跳至

首頁
12

尾頁
   0


大宅

積分: 1354


發表於 11-3-3 12:09 |顯示全部帖子
我生完到依家半個月,已經喊咗5,6 次,但真係控制唔到,真係老咗會有問題?
屋企多咗個B, 冇壓力如老公者好似唔READY做老豆咁,咩都要人叫先郁,有壓力既如我媽媽咁,脾氣到大咗,結果自己同佢都情緒失控, 自己都知自己脾氣差咗,但真係好忟好攰


洋房

積分: 79


發表於 11-3-3 12:39 |顯示全部帖子
bb出世已經第14日, 我都喊左幾次。一早準備喂全人奶, 但係bb足月又足磅, 本身又心急又食得多, 埋身喂佢一食唔到就喊, 唔肯再食, 醫院d護士又成日塞bb個頭去我個胸, 搞到bb一埋身就喊, 完全唔肯跟我, 我一抱又喊, 嘈到其他人, 後來係醫院就半奶粉半人奶, 但比護士話我唔堅持, 後來bb食唔飽面仔黃要照燈, 睇住佢好可憐又肚餓甘喊到無人理推去兒科, 我即時係醫院爆喊... 返到屋企發覺開刀時插尿喉可能整損左發炎要食抗生素, 雖然醫生話喂人奶無影響, 見到BB食完人奶肚痾, 而且每日不停泵奶真係好累, BB又唔肯跟我, 見到媽咪日頭要照顧我同屋企, 半夜又要幫我氹BB, 我好心痛, 自己好有挫敗感... 去到健康院D護士又話我唔埋身喂, 第一個月根本唔應該用奶泵, 講左好多令我唔開心既說話, 搞到我無所適從... (醫院個護士長出院前同我講, 如果埋身喂唔到, 又真係想喂人奶, 可用奶泵, BB真係唔夠食就喂埋奶粉, 最緊要BB健康)... 最後老公同家人見我甘辛苦就叫停左唔喂人奶, 話坐月喊會入風同好易病... 佢地日日陪我傾一陣計, 唔駛泵奶自己休息多左, 同屋企人傾左幾次, 而家BB肯跟我被我抱, 仲肯同我玩, 真係開心返哂... 我自己都覺得, 好多野都唔可以勉強... 最緊要係自己開心健康先至可以令BB健康! 如果唔開心真係要同家人講, 唔講就無人幫到自己, 希望各位媽媽都開開心心, BB快高長大!!


大宅

積分: 2997


發表於 11-3-3 21:42 |顯示全部帖子
我的BB就快滿月,我在生完頭的一兩個星期,日日都哭,因為餵人奶好大壓力,自己又唔夠奶,見到BB唔夠飽就哭,我又唔夠膽同老公講,免得佢擔心.
加上,我媽同老爺奶奶關係麻麻...週旋在佢O地中間,超唔開心...
頭先,奶奶餵BB食奶粉時,我好唔開心.
BB無哭要食奶,但佢照餵3oz幾,等佢食飽D WOR
BB在最尾時,有D唔想食,佢都照餵
自己睇到唔開心
其實我好想餵人奶,但自己又唔夠奶:-(
自己在電腦前,靜雞雞哭....


大宅

積分: 1354


發表於 11-3-4 15:21 |顯示全部帖子

回覆 22# okashiland 的文章

我都同你差唔多, 因為開刀,初時冇埋身,後來BB黃又要照燈,結果BB比姑娘塞到胃口大晒,點追都追唔到,依家儘量埋身,但點都唔夠,搞到我好frustrate,加上唔同姑娘講既又唔同,你唔跟佢比佢知道佢地又講D唔太好聽既比你聽,依家日日係度同奶量搏鬥,老公同媽媽見大辛苦都叫我放棄,我都係諗住有幾多比幾多算,已經情緒唔好,唔想再比壓力自己,人奶係好,但係一個健康既媽媽對BB更重要


別墅

積分: 567


發表於 11-3-4 17:57 |顯示全部帖子
我都放棄埋身, 現在泵MILK, 4個鐘1次, 半夜就唔泵, 時間更易調節...


大宅

積分: 1684


發表於 11-3-5 18:12 |顯示全部帖子
我又係自從生完之後,日日都喊,日日都為唔同嘅嘢喊。為咗餵唔到人奶,心急同內疚喊。為咗亞媽日頭幫我打理屋企同全日廿四小時湊B,覺得自己不孝同內疚又喊。見到個囝喊到嘔奶又喊。
真係乜都可以喊一餐,雖然知道對對眼唔好,但真係忍唔住。


大宅

積分: 3811

陪月勳章


發表於 11-3-5 18:49 |顯示全部帖子
原帖由 okashiland 於 11-3-3 12:39 發表
bb出世已經第14日, 我都喊左幾次。一早準備喂全人奶, 但係bb足月又足磅, 本身又心急又食得多, 埋身喂佢一食唔到就喊, 唔肯再食, 醫院d護士又成日塞bb個頭去我個胸, 搞到bb一埋身就喊, 完全唔肯跟我, 我一抱又喊, 嘈 ...


