吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› 留不住.BB停咗心跳

想生BB 今日: 0|主題: 109326

收藏本版

發帖

返回列表

跳至頁

查看: 4229 | 回覆: 41

留不住.BB停咗心跳 [複製鏈接]

12 3

jols

大宅

積分: 1116

1^#

發表於 11-3-17 19:43 |只看該作者 |倒序瀏覽 |打印

想成功誕下BB,真係好難,從無到有,又從有到失去,條路好難行.
4年幾前因有子宮纖維瘤,無即時危險.但因怕有咗BB會阻礙佢生長,doctor話有可能跟BB一齊大到好似apple, suggest 切除, 第1 次痛.
努力2年未能bingo,不育,先知1邊輸卵管塞咗, 如要自然bingo,要比人加倍努力, doctor suggest 做IVF.
再自已試多2年唔得,"的"起心肝做IVF,点知照到卵巢有朱古力瘤,doctor strongly suggest 切除,因會影響IVF成功率,就算成功.個瘤有可能變大,導致小產or早產, 又做手術, 第2次痛.
到做IVF放胎,HCG顯示有懷孕, 但得70幾, 之后再驗血, 指數跌, 証實 miscariage, 好灰!!
之後放雪胎, bingo 咗, 超開心,覺得一切辛苦同痛都值得,但BB到9週無咗心跳.成個人跌落谷底,喊到崩潰, 依家反思朋友所講"係你就係你,無得強求,順其自然吧啦"

0 0 0

私人傳訊

york_carmen

大宅

積分: 1645

2^#

發表於 11-3-17 19:50 |只看該作者

我啱啱都第二次小產完, 都明白係好心痛, 好傷心, 而你一直行嘅懷孕之路咁崎嶇, 好明白你嘅傷痛比起我係更深更痛, 我都唔識點安慰人, 亦都明白而家任何人講任何安慰嘅說話對你都起唔到作用, 但請別傷心太久, 盡量令自己開心d, 記住, you're not alone, 仲有好多同路人支持你, 你想呻想訴苦, we are always here~ 加油!

原帖由 jols 於 11-3-17 19:43 發表
想成功誕下BB,真係好難,從無到有,又從有到失去,條路好難行.
4年幾前因有子宮纖維瘤,無即時危險.但因怕有咗BB會阻礙佢生長,doctor話有可能跟BB一齊大到好似apple, suggest 切除, 第1 次痛.
努力2年未能bingo,不育, ...

私人傳訊

jols

大宅

積分: 1116

3^#

發表於 11-3-17 20:17 |只看該作者

好多謝你嘅支持,我依家心情已平伏好多. Doctor 話唔急清個子宮,因我有流血, 量好似m第3日, 睇吓1 星期內可唔可以自行排出. 如不可, 就要入院塞藥, 你係点解決呢?? 我個胎有成1.7cm, 我想都唔容易自己排出.

成件事幾諷刺呢, 當初做IVF放胎, 幾希望成功"着床", BB 黏實唔走, 依家就希望佢可以自行排出, doctor 話這樣對body創傷程度最低.

原帖由 york_carmen 於 11-3-17 19:50 發表
我啱啱都第二次小產完, 都明白係好心痛, 好傷心, 而你一直行嘅懷孕之路咁崎嶇, 好明白你嘅傷痛比起我係更深更痛, 我都唔識點安慰人, 亦都明白而家任何人講任何安慰嘅說話對你都起唔到作用, 但請別傷心太久, 盡量令自 ...

私人傳訊

喵喵^^

大宅

積分: 2856

4^#

發表於 11-3-17 20:25 |只看該作者

york_carmen, 你仲記唔記得我呀? 之前你同我講你唔可以同我一齊行準媽媽之路, 我仲安慰你叫你唔好灰心! 我想話比你知....我個胎係9week時都無大到同無心跳, 醫生話個胎唔得架啦. 我尋去左做塞藥等個胎痾返出黎. 我真係好難過! 諗返自己試左大半年生bb, 又睇中醫又介口. 仲要有朱古力瘤. 係2月14日情人節知道自己有bb, 仲諗住個天對我都唔差, 點知係5week見紅流啡, 再係7week去照話仲未有心跳, 再係3月14日(9week)白色情人節醫生confirmed我個胎唔得. 心情真係難過!

