夫婦情感

跳至

首頁
12

尾頁
   0


大宅

積分: 1055


發表於 11-4-4 14:54 |顯示全部帖子
本帖最後由 cae688 於 11-4-11 20:41 編輯



大宅

積分: 2383


發表於 11-4-4 15:18 |顯示全部帖子
我覺得做人要開心~如果日日對住一個你唔想見既人~都好辛苦囉
都唔知點係


大宅

積分: 3759


發表於 11-4-4 15:26 |顯示全部帖子
百世修來同船渡、
千世修來共枕眠。
比個機會大家啦,更何況佢都為您改變過。不如好好傾吓,好好哋維繫個家庭,等小朋友o係健康環境成長啦!


禁止發言

積分: 16954


發表於 11-4-4 15:29 |顯示全部帖子
提示: 作者被禁止或刪除 內容自動屏蔽


男爵府

積分: 9963

好媽媽勳章


發表於 11-4-4 15:32 |顯示全部帖子
你老公唔係極差, 需要離婚嗎?

d衫點放又唔知...個仔咳, 得三支藥水佢都唔知食邊隻...男人通病

成日唔夠訓就郁d發脾氣鬧仔...有時仲打...打到個pat成個手掌印...呢樣真係唔係幾好
咪叫佢早d訓囉...佢就話無電視睇, 成日都係睇卡通...
唉...個仔訓左咪有得睇囉..洗咩爭者...你自己睇卡通悶到眼訓.又唔可以夜訓.就唔好鬧仔啦...
咁你又唔好剝奪佢睇電視私權利, 我屋企小朋友只有放學-八時, 八時之後我睇電視劇, 再之後老公睇波. 唔駛一面倒就晒小朋友

依家放工9點半就訓...日日如是, 放工食飯坐..訓...
同個仔玩??少囉...佢心情好咪撩個仔玩囉...玩唔夠半個鐘, 就會話好攰, 唔同仔玩..
小朋友一定唔肯架啦..咁就鬧...唉~~
如果小朋友細又真係要好多體力先夠玩, 半個鐘都唔錯呀. 返工真係好攰架.

我同佢鬧交, 佢就唔出聲..我鬧完, 冷戰..佢就真係等我出聲先會同我講野..
冷戰都唔會一兩個鐘啦..成個星期都試過..真係..唔同我講野...
我鬧..鬧完,.會平心靜氣同佢傾...
來來去去都係個d..唔好成日鬧個仔啦...有咩好鬧者...
如果次次都係鬧個d事, 而d事對佢黎講又唔係大事, 佢咪當你自己發脾氣, 氣過之後就無事啦.

小朋友玩玩具一定會亂晒架啦...
小朋友真係好鍾意散晒d玩具落地, 不過我會要求小朋友玩都要留條路比人行, 同玩完一樣先攞另一樣.

每次星期日, 個仔訓晏交, 佢就死都要睇電視...
個仔一起身呢..佢就眼訓..就唔同個仔玩...
試過..個仔咳到嘔, 又發燒, 我同個仔搭的士去睇醫生...
之後發現唔記得拎key...打俾佢..佢居然訓左...
第二日同佢講返, 佢居然話, 咁你出門口唔check清楚有無拎架咩..
大佬呀..我見個仔咁款..仲邊得閒check呀...
呢次又真係抵打, 不過佢可能太放心你湊仔仔, 所以自己訓先.

雖然有了小朋友應該以小朋友行先, 但有時都要照顧下個老公, 佢由結婚到而家都為個家改變左好多.
如果係小事就唔好太計較.


大宅

積分: 1865


發表於 11-4-4 15:46 |顯示全部帖子
回覆 美亞 的帖子

你出去玩啦,一來可以relax ,二來可以令你老公緊張你,有機會咪兩個人去街,慢慢傾,唔好成日諗住離婚la。


大宅

積分: 1055


發表於 11-4-4 15:48 |顯示全部帖子
我講半個鐘..是俾多了...都只係兩三個字時間啦..
我兩個小朋友都係睇到9點半者..佢地都要訓了..

仲有的..我係發現, 佢好多野都唔會以個仔行頭..同埋..佢唔會氹我..
或者,好多人都係咁..但..我個人好簡單的..氹下我, 聽我講野就得..
佢永遠都係我同佢講野..佢就..哦..哦..哦...唔理我..
好喇..我咪唔講囉...到佢鬧交, 居然話我關心公司野仲多過開心佢..
唉...咁我都係將我日常發生既野去同你傾計者..


