自由講場 今日: 4307 | 主題: 1299513

積分: 244

1^#

發表於 11-4-8 11:23 |只看該作者 |倒序瀏覽 |打印

我亞仔上年十一月後返n班, 最初一個月當然會喊話唔返學, 但之後佢適應左成日都好開心咁唱學校歌仔, 同埋放假都話要返學. 點知呢兩星期突然間話唔想返學, 每朝早起身時都問我今日係咪星期六 (因為佢知星期六唔洗返學) 日日宜家都喊晒話唔返, 返到學校又係扭喊得好緊要...其實學校老師好好人, 好有愛心的, 見到亞仔呢排有情緒問題, 每日都會打電話比我話我聽佢今日情況, 起佢地口中亞仔起學校表現都算正常, 但唔知點解佢對住我地就咁唔想返學. 你地小朋友會唔會咁呢??

除左唔鐘意返學之外, 亞仔呢排仲突然話唔鐘意好多人 (包括學校老師 - 不嬲好錫佢; 舅公 - 一年見得兩,三次仲要幾個月無見過, 見到都係say hi only; 爸爸 - 超級錫亞仔成日陪佢睇書每晚陪佢玩電腦玩益智遊戲) 見到街外人就更加抗拒 (但平日鐘意周圍撩唔識o既人玩) 以前叫佢同人打招呼都好樂意, 但宜家點都唔肯.

我係十二月生左bb, 老師們覺得好大機會係因為細佬出現令佢有異常行為...但最奇怪係細佬出世幾個月後先會咁?? 自問我同老公都事事親力親為 (我地有工人, 但我地係屋企都會自己湊返兩個仔同成日陪住大仔一齊玩), 所以真係摸不著頭腦

以上種種怪異行為都係近呢兩星期發生, 大家可唔可以比d意見我呢, 唔該!!

0 0 0

私人傳訊

LUON

積分: 3466

2^#

發表於 11-4-8 11:38 |只看該作者

你細仔係咪5個月？
我估佢開始學爬，開始真正比你大仔覺得佢係
一個人仔，令佢覺得自己的地位不保！

私人傳訊

方方媽媽

水晶宮

積分: 74328

3^#

發表於 11-4-8 11:38 |只看該作者

小心觀察，會唔會有個別人士對小朋友唔好？例如工人？
又或者有人特別同小朋友講左一Ｄ恐嚇說話，例如阿媽有細佬就唔要你啦。
小朋友有心結，唔識表達，做父母唯有多一點耐性與愛心，慢慢引導佢囉。

私人傳訊

積分: 244

4^#

發表於 11-4-8 11:40 |只看該作者

LUON 發表於 11-4-8 11:38
你細仔係咪5個月？
我估佢開始學爬，開始真正比你大仔覺得佢係
一個人仔，令佢覺得自己的地位不保！ ...

細仔4個月咋, 只識轉一半咋, 你都覺得好大可能係細佬出現?

私人傳訊

積分: 244

5^#

發表於 11-4-8 11:45 |只看該作者

方方媽媽發表於 11-4-8 11:38
小心觀察，會唔會有個別人士對小朋友唔好？例如工人？
又或者有人特別同小朋友講左一Ｄ恐嚇說話，例如阿媽 ...

其實我亞仔肥o都o都無論學校老師,屋企人,工人姐姐都好錫佢o架, 真係唔覺得有人對佢唔好....恐嚇說話我同老公一定無講過, 家中老人家有無咁嚇過佢就真係唔知. 我地見佢呢排情緒咁唔穩定反而仲更加care佢感受, 唔太過份咩都遷就佢la, 同埋我宜家成日都抱住佢問佢有咩唔開心? 如果有唔開心記得同daddy,媽媽講咁....但可能佢太細la根本唔識表逹, 真係無咩特別野講過比我知.

私人傳訊

大力mi

積分: 2738

畀面勳章

6^#

發表於 11-4-8 11:47 |只看該作者

初初未睇晒估你有咗BB, 原來係細佬出咗世...
好明顯係爭寵~
平時有無俾佢幫手照顧細佬?
俾多啲機會佢同細佬相處, 大人唔好咁著緊佢會整到細佬
等佢培養一個當哥哥嘅使命感...

