Mummy 寫道:
係咪提早更年期呀?? 有時男人係咁架啦, 發下d無謂勞so, 雖然我老公都唔會咁, 但有時佢煩起上黎, 我會警告佢: 你小心d呀, 你第日老左咪咁X煩呀, 第日仲要靠我照顧你架, 如果你激興我, 我一腳伸你去老人院!
chrisunkub 寫道:
Band Band,
18288.This number is "HEUNG-CHING-HIN" hotline,they can help you and your son.
Don't worry,be happy.We support you,never give up.
bandband 寫道:
BB2WONG,
你都講得啱,同埋我都覺得隻佬咁小朋友脾氣,查實都可以係一種教材~!好似呢次我隻佬成日發脾氣,我個仔都知道咁樣做係唔妥啦,仲要同我講話"爸爸傻咗~!" 我問個仔係咪覺得爸爸今日成日發脾氣,佢都識得答話係!跟住我問個仔係咪唔鐘意爸爸發脾氣,佢都點頭,跟住我同個仔講,所以話,如果見到爸爸或者其他人做錯事,你咪唔好學佢地囉!係人都會有做錯嘢既時候,如果覺得呢樣嘢或者人地咁樣做係唔啱,自己就要同自己講,自己一定唔好學佢!明知咁樣發脾氣係會影响到人既,會令大家同自己都會唔開心既,咁就唔好做喇~! 個仔即刻微微笑咁點頭!有時教仔唔一定剩係俾佢睇到遇到啲正面既嘢既,始終呢個世界,咩人咩事情都會有,間中俾佢順其自然遇到啲負面既事,我地適當去教去講解,我覺得咁樣反而對小朋友更有益處,我地更加容易去教.
再者,我始終認為婚姻或者兩個人相處唔會咁兒戲,無理由因為佢小朋友脾氣,係小男人唔夠man,又或者佢有好多缺點,而去離婚/分手,人始終都有佢既優劣點,呢吓隻佬啲缺點發哂出嚟,我覺得佢惡頂啫,但調番轉頭諗,我又何嘗都有缺點要我隻佬受?!我隻佬話佢衰佢又未衰得哂,話佢好又唔係真係好好,我地只係相處近八年,我覺得只係一個開始,仲有好多路我地未行,如果呢一刻只係一塊石頭絆倒我地阻住我地,我就咁話要放棄時,我覺得小朋友脾氣既變咗係我,日後我諗番我一定睇唔起自己!咁小事我都處理成咁!
人永遠都係咁,當你嬲既時候,永遠都只係諗負面,情緒又係負面,思想又係負面,但當件事過咗,你無怒意時,諗番轉頭,查實真係好小事,一啲都唔難處理.只係自己有無呢個恆心去處理去改變啫.依家我對老公同對住個仔一樣,佢曳既時候唔睬佢,佢乖既時候我就鍚哂佢. [quote]
angelmak 寫道:
all mami,
我老公同我結咗婚之後, 唔知係咪壓力大咗呢?! 佢有打過我,
但係宜家都冇打我啦! 不過佢啲脾氣都仲係改唔到, 痴痴哋
o家都!!! 成日掟嘢, 之後又走咗去... 4年啦!
我宜家搵咗社工幫手, 睇吓做婚姻輔導有冇幫助囉~ 如果佢
都係咁, 我就走啦...