家事百科

收藏本版
發帖
返回列表
跳至頁

首頁
1

尾頁
   0
琬晴B


大宅

積分: 2279


發表於 11-8-2 18:37 |顯示全部帖子
呢個裝修師傅(判頭)是我們第三次用的,之前兩次都算ok,雖然有甩漏,但起碼提左一兩次,都會做番,跟番,亦會提醒我們何時訂材料送材料.

今次第三次合作...唉,我老公幾乎每次同佢傾電話,都嬲到想講粗口(我老公是不說粗口的人,可想而知有幾嬲!)
做錯做漏,提左五次六次都無用;傾好點做廚櫃,要一個星期先俾到幅圖(而且沒有內櫳間隔的尺村,只得外觀!!) 叫我老公送地磚去,然後又話地磚阻住師傅做野. 佢同其他師傅沒有溝通, 好幾天才來睇一次site ,無師傅開工佢都唔知, 要我地打電話問點解無人開工,佢先至叫人開工.

原本叫佢6月底交場,佢話:"你們不是說7月底嗎?" (好彩我地今次不是樓換樓, 否則真是瞓街!!) 7月底時,佢同我地講, 8月4日一定交到場. 好, 又信多佢一次. 結果,尋晚(8月1日)去睇,真係嬲到震!!!!全屋牆身仲係一撻撻(應該係批緊灰,但未批完),廚櫃裝左大部份 ,座廁/sink盤/水喉未裝, 我即刻同老公講:"我唔會信8月4日佢會交到場, 如果佢交到場, 我仲驚(擔心)!!!" 我老公即刻打俾佢, 佢似乎唔知泥水師傅沒有開工(因今天其中一個廁所要裝浴屏,但裝浴屏的位置仲有d手尾未跟.)

最新消息:今天安裝浴屏的人到達後, 通知我老公說暫時不適宜安裝,因為現場太沙塵滾滾, 裝左只是整到污糟晒.

總之,今次真係非常非常失望,極度不滿意佢呢種"非專業"態度!!!!!
私人傳訊

estherxx


禁止訪問

積分: 7595

好媽媽勳章 醒目開學勳章 畀面勳章


發表於 11-8-2 19:04 |顯示全部帖子

回覆：琬晴B 的帖子

提示: 作者被禁止或刪除 內容自動屏蔽
私人傳訊

歌莉亞


伯爵府

積分: 17099


發表於 11-8-2 22:06 |顯示全部帖子
回覆 estherxx 的帖子

你無同佢簽合約咩，無明寫明幾時交貨?
私人傳訊

琬晴B


大宅

積分: 2279


發表於 11-8-3 14:33 |顯示全部帖子
因為第三次合作,沒有簽合約. (我都有話我老公, 一開始就應該楂正黎做,唔好俾佢恃熟賣熟.淨係5月出左一張invoice之後,就無再出過.)

佢前日仲同我老公話廚櫃做貴左(我們要求用Blum的配件),所以要再俾錢. 我問老公:"咁佢有無invoice?" 我老公話無. 我就話:"等佢出invoice,列明所有野先算啦." 因為前後已經俾左差不多20萬, 依家要我地俾錢, 隨時等於出埋尾數俾佢. 所以,佢一日唔交場, 一日唔出invoice, 我一蚊都唔會再俾佢!!!

尋晚(8月2日)再入去,牆身8成批平,仍未油油.座廁水龍頭未裝,現場依然一片凌亂(唔怪得裝浴屏既人話唔裝啦!!). 廚櫃有個地方尺寸唔啱,放唔到雪櫃(差一吋,我地尋晚發現). 7月底話8月4日可以交場???!!! 連我都想媽叉佢....@@#$%^^&**^#$ 好嬲!!!!

私人傳訊

KAYAYI


大宅

積分: 3515


發表於 11-8-3 17:11 |顯示全部帖子
因為呢排暑假,好多人裝修,跟本唔夠師傅做野,所以咪咁囉!!
私人傳訊

yuen1818


水晶宮

積分: 57267

hashtag影視迷勳章 wyeth冷知識勳章 畀面勳章 親子達人勳章 BK Milk勳章


發表於 11-8-3 17:23 |顯示全部帖子
我有多位朋友及親戚都是CF: 所以我都有同其他BK媽咪講, 署假是旺季 (超旺), 要早早計劃定! 最好是10-11月做, 連同裝修價錢都會平D! 不要在農曆新年前及x'mas做, 價錢會貴呀!!

我想你的判頭實在太忙, 所以有類似情況! 但相信再多三四日會完工的!
私人傳訊

琬晴B


大宅

積分: 2279


發表於 11-8-4 15:50 |顯示全部帖子
多謝你們的安慰!!

我地合作左三次,三次都係暑假期間,但今次真係好 le hea!! (樓梯位牆身要油埋, 提左佢五六次, 都係無做野. 我同老公講:"見到油漆師傅, 自己直接同佢講好過." 我地買電子鎖, 佢又話木工師傅唔識; 用Blum廚櫃配件(IKEA用緊果隻),佢又係咁講. -->我地直接同木工師傅, 木工師傅雖然未做過,但佢肯學肯試.)

其實五月上旬已經開工,六月因為樓下小朋友要考試,所以我地叫判頭停工一星期(開工前已一早同佢講,叫佢預時間, 在"暫時停工"之前,先做好鑿牆/拆地板/水喉之類的工程.) 點之,佢一開始已經嘆慢板. 六月份停工一星期之後, 跟住足足有8日沒有人開工 (即前後15日!!!), 我地每日都打電話去追問, 點解無人開工. 追親佢, 就發脾氣, 話自己有情緒病.(我都唔知真定假,但佢咁講,真係好唔專業!!!)

8月8日會有部份傢俬送來,包括小朋友的組合床. 我老公同判頭講,叫佢先搞好兩間房的油漆; 我話有無搞錯, 點解你會咁同佢講(妥協)??!! 交住兩間房俾我地放傢具(得兩間房,佢肯定唔會搵阿姐來抹乾淨啦!!),同時間,其他廳房/廚廁及樓梯繼續沙塵滾滾??!!

我的小朋友8月中就要返學(我地是搬去另一區), 真係俾佢玩謝!!!

依家呻左,舒服少少!!(但仲係好惆悵.....)
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見