呢一個月好似過左好耐咁, 每一日都慢慢行, 食既野全部都要有營養, 又係咁飲奶. 又每一日都擔心個bb有心跳未. 成日精神好緊張. 而家成日諗點解其他人可以咁好有個健康bb. 而我就咁樣? 見到d朋友大肚我自己個心好難受. 到今日我仲未敢係我老公面前喊過, 因為我知道佢都好難過, 但佢仲要去安慰我同照顧我, 我唔想老公再擔心我. 我只可以偷偷地自己一個人果陣先喊!

york_carman, jols, 我地一定要堅強, 好好調理好自己身體. bb一定好快返黎我地身邊. 祝大家早孕!

私人傳訊

StevenYo

大宅

積分: 1994

陪月勳章

5^#

發表於 11-3-17 20:29 |只看該作者

我都小X過2次..
其他安慰說話都唔太識講...
朋友, 振作!!!

18/11 (39w1d): Little Angel come to the world!!
14/6 (16w6d): 11.74cm...食手指~
17/5 (12w6d): 6.78cm...babygirl!!
26/4 (9w6d): 2.60cm w/ heartbeat!
07/4 (7w1d): 0.84cm w/ heartbeat!
31/3 (6w1d): 0.24cm
2011.01.20 BB 於 2010.06.11(8w2d)離開了我..
2011.04.22 BB 於 2010.09.03(7w1d)離開了我..

私人傳訊

jols

大宅

積分: 1116

6^#

發表於 11-3-17 20:41 |只看該作者

喵喵, 生BB係夫婦兩個人嘅事,試吓同你老公傾下,你唔敢喺佢面前喊,佢唔知你点, 仲擔心! 而你又要獨自承受,怕他擔心,你嘅情緒得唔到宣洩.

要記住老公係自己最親嘅人. 我就一路同老公分享所有開心同唔開心嘅事,我哋都為咗今次BB突然停咗心跳流淚同傷心,但至少可以共同面對...

原帖由 喵喵^^ 於 11-3-17 20:25 發表
york_carmen, 你仲記唔記得我呀? 之前你同我講你唔可以同我一齊行準媽媽之路, 我仲安慰你叫你唔好灰心! 我想話比你知....我個胎係9week時都無大到同無心跳, 醫生話個胎唔得架啦. 我尋去左做塞藥等個胎痾返出黎. 我真 ...

私人傳訊

york_carmen

大宅

積分: 1645

7^#

發表於 11-3-17 20:50 |只看該作者

jols, 心情平伏咗就好, 因為憂真能傷身, 我本身個人容易忟同燥, 而家心情仲係時好時壞, 希望下星期返番工有D嘢做吓, 少D時間亂諗嘢會心情好D啦

我都算好彩, 兩次都係自行流出, 冇塞/食藥, 我個胎囊大約1.2CM左右....你快D食多D黑木耳啦, 有助子宮收縮, 係排惡露嘅好幫手嚟架

原帖由 jols 於 11-3-17 20:17 發表
好多謝你嘅支持,我依家心情已平伏好多. Doctor 話唔急清個子宮,因我有流血, 量好似m第3日, 睇吓1 星期內可唔可以自行排出. 如不可, 就要入院塞藥, 你係点解決呢?? 我個胎有成1.7cm, 我想都唔容易自己排出.

成件事幾 ...

私人傳訊

MimiKwan

男爵府

積分: 5503

8^#

發表於 11-3-17 20:54 |只看該作者

我雖然從未試過有過.但都深深感到失去的難過.
振作吧.休養身體先再慢慢諗生bb.