我情況同你一樣。我係開刀的,果時係醫院bb唔夠人奶食,啜兩口就勁喊,於是我問姑娘補奶粉,佢地都係話我唔堅持,話我比bb食奶粉多過食人奶,又話"你補奶粉遲d佢唔肯埋身,你自己諗清楚" 聽到咁樣講,真係好低落,唔係我唔餵,係真係無咁多比佢食,唔通由得bb餓咩。

返到屋企,諗住pump出黎餵,餵得幾多得幾多,點知又比d姨媽姑姐係到話我唔埋身餵,仲有人話我因為怕煩和懶,所以唔比bb埋身,我聽到即刻喊左出黎。


洋房

積分: 79


發表於 11-3-5 22:43 |顯示全部帖子
真係個個姑娘講既野都唔同, 醫院姑娘叫我老公唔好同BB著褲仔, 會"COOL"親BB, 去到健康院D姑娘又問點解唔同BB著褲, 會冷親BB... 呢個又話要用A方法埋身喂, 另一個又話B方法埋身喂好D, 搞到真係唔知跟邊個, 自己傷口又痛, BB又餓又喊又可憐, 加上休息唔夠, 有時我覺得D姑娘只得理論無實際經驗, 反而令到我地做媽媽更加無奈同唔開心, 本來生BB係開心既事, 反而情緒低落...
而家我放棄左喂人奶, 休息夠左精神好左, 昨日帶BB去健康院CHECK面黃, 醫生話無事唔駛再睇, BB重量增長得好好, 就算自己點辛苦點捱眼訓都值得, 自己都開心哂。
各位媽媽, 如果真係喂唔到人奶, 真係唔好勉強, 最緊要自己夠精神同體力去照顧BB, 我覺得唔好因為喂唔到而內疚, 當然喂到係最好, 因為人奶真係比BB最好既禮物! 如果自己唔開心, BB見到都會跟住唔開心... 自己開心D, BB都會開心仲會對住自己笑, 真係咩野都值得同好滿足!!

原帖由 mo1223 於 11-3-5 18:49 發表


我情況同你一樣。我係開刀的,果時係醫院bb唔夠人奶食,啜兩口就勁喊,於是我問姑娘補奶粉,佢地都係話我唔堅持,話我比bb食奶粉多過食人奶,又話"你補奶粉遲d佢唔肯埋身,你自己諗清楚" 聽到咁樣講,真係好低落,唔係我唔餵,係真係無 ...


公爵府

積分: 26754


發表於 11-3-7 02:01 |顯示全部帖子
有時我覺得醫院D護士講野都幾"打份工"feel

我記得我生左BB第2日, 餵極BB先食10ml奶(奶粉), 有個護士後來幫我餵, 佢一邊餵一邊同我講"你咁唔掂果喎" 心諗:BB得2日人仔, 就要迫佢食40ml?

由生完到健康院, D護士見我唔係用母乳, 就係咁問點解唔餵母乳, 搞到好有壓力, 好似餵奶粉係唔啱咁.

我係醫院時有試過比一個阿姐兇過, 詳細唔講啦...不過係產後檢查d護士問我有冇情緒問題, 個口好快答"冇", 其實好想講: 有架, 有一小部份咪嚟自你地D護士囉.......


大宅

積分: 2573

畀面勳章


發表於 11-3-7 16:19 |顯示全部帖子
我返左我媽咪果邊坐月,老公經常唔係身邊...
琴日阿仔成日打乞痴,一打就打兩三個,仲有小小鼻涕,今日仲好似有小小發燒...我個仔先得13日人仔,我又唔敢帶佢睇醫生,咁細個食藥好似唔好...我覺得自己好似應付唔黎,湊佢唔掂...打電話比老公,覺得佢好似好冷淡,好似好唔關心我地...好唔開心..好似諗埋一邊,D眼淚忍唔住咁不停流...


複式洋房

積分: 243


發表於 11-3-7 16:29 |顯示全部帖子
哈, 而家社會的風氣的確係返回以前餵人奶的年代,但係餵到人奶的媽咪及姨媽姑姐係唔會明點解餵唔到人奶的媽咪的苦況, 我最初都聽好好多講座關於人奶, 並下定決心要餵人奶, 最好返工都餵埋, 你話我好似有D媽咪咁一生出來已經滴哂奶出來又唔塞就話餵啫, 我開刀生第3日先落床餵人奶(私家醫院要自己落床去餵), 其實一滴奶都無, 到出院個胸好脹,以為ok 啦, 點知塞到渣得果兩滴,個仔一埋身最初市肯食下, 之后好似強姦佢咁, 一放果個餵奶post就大喊及推開, 果頭同工人姐姐換片仲笑, 一對住我就嚎哭,我回家頭3-4日就係同個胸博鬥,搵哂護士朋友幫忙, 教我按摩, 我已每邊按2個鐘, 仲要用手骨的部分去推散塞左的部分,一邊通左d, 另一方卻渣了及泵了兩個鐘卻唔夠5ml(已經護士指導),身心疲累下, 阿仔入來又係強姦feel,每次比阿仔hurt完又補奶粉,累得不似人形, 再試下按摩個胸時已經痛到細細力掂下都痛,我立刻崩潰, 點解我想心最好的個仔, 個仔唔要, 又要塞, 立刻哭了個鐘停唔到, 最后同朋友及自己決定放棄人奶, 決定后立刻開心哂, 無唔開心, 又可以找人幫, 又可以留意多d個仔的其他細節及安排家中事務,仲留意到個仔成日半夢羊醒時常常笑到半個西瓜咁的口, 几開心, 我必要為阿仔10%的better health 而用99%的時間去做, 我慳d時間做下其他bb野仲好啦, 況且我好多朋友,係資優的小朋友, 都係全奶粉大, 仲要無咩病痛, 呢d緣份來的, 不需強求, 我同老公細個咪又係開刀, 咪又係食奶粉都無咩病痛, 大個仲要大學取fist honour, 隨緣啦, 唔好因為咁覺得內疚!!!我而家除左之前人奶事見有d情緒外, 而家不知几開心, 唔係人奶=perfect, 以前大陸農村個個都餵人奶, 係咪就個個好健康個個好聰明, Definitely not!!!! Don’t regret as we already try the best.

首頁
12

尾頁

跳至