夫婦情感

跳至

首頁
12

尾頁
   0


洋房

積分: 199


發表於 05-7-17 21:11 |顯示全部帖子

忍?離婚?

如果一段婚姻到達了無法收補的地步,離婚是否唯一的選擇?忍.. 希望佢會改有用嗎?

眼淚己經哭到沒有了,心知以經沒法挽救這段婚姻,但不知道為什麽仍然抱有痴想般的希望,希望所發生的事只是一場夢,夢醒後出現的會是以住快樂的曰子。

我可以點?我應該從新開始過自己的生活?還是收補這段情?可以點?


禁止訪問

積分: 81803


發表於 05-7-17 21:17 |顯示全部帖子

Re: 離婚?忍?

提示: 作者被禁止或刪除 內容自動屏蔽


洋房

積分: 199


發表於 05-7-17 21:43 |顯示全部帖子

Re: 離婚?忍?

Jason,

其實我似家真係好亂,提出離婚係佢,半夜趕我出門口係佢!我真係唔知可以點做!

我以住一直信相佢無第三者,就算朋友問我,我亦肯定地答佢無.... 但直至二曰前才知道佢有, 最傷心的是係在我倆結婚前的一個月,佢仍然有找他的舊女友 (當然發生咩事唔使我講),似家諗諗下... 可能我先係第三者!

佢飲大兩杯後可以打我,講盡好多難聽的說話來指責我,什至我大住個肚佢都可以話我同第二個男人有路。我真係頂唔順,我小產左,佢似家又指責我話因為個肚唔係佢,怕佢 check DNA 所以落左個BB。

我真係好傷心,點解佢可以做到咁來 hurt 我?


男爵府

積分: 5206


發表於 05-7-17 22:12 |顯示全部帖子

Re: 離婚?忍?

Teddy,

睇左你所講, 你老公真係好hurt你呢! 其實佢係咪想一心激走你?


子爵府

積分: 11510


發表於 05-7-17 22:26 |顯示全部帖子

Re: 離婚?忍?

如果佢可以做到咁,我覺得呢段感情真係無謂勉強落去囉!講真,大家結婚起埋一齊無非都係想同所愛既人一齊組織家庭,但係是但一方响婚前已經有咁既表現,之後仲對你唔好,甚至離婚又係佢提出,又係佢親自趕你出門口...佢做到咁,你又何必再留戀佢呢?你試諗吓,如果你依家要挽留佢,咁又有咩作用?你放手俾佢走既話,其實都係俾個機會自己重新嚟過!你都仲好後生啫,無謂為一個唔愛你既人而拖累自己既人生!


水晶宮

積分: 53307

2019新春慶豚圓 2019勳章 2018復活節勳章


發表於 05-7-17 22:31 |顯示全部帖子

Re: 忍?離婚?

Teddy,
你話佢趕你出門口,咁你e+仲係咪同佢住,並已經搬開佐喇...???

佢有第三者....又趕你走,又屈你....就算你唔離婚,可能佢都會提出... 如果佢已經唔再愛你,就算你咬著唔放都沒用的,倒不如忍痛放手、 重新過活吧~
Childhood is journey, not a race.


禁止訪問

積分: 216


發表於 05-7-17 23:38 |顯示全部帖子

Re: 忍?離婚?

提示: 作者被禁止或刪除 內容自動屏蔽


洋房

積分: 199


發表於 05-7-18 00:34 |顯示全部帖子

Re: 忍?離婚?

多謝晒咁多位聽我呻先,

其實我都知道我唯一條路係忘記佢,要挽強都無可能,我似家以經返左亞媽到住,以為分開左可以好d,但係佢又成曰打電話比我問我取回物品(所送過給我的禮物,衣食住行D錢),如果我唔比,佢就話找人上門收... 真係搞到我更加難受!

我真係唔知可以點做,佢又話要用通姦的罪明做離婚的原因,我真係好傷,好痛,點解佢可以講得出口?點解我咁辛苦同佢陀個bb,還以為有個幸福的小家庭,但係佢要咁話我!(試問當時我都成5個幾月,羅咁大個肚,可以去邊到找男人!)

點解可以變得咁快?我舊年年尾先簽紙結婚,剛剛八個月就要搞成咁?

結婚真係等於結完就分嗎?


子爵府

積分: 14684

好媽媽勳章 畀面勳章


發表於 05-7-18 00:58 |顯示全部帖子

Re: 忍?離婚?

TEDDY,
幾實你可以報警話佢恐嚇你,要求警察轉介社工俾你,你同社工講要求佢幫你攪離婚同追討贍養費,你打算同BB點呀,男家家人知道嗎,你屋企點講,離開佢啦,佢唔係男人來家,佢都好似我之前男朋友咁,有第3者,放棄我仲要做到我有問題,佢地恐嚇我,打來玩電話令我精神崩潰,我都復原到,仲嫁左E家個老公生埋囡都幾開心,ALTHOUGH你有點唔同,但你都可以重新做人開開心心同BB一起生活,加油呀
[size=medium]穎慧賢淑是伊人,怡悅自樂最歡欣


等待驗證會員

積分: 1323


發表於 05-7-18 01:24 |顯示全部帖子

Re: 忍?離婚?

呢d情況根本唔洗諗,一定離婚啦...

天下最賤既男人,係一個愛你既女人為你大肚,你仲屈佢同第二個男人有路,個肚唔係佢既...

賤中之最!