私人傳訊

喵喵^^

大宅

積分: 2856

9^#

發表於 11-3-17 21:00 |只看該作者

原帖由 jols 於 11-3-17 20:41 發表
喵喵, 生BB係夫婦兩個人嘅事,試吓同你老公傾下,你唔敢喺佢面前喊,佢唔知你点, 仲擔心! 而你又要獨自承受,怕他擔心,你嘅情緒得唔到宣洩.

要記住老公係自己最親嘅人. 我就一路同老公分享所有開心同唔開心嘅事,我哋都 ...

jols, 唔好意思, 呢個時候仲要你黎安慰我. 我以後不論開心定唔開心都會同老公講架啦. 我都唔想老公再擔心我!

Thank you!!

私人傳訊

york_carmen

大宅

積分: 1645

10^#

發表於 11-3-17 21:03 |只看該作者

喵喵^^, 其實我一直都有返番去嗰個post睇吓你點, 估唔到你都唔好彩bb走咗, 我bb流走時咁啱都係9weeks大, 我同你一樣陀b呢段時間, 又小心行路, 做乜都就住就住, 又唔敢夜瞓, 又戒口又逼自己食多d有營養嘅嘢, 結果都係咁, 真係好傷心, 仲要已經係第二次, 真係好灰心好驚; 我身邊都有勁勁勁多朋友生咗bb/就快生bb, 我都冇勇氣去面對佢地, 我已經响fb hide咗幾個最近生咗b同就快生b嘅朋友, 費事佢地upload d bb相我見到會唔開心....我教會最近又係好多人生咗bb, 我而家都諗住暫時唔返呢間教會住, 搵過另一間返住先....唉.....而家真係要斬腳趾避沙蟲, 盡量叫自己唔好接觸d會令自己唔開心嘅嘢

喵喵^^, 我好贊成jols所講, 呢d事應該兩夫婦一齊去面對, bb流走嗰晚, 臨瞓前我瞓响張床度喊, 跟住我老公攬住我, 我越喊越犀利, 喊咗好耐, 跟住我老公都同我一齊喊....其實你屈住唔喺你老公面前喊, 一來你自己辛苦, 二來可能你老公都想喊, 但佢見你冇喊, 佢都忍住費事喺你面前喊令你唔開心, 咁不如兩個一齊攬住喊, 一齊將d唔開心喊晒出嚟, 釋放咗d負面情緒, 咁可能對你同佢都會好d

原帖由 喵喵^^ 於 11-3-17 20:25 發表
york_carmen, 你仲記唔記得我呀? 之前你同我講你唔可以同我一齊行準媽媽之路, 我仲安慰你叫你唔好灰心! 我想話比你知....我個胎係9week時都無大到同無心跳, 醫生話個胎唔得架啦. 我尋去左做塞藥等個胎痾返出黎. 我真 ...

私人傳訊

heart456

大宅

積分: 2114

11^#

發表於 11-3-17 21:06 |只看該作者

回覆 1# MimiKwan 的文章

明白JM的心情,加油!

私人傳訊

jols

大宅

積分: 1116

12^#

發表於 11-3-17 21:24 |只看該作者

喵喵, 唔駛唔好意思,大家都喺同一條"生BB"嘅路上,係應該互相扶持. 原本我之前已經過咗版去睇"產前產後"嘅資訊,点知會發生件難以接受嘅事,又返唻"想生BB"到從頭來過, 頭先忍唔住去睇吓喺"產前產後"個版面, 見有做 post 裹面好多mama小產後好快再bingo, 你都去吓, 吸多啲正能量, 加油!!

原帖由 喵喵^^ 於 11-3-17 21:00 發表

jols, 唔好意思, 呢個時候仲要你黎安慰我. 我以後不論開心定唔開心都會同老公講架啦. 我都唔想老公再擔心我!

Thank you!!

