家庭理財 今日: 8|主題: 46199

肥嘟媽 寫道:
寶盈啦！我住梗寶盈，管理公司辦得非常好，又近地鐵站，四年樓，私人參建，有個細泳池，又有健身器材借用，又有燒烤場（租爐要錢），七年內仍可看到河景，如果五六座高層，應可永享無敵海景
你是否綠表，如係先抵，因為白表中型單位補地價都要成七十多萬，二百幾萬不如買隔離將廣，將中好過

肥嘟媽 寫道:
我係2座，寶盈真係好正，空氣好，尤其是夜晚，好舒服，將來建好海濱長廊會更好
不過我賣左囉，九月底搬離寶盈，真係有點唔捨得

肥嘟媽 寫道:
我開盤第一日就賣出左，早知再開高D價啦！
不過都算安慰，暫時同面積都係得一個單位貴過我地
仲有兩星期就搬走，真係唔捨得
但無計啦，平時囡囡比住係沙田的奶奶揍，假期先接回來住，平日放工就上沙田，晚晚返到屋企都成十一點，間屋似酒店多過似屋企，所以決定搬入沙田，夜晚接返囡囡回家過夜

肥嘟媽 寫道:
唔係呀，我個係C單位，可能向正南，又是高層，望河望海
講開真係唔捨得個境，不過成日同自己講，第日夢幻之城起左，只望到個近海，隔離個30層高住宅起左，就見唔到條河來安慰自己囉
真是有點阿Q精神

肥嘟媽 寫道:
唔係呀，循道隔離肯定係，而我地隔離個site有部份是社區設施，但更大部份是住宅呀，雖然我住高過30樓，遠境不影響，但始終樓群都會遮住近境，條河...........bye bye囉

肥嘟媽 寫道:
咪日日望落泳池睇野囉，睇下有無俊男都好呀， 不過講落，住左寶盈四年多，都未游過水，只係用過健身設備同個燒烤場，蝕水

肥嘟媽 寫道:
原來大家情況差不多，每日都這樣來來往往真係好累
其實我們搬離將軍澳的另一原因是小學及中學校網，好學校不多，相對競爭又大，還是沙田好一點，不過我都是聽別人說，我不熟沙田區學校
你個小朋友幾大呀?我個囡囡讀K2，K1開始已在沙田區讀幼稚園