伯爵府

積分: 19582


發表於 11-4-4 16:18 |顯示全部帖子
又一個大仔, 好正常呀, 應該呢度好多做人老婆既都有同感......
話時話, 咁你又點解嫁佢呢?


大宅

積分: 1987


發表於 11-4-4 16:26 |顯示全部帖子
[ 本帖最後由 sumq 於 11-4-4 17:04 編輯 ]

你老公係有問題, 但未至於要去到離婚咁嚴重......而且你諗下, 你地唔離婚, 唔開心既係你, 但你地離婚, 唔開心既係個仔, 你想你唔開心定係個仔唔開心?? 你係大人, 就算唔開心都識得去分析去舒發, 但小朋友唔係架, 佢地唔識諗既話唔開心就係成世架喇.....或者你考慮下等小朋友大個d先再諗離婚呢個問題..... 其實只要你個心仲有你老公, 一齊問題都唔係問題, 係可以解決的..... 另外就係....睇到樓主一直希望你老公會依你既想法去改變....... 而你亦會因為佢改變唔到而唔開心, ........其實.....任何人都唔應該為左對方達唔到自己既"要求"而遷怒於對方呢, 更加唔好因為對方達唔到自己既要求要唔開心, ....... 要求係你自已提出, 就算你既要求係幾咁合理, 對方真係達唔到都唔係出奇, 如果因為對方達唔到自己既要求而要被你懲罰/受鬧其實對佢都好唔公平呢


翡翠宮

積分: 76971


發表於 11-4-4 16:38 |顯示全部帖子
回覆 cae688 的帖子

零教人打仔就莫教人分妻, 你問我, 我實一萬個5讚成架講真丫, 家陣5係得你兩口子過活, 萬大事都係要以小朋友為依歸, 你試想想你可以接受到自己係單親, 但小朋友呢當然有D單親媽咪好叻皆因係佢有曬心理準備去接受單親呢個生活, 同埋舖排好曬先做單親的, 但有幾多個做得到咁好丫一個5覺意離左婚後先發覺自己接受5到, 到時5好話你整頓5好自己既心理, 連帶小朋友都涉及在內, 攪到佢地5敢面對人群/心理不平衡, 咁何苦呢想問吓你對小朋友係咪仲係好細個其實十個男人有九個都係好似你老公咁衰, 得個玩字, 叫佢做就好似叫佢去死咁有時佢地既所謂玩都只不過係將自己既快樂建築在小朋友既痛苦之上不過有時原來小朋友都樂在其中的:;pppp:我想同你講, 當小朋友大左大家生活休閒左就會好好多架啦! 呢個只不過係一個過渡期啫忍耐吓啦男人係咁衰架好無心肝, 你要成日重覆又重覆咁去提醒佢先得架一提少左佢地就會原地踏步/還原基本步架啦老實講既然你都好似豁左出去打定輸數要離婚的話, 何不就當呢個人不存在你做你想做既事咪會無咁扯火囉


大宅

積分: 4778


發表於 11-4-4 16:45 |顯示全部帖子
為了兩個小朋友, 不能輕易放棄.
雖然樓主寫出老公的缺點, 但也不算差到貼地的地步吧?
反而覺得樓主自己好像很繃緊的樣子, 這樣和老公溝通, 好極有限.
贊成你多點見朋友, 給予大家更多空間, 放鬆一下. (不過要令老公明白只是去見朋友抖抖氣, 不要負氣啊)
自己搞掂了, 才能處理好婚姻的問題.


複式洋房

積分: 315


發表於 11-4-4 17:41 |顯示全部帖子
咁就叫離婚, 呢度十個有九個都要離婚啦咁... =_=
同意大家講, 都係d小事, 為仔女, 點都要捱.

電視問題...買部錄影機, 等d仔訓咗先睇電視咪得囉~

小事唔好咁計較, 作為人妻不是要照顧好家庭嘛? 湊仔家務都係份內事, 咪自己攪掂佢囉, 有幾big deal.

要男人做事一定要'量化', 你用d量化手法叫佢改善啦! 太過空泛佢轉頭又唔記得.

有咩做錯咪響佢銀包拎一舊水去買花送比自己囉! 有時係要自我復完架啦~話比你知, 個個男人都一樣, 唔嫖唔賭唔飲唔吹已經執到啦, 你重想點.

BTW, 佢肯同d仔玩半個鐘頭, 我已經覺得佢係好爸爸啦......

