夫婦情感

跳至
   0


民房

積分: 5


發表於 05-7-19 12:42 |顯示全部帖子

個繼子想去英國讀書

個繼子下年要去外國升學, 佢好似好想去英國, 去英國完成個學位, 預計要成200萬. 我老公自覺欠個仔好多, 成日常滿足佢個仔, 可能真係會比佢去.

我為此有d擔心 ... 我個人認為, 又唔係讀劍橋, 牛津, 一個普通學位, 美加都得啦 .... 其實我老爺奶奶就想佢過番加拿大, 因佢係加藉, 讀書唔使好多錢.

200萬對我真係天文數字, 我想反對, 但又怕老公誤會我. 話我唔係自己生, 克薄人地個仔 .... :-(

我敢講, 我而家又冇幾千萬未開頭, 就算自己個仔/女, 我都唔會比. 唔係自己親生, 反而會避忌, 唔可以直接講自己既意見. 好難為.

好心煩 ... 我想表達自己意見, 又唔想同老公因此有誤會, 可以點做?


王國長老

積分: 53251

2019新春慶豚圓 2019勳章 好媽媽勳章 王國長老


發表於 05-7-19 12:53 |顯示全部帖子

Re: 個繼子要去

如果你老公負擔得到,佢要供個仔的話,是無可厚非的。
你想想如果是你的親兒,你有能力都想個仔讀喇。


民房

積分: 5


發表於 05-7-19 14:41 |顯示全部帖子

Re: 個繼子要去

麟媽媽,

其實我老公都唔想個仔去英國的, 佢話佢會再說服個仔. 我覺得冇就係冇, 不如一早講清楚. 因為係單親家庭長大, 我老公成日覺得欠左個仔, 物質上盡量滿足佢.

我都有細路, 情況一樣, 我都係睇自己能力, 可以供佢去美/加讀書已經好好. 我的做法係: 我係父母, 我出錢當然係我做決定. 冇可能樣樣都係佢自己話事, 樣樣要最好. 有本事, 自己爭取話事權囉.

我唔知出聲有冇用. 或者等老爺奶奶自己反對囉. 佢地反對可能就好地地.


王國長老

積分: 53251

2019新春慶豚圓 2019勳章 好媽媽勳章 王國長老


發表於 05-7-19 15:20 |顯示全部帖子

Re: 個繼子要去

如果係咁,都是由老公同老爺奶奶開口比較好。
年青人諗野偏激的話,你一開口便不是好人了。
總唔能夠佢想點就點,如果父母是要好大負擔供佢去英國,應該要比佢知道個情況的。
個仔有無提過點解要去英國讀?最怕係跟死黨或者女朋友仔,人去佢又一齊去。


子爵府

積分: 12365


發表於 05-7-19 20:49 |顯示全部帖子

Re: 個繼子要去

sad271104:妳千祈唔好出聲同老爺奶奶or繼子話反對,如果佢哋係明白事理嘅就無問題,但係如果佢哋認為妳有私心(因為妳自己都有細路),反而會弄巧反拙,妳話妳老公都唔想個仔去,咪等佢自己同個仔講!


民房

積分: 5


發表於 05-7-20 11:03 |顯示全部帖子

Re: 個繼子要去英國讀書

happy:

我都知自己就算反對都唔可以太激, 所以一直冇點出過聲, 只係心裡暗暗擔心, 唯有在這兒發下牢騷. 我老公係好唔想佢個仔去到英國, 自己既然係加藉, 其實番加拿大都好順理成章, 讀書比少d錢, 又有loan, 又有親戚朋友可以照應一下, 何必比英國掠水呢, 係呢一刻講, 我地冇可能每月攞到4-5萬元比佢讀書, 除非係下一刻中左六合彩就有可能. 問題係, 我老公成日覺得欠了個仔好多好多, 可能唔會拒絕. 我同老公係咁傾下, 我話去英國, 邊有咁多錢, 佢就母寧兩可 ... 個家我都有份, 我唔可以唔出聲. 我有d頭痛點可以同老公講出我既意見, 又唔好破壞感情.


翡翠宮

積分: 76971


發表於 05-7-20 11:35 |顯示全部帖子

Re: 個繼子要去英國讀書

咁你同個繼仔感情好唔好的, 若果妳都可以當傾計咁傾下點解唔考慮過美加讀, 一來個邊都係有名氣, 二來有親人可以照應到, 你話雖然你大個仔但做父母既點都會擔心, 但去到有親人照應既地方起碼可以放心好多. 況且爺爺嫲嫲都老了, 你放假時可以多d去探佢地, 等佢地無咁悶. 唔好咁提個錢字可能無咁反感.


