母乳餵哺

跳至

首頁
12

尾頁
   0


大宅

積分: 2230


發表於 05-7-18 14:30 |顯示全部帖子

頭先帶bb睇醫生~我同醫生講bb係飲母乳,佢話...

醫生話好少人餵到一歲喎..

佢話我唔夠營養比阿b叫我比奶粉佢飲~
我話唔係啵~我食好多野嫁~邊度唔會夠呀..lee個時候我阿
媽就講喇,都話飲奶粉好嫁啦~ 我話返健康院問下好過啦~

仲有
我想問下,阿b o岩o岩出世3.07kg,而家一歲得8.5kg
之前中碼,而家變左細碼..
:-( 我其實都有d擔心我唔夠營養比阿b,冇乜信心tim :-( :-(



大宅

積分: 2336


發表於 05-7-18 14:50 |顯示全部帖子

Re: 頭先帶bb睇醫生~我同醫生講bb係飲母乳,佢話...

wing1011,
佢係咩醫生o黎架, 有無常識架 呢度有好多媽咪都餵到bb成歲啦, 有無搵錯呀....!! 唔通食奶粉就唔駛食飯啦, 其實bb到6個月已經要從其他o既食物o黎吸收營養啦!! 你唔好介意bb o既體重, 最重要係bb健康呀, 我個仔出世時都係中碼, 依家都變左細碼, 不過佢好健康, 就算係病都好快好返!! 好多人都話我個仔細粒, 咁又點喎, 佢健康咪得囉!!

你唔好理其他人點講啦, 呢度d媽咪係會支持你o既!! 人奶係有錢都買唔到架!! 珍惜啊!!
親子王國已刪除閣下簽名檔內容,煩請自行檢視頭像、頭銜、暱稱,如帶有廣告或宣傳推介成份,應立即修改或刪除,否則可被封鎖戶口,謝謝合作。


大宅

積分: 2230


發表於 05-7-18 15:04 |顯示全部帖子

Re: 頭先帶bb睇醫生~我同醫生講bb係飲母乳,佢話...

好多謝你呀~我會繼續努力

不過我聽完個醫生講好鬼嬲 所以上o黎講下



男爵府

積分: 5273


發表於 05-7-18 15:44 |顯示全部帖子

Re: 頭先帶bb睇醫生~我同醫生講bb係飲母乳,佢話...

唔好介意阿B細粒, 我好多朋友d阿B食奶粉, 本來好大隻, 不過病得幾次都變哂細碼! 我地d B健康, 細粒d都冇問題!

以諾BB 於2004 年3 月18 日出世, 歷歷細佬在2006年10月12日出世, 他們是天父賜我的寶貝! 一家四口很幸福啊, 真是在地若天呢!!


複式洋房

積分: 349


發表於 05-7-18 17:49 |顯示全部帖子

Re: 頭先帶bb睇醫生~我同醫生講bb係飲母乳,佢話...

嘩! 你講的case點解同我的遭遇咁似.

我上星期同bb睇醫生, 個醫生又係話"人奶餵到9個月好啦", 又係話我唔夠營養(註:我又係食好多野), 我阿媽又係話飲奶粉....

我又係嬲到爆

wing1011 , 你個b都未算輕, 我bb就快14個月, 只有8.2kg,跌低過3%條線.... 但佢又玩得,又食得,又瞓得,我覺得不是問題.


侯爵府

積分: 23056


發表於 05-7-18 18:17 |顯示全部帖子

Re: 頭先帶bb睇醫生~我同醫生講bb係飲母乳,佢話...

wing1011
我囡囡都係咁啦, 出世至到8個月都係95%(超大碼), 但係之後就冇咩重過啦~~ 而家2歲都變左細碼, 但係唔緊要架, 因為根據唔知咩(唔記得啦, 都係呢個web睇o既)話而家個標準係過高架, 姐係正常=已經係肥架啦~~

奶粉好多脂肪, 等bb肥d, 媽媽開心d, 咪多d人買law, 但係肥表示d咩姐.... 肥唔等於健康架~~ 好似touchwood講句, 囡囡都冇咩大病.. 同埋佢只係2歲, 已經有好長, 好黑O既黑髮, 所以唔洗太擔心, 香港(澳門)d醫生真係好冇人奶常識, 你話hk人點會可以多人bf呀~~ 唉~~


大宅

積分: 1439


發表於 05-7-18 20:04 |顯示全部帖子

Re: 頭先帶bb睇醫生~我同醫生講bb係飲母乳,佢話...

我個bb都由大碼b變成中上碼b,現在是全母乳,都好紮實,好過肥到林bat bat !


侯爵府

積分: 23056


發表於 05-7-18 22:21 |顯示全部帖子

Re: 頭先帶bb睇醫生~我同醫生講bb係飲母乳,佢話...