另外, 搵日放低細佬, 你同爸爸淨帶佢出街..
等佢覺得爸爸媽媽無因為細佬而忽略佢~
或者你咁樣同佢出去, 最掛住細佬嗰個反而係佢

日本の平安を祈ります

私人傳訊

yoma1975

珍珠宮

積分: 30287

開心吸收勳章認識瑞士牛牛第一回畀面勳章 2011至尊種植勳章環保接龍勳章

7^#

發表於 11-4-8 11:47 |只看該作者

其實是不是只有你帶番學,先出現哭閙,還是其他人帶番學,都有哭閙(係番到學校).

私人傳訊

yoma1975

珍珠宮

積分: 30287

開心吸收勳章認識瑞士牛牛第一回畀面勳章 2011至尊種植勳章環保接龍勳章

8^#

發表於 11-4-8 11:52 |只看該作者

我地見佢呢排情緒咁唔穩定反而仲更加care佢感受, 唔太過份咩都遷就佢la, 同埋我宜家成日都抱住佢問佢有咩唔開心? 如果有唔開心記得同daddy,媽媽講咁...

你咁做只會令情況變得更差,因為佢會覺得只要咁做,父母就會聽佢話.
反而大力mi這方法先正確.

私人傳訊

積分: 244

9^#

發表於 11-4-8 11:55 |只看該作者

大力mi 發表於 11-4-8 11:47
初初未睇晒估你有咗BB, 原來係細佬出咗世...
好明顯係爭寵~
平時有無俾佢幫手照顧細佬?

有比佢幫手照顧, 拎下野..細佬喊叫佢拍拍佢唱歌比佢聽咁...

擺低細佬兩個陪佢出街真係比較少, 好多時都係daddy陪佢落遊樂塲玩...咁等我地多d兩個一齊陪佢去玩下la...咁一般情況小朋友呢d怪異行為會幾時正常返呢??

私人傳訊

積分: 244

10^#

發表於 11-4-8 11:56 |只看該作者

yoma1975 發表於 11-4-8 11:47
其實是不是只有你帶番學,先出現哭閙,還是其他人帶番學,都有哭閙(係番到學校). ...

我或者老公帶佢返學o既, 兩個帶都會咁樣

私人傳訊

積分: 244

11^#

發表於 11-4-8 11:57 |只看該作者

yoma1975 發表於 11-4-8 11:52
你咁做只會令情況變得更差,因為佢會覺得只要咁做,父母就會聽佢話.
反而大力mi這方法先正確. ...

即係唔好就佢? 好似平日咁對佢有番要求?

點評

yoma1975 對,唔係佢習慣咗,就大鑊啦,以後有排煩. 發表於 11-4-8 13:15

私人傳訊

ak1020

積分: 4190

12^#

發表於 11-4-8 12:16 |只看該作者

我個細仔現8個月, 大仔2歲半, 記得當時細仔出世時, 加上工人姐姐唔做, 大仔可能一時接受唔到, 於是都係性情大變, 成日小小事就哭鬧, 又唔俾我抱細bb, 又玩絕食(!!).....但可能我當時放緊產假, 日日可以帶佢返學放學, 又加上新工人好錫佢, 佢漸漸有番安全感, 所以漸漸無事, 宜家仲好錫細仔添.....但講真, 宜家唔多唔少都仲有d爭寵架, 佢有時都講明細bb由工人姐姐抱, 媽媽就抱佢.....我覺得最重要係俾安全感佢, 令佢覺得媽媽無唔要佢....

但我覺得有d奇怪, 點解你個仔係細b出世後5個月先出現呢個問題, 所以我都有d懷疑會唔會有人對小朋友唔好.....你可以試下問d 直接d既yes/no 問題, 例如, xx有無鬧鬧你呀? 有無打打你呀? 你鍾唔鍾意xx呀?....我諗佢會易d明白同埋去表達

私人傳訊

積分: 244

13^#

發表於 11-4-8 12:34 |只看該作者

ak1020 發表於 11-4-8 12:16
我個細仔現8個月, 大仔2歲半, 記得當時細仔出世時, 加上工人姐姐唔做, 大仔可能一時接受唔到, 於是都係性情 ...

細佬剛4個月, 而大仔兩星期前突然變到咁o既

多謝你分享, 等我都試下你方法多d問佢yes/no 問題等我知多d佢諗咩

私人傳訊

方方媽媽

水晶宮

積分: 74328

14^#

發表於 11-4-8 12:56 |只看該作者

有次上育兒課,老師提醒,唔好同小朋友講有咩唔開心,要問多D有咩開心事.
例如:佢唔鍾意返學,就問下返學有無唱歌,唱歌係咪好開心呀?有無玩玩具?玩玩具開唔開心呀?
講多D開心事,就引導佢諗開心事.
又例如:
細佬大D,可以陪你玩啦.
你做哥哥,可以教佢讀ABC,你好叻仔架.

