買乜野玩具比佢玩?

其實即使係男仔，都好應該玩吓bb，煮飯仔呢一類玩具。呢啲玩具睇落好"女仔"，但係其實小朋友每日都要食飯洗臉沖涼換衫瞓覺。呢啲玩具可以讓小朋友聯想到日常生活，又可以有同人分享嘅機會，學習社交，係非常好嘅遊戲。

稚言治語 = 一個很喜歡治療小朋友語言問題的言語治療師﹗ ;-) 不要怕，只要信﹗希望在人間吖嘛﹗ 你今日微笑了嗎？

私人傳訊

積分: 305

7^#

發表於 05-7-12 13:20 |只看該作者

Re: 2歲小朋友(男仔), 會買乜野玩具比佢玩?

CF 寫道:
原來你的小朋友都是車迷, 我個仔現在23個月, 一日到黑都係玩車, 我諗要到好似你個仔咁大先可以玩到你所講的遊戲!

槍同超人好似就暴力左, 我都係咁諗~~

多謝你既分享~~

兩歲幾可以架la，當然要續樣教佢玩la，我講個D我仔現在己玩少了，他現在鑽研駕駛技術啦：開車撻匙整倒後鏡入D波鬆手掣、單手揸呔盤、打燈cut線、窄路吊頭、入R波泊L位&S位、吾夠位就比多手呔、泊好車入P波拉手掣”惜”匙la…

私人傳訊

積分: 305

8^#

發表於 05-7-12 13:41 |只看該作者

Re: 2歲小朋友(男仔), 會買乜野玩具比佢玩?

稚言治語寫道:
其實即使係男仔，都好應該玩吓bb，煮飯仔呢一類玩具。呢啲玩具睇落好"女仔"，但係其實小朋友每日都要食飯洗臉沖涼換衫瞓覺。呢啲玩具可以讓小朋友聯想到日常生活，又可以有同人分享嘅機會，學習社交，係非常好嘅遊戲。

我同意呀，所以大人要主動D聊佢玩其他野，玩時投入D興奮D，佢就會有興趣，睇書我都要佢先睇我揀的然後睇佢揀的。我仔都OK肯玩肯睇。就算小朋友幾鐘意車都好，都要引導佢玩得有變化，吾好比佢一味推前推後，有D細路只鬥快或鐘意crash，咁就冇意思亦吾識守規則。

私人傳訊

積分: 850

9^#

發表於 05-7-12 17:49 |只看該作者

Re: 2歲小朋友(男仔), 會買乜野玩具比佢玩?

我囝囝有時玩得高興得濟都鍾意撞車埋牆或者柜, 我都要學你地引導佢玩得有變化同守規則; 但佢亦都好鍾意玩煮飯仔, 最初d人見我買煮飯仔比佢玩覺得好奇怪, 同我講男仔唔玩家, 但係我認為玩一種遊戲/玩具, 唔應該局限咗佢係那一種性別才可以玩, 應該比佢地多d唔同嘅嘗試.

私人傳訊

積分: 218

10^#

發表於 05-7-14 23:16 |只看該作者

Re: 2歲小朋友(男仔), 會買乜野玩具比佢玩?

我仔都係車迷，不論火車、巴士、工程車、剷泥車、紀律部隊車都唔會放過。係街見真的紀律部隊車同埋剷泥車更睇到唔捨得走添。

私人傳訊

積分: 1481

11^#

發表於 05-7-19 12:33 |只看該作者

Re: 2歲小朋友(男仔), 會買乜野玩具比佢玩?

但係我個仔好奇怪, 佢剩係鐘意巴士, van仔, 係街到睇巴士都可以睇成1個鐘頭, 唔郁, 坐定定睇, 唔抱佢都唔走, 比佢激死, 平時訓醒覺, 一起身就玩巴士, 有咩方法可以提起佢其他既興趣呢?

私人傳訊

積分: 5896

12^#

發表於 05-7-19 17:03 |只看該作者

Re: 2歲小朋友(男仔), 會買乜野玩具比佢玩?

可以試下買積木,先引佢砌架車..之後再砌其他,又或者神奇晝版

生命有價...入黎聽下~~恩典太美麗~~靜思語錄一頁子莊 ~蒐集坊間流傳的箴言和佛偈、佛經 Anson blog

私人傳訊

積分: 48028

13^#

發表於 05-7-20 12:04 |只看該作者

Re: 2歲小朋友(男仔), 會買乜野玩具比佢玩?

CF 寫道:
但係我個仔好奇怪, 佢剩係鐘意巴士, van仔, 係街到睇巴士都可以睇成1個鐘頭, 唔郁, 坐定定睇, 唔抱佢都唔走, 比佢激死, 平時訓醒覺, 一起身就玩巴士, 有咩方法可以提起佢其他既興趣呢?

我個仔都係車迷, 火車地鐵的士既玩具買好多啦, 佢有時又會玩煮飯仔架, 最鐘意扮洗碗

所有遇見，皆有因果
要是每個人都懂你，那你得有多平凡

私人傳訊

積分: 1481

14^#

發表於 05-7-20 12:21 |只看該作者

Re: 2歲小朋友(男仔), 會買乜野玩具比佢玩?

可能男仔真係比較鐘意車, 我個仔乜都唔玩, 剩係玩車, 等我慢慢諗下d有益既遊戲比佢玩下, 等佢唔好齋玩一樣野!!!

私人傳訊

1

跳至頁

上一主題 • 下一主題

© 2024 Baby-Kingdom.com Limited.

網站：聯絡管理員廣告查詢私隱政策使用條款免責聲明使用意見