小朋友太肥會冇咁靈活架, 我就係一個好例子, 我出世好瘦, 得5磅幾, 阿媽擔心我瘦, 成日比野我食, 我5個月廿幾磅, 幾歲廿幾吋腰, 個個都話我好可愛, 好cute, 但係我阿媽話我真係比人遲"噸"架~~ 做咩都慢過人, 運動就仲唔洗唸, 仲有哮喘tim, 咁你覺得肥係咪真係咁好....

都唔止啦, 到左十幾歲, 減肥減得幾辛苦, 都唔洗一陣又肥番, 咁又好好咩? 我係街一見到d好肥o既人, 我就會好慶辛我囡囡唔肥 (可能你覺得我自己呃自己)~~

但係以上全部都係真心話~~

各住媽媽, 肥唔等於健康~~~
雲師奶 該用戶已被刪除

發表於 05-7-18 23:46 |顯示全部帖子

Re: 頭先帶bb睇醫生~我同醫生講bb係飲母乳,佢話...

提示: 作者被禁止或刪除 內容自動屏蔽


伯爵府

積分: 16114

好媽媽勳章


發表於 05-7-19 00:16 |顯示全部帖子

Re: 頭先帶bb睇醫生~我同醫生講bb係飲母乳,佢話...

我條仔11個幾月, 家下得8.5KG咋, 我都驚呀, 需然佢未趺到底線, 但我都驚佢輕磅..... :-(
全職/全母乳媽媽大仔在8/8/2004出世了!  3.02KGS細仔在23/2/2007出世!  23/2/07  2.84KGS     26/2/07  2.81KGS     08/3/07  3.12KGS     24/3/07  3.79KGS     23/4/07  4.77KGS     25/6/07  6.67KGS     25/8/07  7.73KGS


版主

積分: 15978

版主 好媽媽勳章 醒目開學勳章


發表於 05-7-19 11:00 |顯示全部帖子

Re: 頭先帶bb睇醫生~我同醫生講bb係飲母乳,佢話...

stephenietam 寫道:
......因為根據唔知咩(唔記得啦, 都係呢個web睇o既)話而家個標準係過高架, 姐係正常=已經係肥架啦~~


就是
世 衛 建 議 重 訂 嬰 兒 體 重 指 標 (在"母乳餵哺資料庫"內有存)

"世衛建議重訂嬰兒體重指標"是一篇報導, 讓大家知道現行的體重指標已經不合時宜了.
所以第一段是如下的寫:

世 界 衛 生 組 織 的 最 新 研 究 發 現 ,
現 時 嬰 兒 體 重 指 標 仍 按 嬰 兒 進 食 配 方 奶 粉 計 算 ,
體 重 屬 正 常 的 嬰 兒 , 其 實 已 有 過 肥 問 題 ,
過 輕 的 嬰 兒 原 來 反 而 屬 正 常 ,
當 中 更 以 母 乳 餵 哺 的 嬰 兒 體 重 最 理 想 ,
建 議 重 新 編 制 嬰 兒 體 重 指 標 。

末段又指出:

研 究 發 現 , 即 使 進 食 母 乳 的 嬰 兒 ,
在 一 、 兩 歲 時 的 體 重 會 被 視 為 過 輕 , 但 其 健 康 最 好 。
相 反 , 被 列 為 體 重 正 常 的 嬰 兒 , 其 實 已 過 重 ,
長 大 後 可 能 會 有 過 胖 情 況 ,
估 計 應 要 把 正 常 體 重 減 去 百 分 之 六 至 七 , 體 重 才 屬 理 想 ,
例 如 一 歲 大 嬰 兒 重 十 公 斤 , 即 約 二 十 二 磅 , 以 往 列 為 體 重 正 常 ,
現 時 應 減 輕 六 百 克 才 屬 正 常 。

如果根據報導的內容去理解, 大家可以作為一個參考,
就是以健康院的手冊內的成長曲線圖為基礎, 以減6-7% 後的數據作為"建議的正常參考數據".
【母乳餵哺資料庫】 保 守 著 大 家 的 母 乳 路 ! 無 論 順 逆 , 願 大 家 都 以 喜 樂 和 盼 望 的 心 迎 接 喜 與 憂 ! 加 油 啊 ! 因 為 我 們 在 這 裡 耕 耘 的 路 上 , 有 的 是 扶 持 和 關 顧 啊 ! 願 【母乳餵哺區】 是 母 乳 家 庭 的 加 油 站 !


侯爵府

積分: 23056


發表於 05-7-19 13:12 |顯示全部帖子

Re: 頭先帶bb睇醫生~我同醫生講bb係飲母乳,佢話...

Glad,
thx for your help~~ hehee

我只係記得睇過, 係邊就唔記得lu, 都係你pro D~~


大宅

積分: 3684


發表於 05-7-19 13:26 |顯示全部帖子

Re: 頭先帶bb睇醫生~我同醫生講bb係飲母乳,佢話...

ryan 一歲o個時都係得8.幾kg, QE d醫生話ok喎!


