其實講起工作,有時我都會好沮喪
我都係做temp job, 仲要係做一個完全陌生嘅行業。
以前我係做緊0個瓣嘅專家,連老闆都要讓我三分;而家做野唔識無人教,人人都當我可有可無;
以前我管二三十人,算係半個山寨王;而家俾人點黎點去,連入倉執貨都要做埋;
以前只有我出去望住人地做野,人地望唔到我坐0個位;而家我連自己0個位都冇;
其實我都唔係好知點解會做緊而家份工,淨係知我對呢份工唔係咁留戀,只想捱到約滿再睇下點,反正神想我去邊我就去邊喇。
但我仍然為著呢份工感恩,因為神用呢份工帶我走出左自己嘅comfort zone, 睇到好多以前睇唔到嘅野。雖然有時會好frustrate, 覺得不如炒左我仲好,但只要一日未俾人炒,我都會俾心機做落去,因為我相信呢個係神俾我嘅training, 唔想辜負左佢一翻心意。我相信所有經歷過嘅野總會有用,相信有一日神會俾我明白點解,雖然唔知係幾耐之後。
人生好短,我地呢d有細路嘅應該都唔細,都要諗下剩返嘅日子想點過,留d咩榜樣俾仔女。 “至於我和我家,我們必定事奉耶和華” (但 24:15)
呢個就係我嘅理想喇
耶穌說:「凡勞苦擔重擔的人,可以到我這裡來,我就使你們得安息。」(太十一28)
我以前誤解了這經文,我以為信耶穌沒有勞苦重擔要擔,現在,我明白到,信耶穌原來是不會免掉我們要擔當的勞苦重擔的,但神的應許,神的話語,和神講的真理真的能使我在勞苦重擔時得安息!得平安 ! 我靈得安穩!我靈得 满足! It is well with my soul.