昨日約咗家人出去食飯.我帶住個女坐巴士車頭,咁坐長途車我通常都會瞓吓,過咗隧道冇
耐我就覺得有人掃咗我'格嗱底'一吓,咁我即刻擰轉頭,見到個麻甩佬望住我,咁我有d猶疑,是否自己多心?因為佢坐入便個位,一個瞓咗既細路就坐出便個位挨住佢,而我就坐個細路前便,佢好似唔夠長伸隻手過來喎.但自己又好唔忿氣,明明係有人掃咗我一吓,萬一揩埋我個女點算.咁我就唔瞓,攞咗個電話出來倒影住昅住後面.過咗一陣我就見到個賤佬慢慢伸隻手過來搭住我既椅背,預備攝過來,我咪即刻鬧佢叫佢好攞開隻手,點知個pk用英文講話唔明我講咩,(之前我隱約聽到佢係講普通話的)然後擰轉身同個女人(應該係佢老婆講話唔明我做咩).我一時間反應唔到,都唔知點講,自己英文又唔係好掂,咪用中文講話'博完矇就扮晒嘢'.我聽到佢哋仲係度講'唔知個女人做咩....聽唔明....'我覺得自己好瘀好似個儍婆.係落車之前我就對住佢話'don't pretend you don't understand,I feel you touch my body throught the seat!'我唔知個老婆明唔明,但個老公就心知肚明.我覺得自己好屎,好冇用,好嬲!