私人傳訊

jols

大宅

積分: 1116

13^#

發表於 11-3-17 21:55 |只看該作者

york_carmen , 希望你都早日收拾心情, 唔好再亂諗嘢啦!
其實一知道BB唔得,就猛食涼嘢, 豆付花,西米撈,飲蜜糖水, 希望快啲流啲組織出來,点知血就流多咗,但遲遲未見有組織. 多謝你嘅意見, 我明天即刻食黑木耳, 希望喺下星期一見doctor前排出, 如果唔係就要入院塞藥啦.

原帖由 york_carmen 於 11-3-17 20:50 發表
jols, 心情平伏咗就好, 因為憂真能傷身, 我本身個人容易忟同燥, 而家心情仲係時好時壞, 希望下星期返番工有D嘢做吓, 少D時間亂諗嘢會心情好D啦

我都算好彩, 兩次都係自行流出, 冇塞/食藥, 我個胎囊大約1.2CM左右... ...

私人傳訊

GentooMama

男爵府

積分: 5486

14^#

發表於 11-3-17 22:04 |只看該作者

明白大家的心情，我的小孖b在一月頭8week時停了心跳，這兩個月我就在心神恍惚中渡過，跟老公相擁哭了很多遍，還要找專業人士輔導和食藥幫助情緒，但慢慢我也能站起來，現在準備下個月放雪胎。我們互相支持一定可以真正做一個媽媽，而且我哋既小孩會很幸福，因為我哋會更加珍惜，天上的小天使也會照顧弟妺！好好哭一場再振作吧！

私人傳訊

喵喵^^

大宅

積分: 2856

15^#

發表於 11-3-17 22:48 |只看該作者

Jols, 你講得無錯, 我地大家都要互相扶持. 我同一樣, 未有BB之前成日睇"想生BB", 到自己有左仲好開心咁諗可以過版睇"產前產後", 點知而家又要睇番"想生BB". 我岩岩都有去睇返"產前產後"講小X完好快會再有第2個. 睇完個心都會定D.

York_carmen, 希望你可以快d重拾勇氣面對所有有bb的朋友. 我相信你可以!

加油呀!

(p.s. 黑木耳點煲架? 買幾多同埋煲幾耐架?)

私人傳訊

york_carmen

大宅

積分: 1645

16^#

發表於 11-3-17 22:49 |只看該作者

GentooMama, 能夠重新站起來就好, 祝你下個月放雪胎順利, 快快bingo升呢做媽媽, 加油!!

原帖由 GentooMama 於 11-3-17 22:04 發表
明白大家的心情，我的小孖b在一月頭8week時停了心跳，這兩個月我就在心神恍惚中渡過，跟老公相擁哭了很多遍，還要找專業人士輔導和食藥幫助情緒，但慢慢我也能站起來，現在準備下個月放雪胎。我們互相支持一定可以真正做一個媽媽 ...

私人傳訊

york_carmen

大宅

積分: 1645

17^#

發表於 11-3-17 22:57 |只看該作者

我都唔知d黑木耳點買法, 因為係我阿媽幫我買, 佢買咗一大袋俾我, 我估係一斤斤或一両両咁買, 你可以買住半斤先, d黑木耳可以放得耐都唔怕, 唔駛一次過煮晒佢, 每次用一兩塊就得, 你煮d黑木耳前要浸軟佢, 可以煲湯或燉湯時落(我通常都係燉湯, 燉烏雞湯或花膠海蔘, 燉三個零鐘), 又可以切絲連同娃娃菜&粉絲一齊炒, 另外又可以蒸雞時切幾片黑木耳一齊蒸, 或者你炒開邊隻餸, 落幾片黑木耳都得架 (例如炒肉片呀嗰d)

原帖由 喵喵^^ 於 11-3-17 22:48 發表
Jols, 你講得無錯, 我地大家都要互相扶持. 我同一樣, 未有BB之前成日睇"想生BB", 到自己有左仲好開心咁諗可以過版睇"產前產後", 點知而家又要睇番"想生BB". 我岩岩都有去睇返"產前產後"講小X完好快會再有第2個. 睇完 ...