跳至

首頁

尾頁
   5


男爵府

積分: 6341

畀面勳章


發表於 12-7-17 23:38 |顯示全部帖子
請問元小同學有無找補習?
我就快升小五...想找間好的英文專科班,請問有無好介紹?


珍珠宮

積分: 40104


發表於 12-7-18 07:05 |顯示全部帖子
KatheQuen 發表於 12-7-17 23:38
請問元小同學有無找補習?
我就快升小五...想找間好的英文專科班,請問有無好介紹? ...

囡囡升小四, 唔打算補習.
不過我屋企附近有間叫啟哲, 都好多人補, 但好唔好就唔知道.
另外有間叫勤學軒, 囡囡有d同學仔都去o個度, 可以考慮下.


男爵府

積分: 6341

畀面勳章


發表於 12-7-18 14:41 |顯示全部帖子
呢兩間我唔會諗
因為我個仔去左啟哲做評估,他已經唔鍾意
而且上堂得四十五分鐘乜足夠,個老師答我足夠,但我覺得唔足夠囉..
勤學軒,我朋友話麻麻地....好多人都走哂


洋房

積分: 46


發表於 12-7-22 18:47 |顯示全部帖子
勤學軒我大仔都補過, 我覺得一般...我小朋友一個陳榮根, 一個南元小。我之前都係貪勤學軒近, 但係因為陳榮根D課程好亂我覺得勤學軒跟唔到, 之後有D同學仔媽咪搵到個MISS 補陳榮根幾好就轉左, 所以呀女都費時係果度補。


子爵府

積分: 11724


發表於 12-9-5 14:51 |顯示全部帖子
開左學幾日喇,你地D小朋友一切順利嘛?我就唔係幾順利,所以要上o黎呻下.....

因為我7月搬左去廈村果邊住,咁返學放學好唔方便,一早同兩個仔囡搵定媬母車。點知阿仔架媬母車臨開學先打o黎話唔接佢,咁我唯有搵學校校車。雖然校車淨係經天水圍,咁我諗住帶佢去天水圍都唔係遠,起碼唔洗轉車,又唔怕等車會遲到。可能因為暑假,校車公司電話打極都冇人聽,咁學校就幫我FAX左張FORM去,叫我等佢覆。因為冇人覆我,所以開學果日再打去,最後終於打到,佢話唔知FULL左未,要再覆我,最後又係冇人覆。第二日老公再打,佢話OK,叫我今日開始o係天瑞M記上落車。今朝6:50已經到左,應該7:00上車,但係等極都冇車,打去佢話架車走左.....叫我仔放學跟7號校車返。放學又係一早去到等,等極都冇,最後有個家長帶我個仔去M記,話原來架車o係對面社區中心掉低佢走左.....
我老豆知道勁嬲,話寧願以後佢湊返學放學,唔俾我仔搭校車,話架校車一D責任感都冇。我同老公都同佢地通過幾次電話,一直都講好M記上落車,校車表個站都係M記,但係點解最後去左對面又冇人通知,仲要冇家長接都要我小朋友落車。好彩有個同級生又係果度落車,佢媽咪又好人,知我地應該o係M記等,幫我帶返佢過o黎,唔係得佢一個掉低佢o係街,真係唔知點算。

老公打俾校車公司瞭解,又係冇人聽。打左返學校,副校長都話件事幾嚴重,會同校車公司瞭解返再覆我地。依家阿仔日日返學放學又好麻煩喇......


大宅

積分: 4330


發表於 12-9-5 17:02 |顯示全部帖子

引用:開左學幾日喇,你地D小朋友一切順利嘛?我就

原帖由 mikitten 於 12-09-05 發表
開左學幾日喇,你地D小朋友一切順利嘛?我就唔係幾順利,所以要上o黎呻下.....

因為我7月搬左去廈村果邊住 ...
校車真糸好吾啱,就咁放阺個小朋友
你小朋友幾年班呀?




珍珠宮

積分: 31147


發表於 12-9-5 20:31 |顯示全部帖子

回覆:明天星期六南元小家長會,終於派成績啦~~~~~

其實架校車真係勁唔掂,我女都係天水圍上落,本來由上年6月已無搭,諗住今年搵保姆車,但最後都搵唔到,所以都選擇搭返校車先,今日都只係第一日搭,希望今年會改善啦!其實往年都有同校車公司開會,都將所有問題反映比佢地知,但次次都係踢一腳先旭小小,激死我,不過,今年都預左唔會好,因佢見我地出面難搵保姆車,但我仍會堅持開會,堅持要佢地改善




子爵府

積分: 11724


發表於 12-9-6 09:12 |顯示全部帖子
++EE 發表於 12-9-5 17:02
校車真糸好吾啱,就咁放阺個小朋友
你小朋友幾年班呀?

佢二年班咋,仲要係細細粒果隻.....我老豆勁嬲呀,話如果俾人拐左點算,有咩事邊個負責。
老公後來再打去終於有人聽,不過又可以點,佢咪又係求求其應下你就算....


子爵府

積分: 11724


發表於 12-9-6 09:16 |顯示全部帖子
姸媽 發表於 12-9-5 20:31
其實架校車真係勁唔掂,我女都係天水圍上落,本來由上年6月已無搭,諗住今年搵保姆車,但最後都搵唔到,所 ...

我都知依家係好難搵校車,間公司o既態度俾人感覺都係唔驚冇得做咁。由我開始打電話去,到次次佢話左會打俾我最後又冇件事,我都覺佢有問題。不過又係因為冇第二架車迫住搭。但係點都估唔到會發生呢D事.....希望你地開會真係有作用啦,始終小朋友安全係最重要,大家都唔想再有咩唔開心o既事發生。加油!!!


首頁

尾頁

跳至