放鬆d, 睇化d, 做人開心d~

點評

bb漢堡包  你好叻..識得平衡到自己,你講得好啱,小事唔好咁計較, 作為人妻不是要照顧好家庭嘛? 湊仔家務都係份內事, 咪自己攪掂佢囉  發表於 11-4-4 19:17
beanlala  講得非常好  發表於 11-4-4 18:02
mywong  非常欣賞'量化' 同'自我復原'  發表於 11-4-4 17:48
歡迎到訪米B Blog


別墅

積分: 556


發表於 11-4-5 00:44 |顯示全部帖子
我想講就係。。。。 人既性格係好難改﹐為何妳要佢改呢? 妳放開D﹐妳當初嫁比佢都係佢有D野係令妳喜歡的。 妳老公其實覺得冇咩野﹐只不過妳接受唔到而家既佢姐。

有冇由妳老公角度想過﹐究竟佢想妳點呢? 每個人唔會覺得自己有問題架﹐係第三者先見到﹐不如妳試下問妳老公﹐佢想妳點呀!

妳話妳鬧完佢之後﹐兩﹐三日就好D﹐但之後就打回原型﹐甘已經代表佢呢兩﹐三日改變的好辛苦﹐佢根本就做唔到﹐我覺得大家都有D問題係一直全在﹐而冇羅到出黎講。


男爵府

積分: 9798

2019新春慶豚圓


發表於 11-4-5 02:08 |顯示全部帖子
見你咁樣話想離婚
我對住我老公應該離左十世


公爵府

積分: 27805

2019新春慶豚圓 2019勳章


發表於 11-4-5 04:58 |顯示全部帖子
回覆 cae688 的帖子

真係一家唔知一家事. 你都係照顧仔女啫. 我嗰件死人嘢, 連食飯瞓較沖涼都要勞氣呀?!
我兩個仔仲好"揍"過佢, 我想佢早D去見上帝, 唔好煩我.

HOPE EVERYDAY IS A GOOD DAY


水晶宮

積分: 51566

畀面勳章 BK Milk勳章


發表於 11-4-5 19:57 |顯示全部帖子
本帖最後由 milky_red 於 11-4-5 19:58 編輯

會唔會係你期望太大啦?你不停咁想改變佢?乜你唔係鍾意當時0既佢,先嫁俾佢?長此下去,我驚總有一日,唔係你倦就係佢倦..


珍珠宮

積分: 34495

2019新春慶豚圓 2019勳章 畀面勳章


發表於 11-4-5 20:42 |顯示全部帖子
對仔對佢CHI 唔CHI?? 有無試過粉飾下仔仔同PAPA 之間關係?? 佢LIKE 嗎?? 其實睇你所講問題, 多是由仔仔開始...先由改善佢點對仔仔,之後再由此去了解佢所想....個個C6都是一樣, 我個件都是我大仔......我氹佢就有, 佢唔激我已經好開心啦....放鬆D....明天會更好....
Stay Hungry , stay foolish !!


男爵府

積分: 5232

畀面勳章


發表於 11-4-5 21:04 |顯示全部帖子
想來你們倆口子需要見下心理醫生或看下社工給你們意見.
身在五里霧中.一定要有經驗人仕才能助伙你們解決問題.
你要身體好、記得時時要飲水、不一定等到等到口渴嘅!


子爵府

積分: 11002

2019新春慶豚圓 2019勳章


發表於 11-4-5 21:22 |顯示全部帖子
回覆 cae688 的帖子

老實講,個個男人都係咁上下,只要佢唔係出去滾,交足家用,呢個年代已叫做係好男人,我真係好少聽
過有人個老公又細心,又唔滾,又識氹老婆,又交晒全副身家俾老婆,又識揍仔囉,你知嗎,一齊九年,
應該是七至九年都好易想離婚,因為咁多年大家對大家都或多或少有些期望,以為對方會改,特別是小朋友
又細,有很多煩瑣的事,好多磨擦,到小朋友大一些便會好一些,當你過度得到,好快就十年廿年了,
:)俾個機會佢啦!


水晶宮

積分: 65352

2019新春慶豚圓 2019勳章


發表於 11-4-5 21:44 |顯示全部帖子
點解你唔多d以欣賞角度去睇你老公 (或任何一件事), 咁樣不論對你老公或你, 都係一件好事. 如果用負面去睇事或人, 你既人生會好辛苦.

你話你老公唔知你需要乜, 但你呢? 又明白佢幾多. 照睇你留言, 只覺得不斷要求, 但你自己又可以做到幾完美, 又係咪達佢所要求既呢?

天空之城, 快樂之地

首頁
12

尾頁

跳至