子爵府

積分: 12328


發表於 05-7-19 14:37 |顯示全部帖子

Re: 頭先帶bb睇醫生~我同醫生講bb係飲母乳,佢話...

基本上話阿囡瘦ge說話, 我聽得太多已麻木了...
阿囡13個月大時先得7.8kg, 由出世到現在都係細碼b, 上次返健康院打針都要見醫生。
但個醫生好好, 問完阿囡平時的活動同進食時間表後, 得出結論係因為阿囡無時停, 食幾多用幾多, 所以儲唔到脂肪, 唔會肥囉
若講話真係食奶粉會肥的話, 我阿囡在12個月大時每日都食一餐奶粉啦(因為我懶, 唔想泵奶... ), 又唔見佢一個月有肥到! 所以我仍然keep住早晚埋身餵阿囡。
另外, 我自己病去睇醫生都叫醫生就一就d藥, 個醫生知道我仲有餵人奶, 第一句就話: 妳阿囡真係幸福呀!
所以, 真係每個醫生都唔同ga....


珍珠宮

積分: 40058


發表於 05-7-19 16:34 |顯示全部帖子

Re: 頭先帶bb睇醫生~我同醫生講bb係飲母乳,佢話...

wing1011
你好似都係住YL的,請問個醫生係唔係YL,如果係,叫乜名呀!!
我把平安留給你們,我將我的平安賜給你們;我所賜給你們的,不像世界所賜的一樣。你心裏不要煩亂,也不要膽怯。(若 14:27)
Happy moments, praise God. Difficult moments, seek God. Quiet moments, worship God. Painful moments, trust God. Every moment, thank God!!!


男爵府

積分: 8763

好媽媽勳章 醒目開學勳章 畀面勳章


發表於 05-7-19 18:19 |顯示全部帖子

Re: 頭先帶bb睇醫生~我同醫生講bb係飲母乳,佢話...

唔係bb6個月大就可以食固體食物既咩? 咁bb都可以由固體食物到吸收到營養咖啦~ 唔好理個醫生啦~ 幾多媽咪想餵人奶都唔成功呀~ 你好勁呀~ 可以餵到咁耐~


大宅

積分: 2230


發表於 05-7-19 22:34 |顯示全部帖子

Re: 頭先帶bb睇醫生~我同醫生講bb係飲母乳,佢話...

webjen 寫道:
wing1011
你好似都係住YL的,請問個醫生係唔係YL,如果係,叫乜名呀!!
佢係利X行

我唔會再帶佢去睇

好多 謝各位媽咪支持



珍珠宮

積分: 40058


發表於 05-7-20 09:41 |顯示全部帖子

Re: 頭先帶bb睇醫生~我同醫生講bb係飲母乳,佢話...

wing
o個個利x行呼吸科醫生呀!!
我係電視見到佢,又知佢係YL,又幾多人睇佢,仲唸住touchwood有需要可以睇佢 :evil: :evil:
咁我會 blacklist 呢個不知所謂o既醫生 :evil:
我把平安留給你們,我將我的平安賜給你們;我所賜給你們的,不像世界所賜的一樣。你心裏不要煩亂,也不要膽怯。(若 14:27)
Happy moments, praise God. Difficult moments, seek God. Quiet moments, worship God. Painful moments, trust God. Every moment, thank God!!!


大宅

積分: 2230


發表於 05-7-20 21:48 |顯示全部帖子

Re: 頭先帶bb睇醫生~我同醫生講bb係飲母乳,佢話...

我都以為佢幾好~
但阿b仲未好番



複式洋房

積分: 421


發表於 05-7-21 00:07 |顯示全部帖子

Re: 頭先帶bb睇醫生~我同醫生講bb係飲母乳,佢話...

我記得上次我發燒去睇醫生
個e生都係咁講
上完黎同d媽咪傾完信心返哂黎
我以後都唔會睇個個e生
真係無e生睇 寧願去急症

我囡囡now都19個月lu 食人奶多過食飯
除左人奶 佢一唔想食的就吐返哂出黎
初初都驚佢唔夠營養
佢一日到黑都無時停
真係驚佢過度活躍= ="
仲成日比人話奀 又話人奶無營養
我都唔鬼理個d人, 十個有成9個都咁講
連家姐都拎埋d fd出黎話叫我比囡囡食奶粉
都有動搖過 不過上黎睇返d資料
即刻記低d重點 拎黎反駁人
個日仲叫家姐自己睇添
跟住佢都無再叫囡囡轉食奶粉lu

最緊要係我地食人奶的bb健康就得lu
想反駁佢地的歪論 就要用專業知識回佢地
母乳媽媽 加油~
愛與包容 良性互動 理性分析 多角度思考 感謝偉大的媽媽 媽咪我愛你-3-~袋錶與神兵-.-"~

首頁
12

尾頁

跳至
你需要登錄後才可以回帖 登入 | 註冊