點評

lokting10 你都講得o岩應該要用令佢唔記得開心的事發表於 11-4-8 13:54

私人傳訊

rose-mag

王國長老

積分: 171537

2024年龍年勳章 2024勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

15^#

發表於 11-4-8 13:04 |只看該作者

我自己兩個小朋友相差17個半月，早期都冇爭寵問題，因為囝囝仲細，佢只會覺得妹妹得意，點解佢成日喊，點解媽咪成日抱佢餵佢食奶，慢慢就出現仔仔蝦妹妹嘅情況，當所有人都好緊張或專注妹妹時，佢就會搗蛋，仲會打妹妹，抓佢塊面，所以妹妹成日塊面都損晒。後來我俾仔仔坐我身邊睇我餵妹妹，一邊同佢傾計讀書，有時間我會叫婆婆湊住妹妹，我同仔仔一齊午睡。而家大仔都仲會打妹妹爭寵，又會搗蛋引人注意，但因為大個咗可以同佢講道理。

不過，樓主都要留意有冇老師、工人或家人對仔做唔好，或者講錯咗說話，有時表面好似好好嘅人，未必真係真心，小朋友思想簡單，心靈脆弱，防人之心不可無。

點評

lokting10 大仔又係間中會抓細佬塊面, 又會想起腳踢佢...但大仔又會好緊張個細佬, 每朝起身都會第一時間我細佬起邊ar? 然後走去同細佬玩, 又會走去錫下細佬發表於 11-4-8 13:57

花旗太太生活在花旗國，留意時差，你問我未必即時答到。

私人傳訊

yoma1975

珍珠宮

積分: 30287

開心吸收勳章認識瑞士牛牛第一回畀面勳章 2011至尊種植勳章環保接龍勳章

16^#

發表於 11-4-8 13:07 |只看該作者

lokting10 發表於 11-4-8 11:56
我或者老公帶佢返學o既, 兩個帶都會咁樣

咁可能佢係想在家,同細佬一齊分享父母,唔想比細佬獨佔父母,番咗學無得同父母一齊,細佬就可以.因為佢有提到星期六,假期佢就可以一齊分享父母.

其實小朋友想嘢好簡單,唔好複雜咗問題.

又時佢地突然話唔喜歡某啲人,而人地無對他做了咩.好多時只是某1人做了一啲事情,佢覺得有唔高興感覺,但佢又唔識表達,結果當某啲人有做番類似說話或動作,就會想番起有唔高興感覺,但又唔知點解會唔高興,只會話唔喜歡某啲人.

而事情都過咗兩星期,就算問番佢,佢都唔記得為咩事情唔高興,只記得有唔高興感覺.

可以引導佢忘掉e個唔高興感覺.可話比佢知父母知道有事情令佢唔高興,但你又唔記得是咩事,咁不如我地唔好記住佢,又得佢.我地又e+開始記啲開心嘢,(可講一啲近期發生開心事)同佢一齊大笑一場.咁佢就會比開心嘢代替咗唔開心個啲事情.

我囡間唔中都會出現e啲問題,因為佢表達能力較弱,成日唔識表達,時間一久佢又唔記得件事點發生,只記得有事令佢唔高興.但找嘢代替咗就會好快無事.

點評

lokting10 係呀, 大仔有一日都講過點解細佬唔洗返學, 我諗佢真係覺得點解我唔可以留起屋企, 但細佬就可以發表於 11-4-8 13:58

huisylvia 好方法,我都要運用多D先發表於 11-4-8 13:28

私人傳訊

chingcging

伯爵府

積分: 19013

環保接龍勳章

17^#

發表於 11-4-8 13:57 |只看該作者

未必關細佬事。11月先返n1，可能依家要佢"嚴守規矩"，唔會好似以前咁放縱。相比之下，屋企咁free，想點就點，佢咪唔願返學law.

私人傳訊

積分: 244

18^#

發表於 11-4-8 14:02 |只看該作者

chingcging 發表於 11-4-8 13:57
未必關細佬事。11月先返n1，可能依家要佢"嚴守規矩"，唔會好似以前咁放縱。相比之下，屋企咁free，想點就點 ...

我有諗過你提出問題, 但我應該要點做呢? 返學係必需, 守紀律都係我比佢返學校應該要學到o既野, 我要點樣解釋比佢知令佢唔好再對返學有負面感覺??

私人傳訊

ychingma