子爵府

積分: 11359


發表於 05-7-20 12:18 |顯示全部帖子

Re: 個繼子要去英國讀書

你一定唔好自己出聲同繼仔講, 你都話你地無可能每月攞到4-5萬元比佢讀書, 你老公應心中有數, 供佢在英國讀得幾多個月呀? 我諗你老公 ONLY 想滿足個仔, 但實際能力可唔可以呀? 你個繼仔應該大約20歲, 佢應該知道爸爸有無能力供佢在英國讀, 佢可能要試下爸爸有幾鍚佢, 佢在爸爸心裡的地位高於繼母. 其實你無須太擔心, 因沒有錢, 這case會自然地畫上句號。
TKOP,  求你拜你,唔好再死纒住我、咬住我、回覆我!!!!!


民房

積分: 5


發表於 05-7-20 12:51 |顯示全部帖子

Re: 個繼子要去英國讀書

我不是己人憂天的 ... 我點會唔知個老公? 我地攞唔出cash, 但可以借嘛, 我最怕我老公會用層樓去供佢. 大拿拿幾佰萬唷大佬. 不過我睇佢個仔唔會咁有機心, 要爭寵比較些什麼, 佢只係唔識搵錢艱難吧了, 因為不嬲佢使錢唔使諗, 都話左佢老豆不嬲什麼都盡量滿足佢, 要什麼買什麼, 但自己就慳到盡, 係使10元都要諗下果隻.

我其實想知我既諗法係唔係正路? 會唔會有人認為我自私? 如果我思想真係有問題, 我會反省左自己先.


子爵府

積分: 11359


發表於 05-7-20 13:02 |顯示全部帖子

Re: 個繼子要去英國讀書

我覺得你老公有點自私, 你們已有小朋友, 兩個都是他的骨肉,
一筆錢當然不能光使在大仔身上, 也要管下個細的, 況且, 你老公的年紀應40多, 供數佰萬元不是少數目, 大仔也應該知
道屋企的經濟情況, 大仔選擇加國讀書是應該, 未識搵錢就識使錢. 唔通大仔不斷要求, 爸爸幾十歲人都要不斷滿足佢咩? 佢倆父子都應知這道理.
TKOP,  求你拜你,唔好再死纒住我、咬住我、回覆我!!!!!


民房

積分: 5


發表於 05-7-21 12:02 |顯示全部帖子

Re: 個繼子要去英國讀書

我尋晚再提起, 我叫我老公最好快d同個仔講清楚. 我老公又話, 100百萬度唔係好多錢唧, 我話點止100萬呀? 200-300百萬嫁, 之後佢就冇出聲. 我地公民番加拿大讀, 只需付低於1/3學費, 即係3-4萬1年度, 學費係去英國既10份1呀大佬. 加拿大有什麼問題? 環境又好, 又冇倫敦咁雜. 我生既, 唔使諗, 就一定番加拿大 ... 尋晚我擔心到瞓唔著覺 ... 佢二仔爺都唔知發什麼神經, 有錢都唔使咁掛, 何況而家冇?

mrs chan: 我唔知我老公會否認為我唔夠偉大, 但佢都相當固執, 錫仔係對, 你話平時買東西, 使費就下個仔, 我都唔理, 但今次係大件事, 我都有大有細, 屋就要住, 飯要開, 家用都唔係比足哂我, 我自己都要番工搵錢幫補個家嫁, 唔係可以係屋企坐做少奶奶嫁. 再講, 即使我自己中左幾千萬六合彩, 我都唔願意比自己仔女如此浪費. 坐食山崩呀大佬. 今次我點都唔讓步的了.




翡翠宮

積分: 76971


發表於 05-7-21 12:13 |顯示全部帖子

Re: 個繼子要去英國讀書

哎有時d人真係唔知諗咩架, 我大哥又係無咩錢死慳死抵, 但個仔竟然換新款電話成三千幾蚊買部機, 我自己要換電話就算我比得起但都尺尺痛, 思前想後換唔換好, 定揀過個平d既好, 但佢仲讀緊書未識搵錢就諗都唔諗換左先算仲不知幾鬼開心添呀. 所以真係唔知佢地d人點諗架. ?-(

跳至