我係妳,會慶幸冇小朋友,八個月咁快可以重生,跌一次,上一課,胎兒冇左係可惜,但如果生左落黎肯定問題多十倍,小朋友最可憐同無辜呀! 或者係個天注定,妳仲後生,他日搵到一個好男人,一定可以再生過健康既bb.

走吧,留最後點尊嚴俾自己. (如果我俾人趕出門口,我一定頭也不回就走)
bk閒人


大宅

積分: 1200


發表於 05-7-18 09:07 |顯示全部帖子

Re: 忍?離婚?

Teddy,

如果妳問我應唔應該分開,我就緊係覺得妳應該走啦,因為我會覺得妳對住佢會好辛苦,但另一方面,就係睇妳自己,妳問自己繼續同佢一齊定係同佢分開感覺會舒服d? 又或者可以先分開一吓,比空間妳自己諗清楚,呢度好多人會支持妳!!


伯爵府

積分: 19311

2019新春慶豚圓 2019勳章


發表於 05-7-18 12:00 |顯示全部帖子

Re: 忍?離婚?

TEDDY
我都覺得係要離婚,佢做得ed野都唔會返轉頭,佢同你計,你就硬d咁對佢,你話:'俾返d野你都得,你都要俾膳養費,保身費我!'

重有,同人'通姦'果個係佢,唔係你,你唔洗怕佢架
唔好點評我


男爵府

積分: 5087

2019勳章


發表於 05-7-18 12:27 |顯示全部帖子

Re: 忍?離婚?

同意shirleyauhc 的講法。
一於報警及找社工,佢地會幫到你。
不要為呢d賤男人傷心,take care。
支持你,有乜事要出聲呀。


子爵府

積分: 11506

2018復活節勳章 醒目開學勳章


發表於 05-7-18 12:55 |顯示全部帖子

Re: 忍?離婚?

忍???????????????????????????????????
恕我直接d咁講:你個所謂老公宜家咁對你,擺明係想你走,唔係你話忍,佢就會對你好番or冇事!
離婚係俾自己一條重新的路,同拾回自己應有的自尊.


禁止訪問

積分: 205825

畀面勳章 環保接龍勳章


發表於 05-7-18 15:15 |顯示全部帖子

Re: 忍?離婚?

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽


大宅

積分: 1876


發表於 05-7-18 20:24 |顯示全部帖子

Re: 忍?離婚?

我覺得你老公可以講d咁既說話, 仲用d咁既態度對你,
你已經唔需要留情, 而且你無仔女, 隨時可以放低佢,
重新黎過, 無謂浪費自己d時間。


洋房

積分: 199


發表於 05-7-18 23:27 |顯示全部帖子

Re: 忍?離婚?

我似家以經有社工跟我, 坦白講, 佢地幫到我 d 乜,好多野都要睇自己點做。

yesterday 佢又打電話比我(好聱好氣), 叫我上去取回自己的物品, 我話唔舒服... 過兩曰好d先再講, 跟住佢死到要我即刻上去取, 我就話我上唔到, d 野我唔要拉。 最後佢迫唔到我上去又迫我交還所有物品(之前送俾我d禮物), 又話如果我唔即刻俾就找人上門收。真係唔知佢想點!(其實我都諗住比番d野佢,反正見到都d野都唔開心,唔順眼, 佢係點解佢要咁做呢?又唔係值錢!)

起初發生事的時侯, 我真的很亂, 唔知點做好, 哭過, 傷心過, 嬲過, 又諗過可以返轉頭, 又覺得就算可以返轉頭又有乜用!

可能我真係需要多d時間去忘記!




複式洋房

積分: 327


發表於 05-7-18 23:43 |顯示全部帖子

Re: 忍?離婚?

努力啦~ 雖然忘記一個愛過嘅人係好難~
但係長痛不如短痛~ 何況佢係咁對你~
點解分開要拎番啲野姐? 我都唔係好明~
乜真係咁小氣? 送比你啲野好名貴嫁咩 =0=?
呢個男人要唔要都罷啦~
如果我係你~ 我唔會理佢講咩囉~
唔聽佢電話啦~ 聽左又對自己冇好處~
係咁煩住晒~ 佢咁勁咪叫人上黎收囉~
正賤精~ 唔好唸咁多喇~ 你唔係冇得選擇嫁~
冇左baby仲好~ 冇咁多負擔~ 唔洗唔開心嫁~
重新做人啦=]
或者好快你會遇到個仲好嘅呢~


水晶宮

積分: 53307

2019新春慶豚圓 2019勳章 2018復活節勳章


發表於 05-7-19 00:04 |顯示全部帖子

Re: 忍?離婚?

其實佢做到咁....你反而更加要忘記他! 這樣的人,再記下去,糾纏下去,對你實在無益....!!! 佢真係好cheap,好濺! 男人玩女人已經係衰格,佢仲要恐嚇你拎返晒送過給你既野,仲話告你通奸?! 佢個腦沒問題嗎....??? 佢簡直係cheap精中既cheap精! 雖然呢段婚姻好短暫,但佢原來係d咁既人,咁「短暫」好過「長久」了吧~!!!

早點放下痛苦,努力地活下去吧! 要活得比佢好,比佢精彩! 佢唔愛你,你可以愛你自己;佢唔珍惜你,你可以更加珍惜你自己黎緊既一齊! 姻緣天注定,這個俾錯了你,上天會留一個更好的給你呢~
Childhood is journey, not a race.


民房

積分: 59


發表於 05-7-19 11:24 |顯示全部帖子

Re: 忍?離婚?

點解世上有咁多衰男人....
:-) :-) :-)

首頁
12

尾頁

跳至