烹飪搵食 今日: 1|主題: 138976

上次出完左，沙煲焗多寶魚，蘿蔔糕，成半年無出新餸，有媽咪早陣子問有沒有新介紹，我想了一下，由於今晚有朋友來食飯，所以就早兩日買定腩肉，近年 靚燒腩 要成 八九十 蚊斤，今次就教大家做 “大力-燒肉”，每斤可以慳反 60蚊 (帳面)。

各位去片：

材料 ：豬腩肉 2 斤 (冰鮮己可以約 32蚊斤或新鮮，以中間有一層層肥瘦，以瘦肉多為覩，人少就一斤鬆 D )

五香粉 適量

粗鹽 蓋面

幼鹽 (落去 Yip 豬腩，用少少幼鹽已可，因五香粉己咸咸地)

蘋果 或 洋葱

工具 ： 焗爐 (這對沒焗爐家庭比較麻繁，查實焗爐可做好多餸菜，細個衹是三數百元，而做兩次燒腩己歸本。焗爐約 16 寸闊，最大 250 度)

插一個 (可以係冰插或家品雜貨店插約 $5 - 10)

查實這燒肉人多食飯做就最好，因為工夫少，祗用焗爐，唔會左住爐頭，如果大家有朋友多吃飯，煮開菜都知道，開飯前半小時，爐頭一定唔夠用，但這菜祗凍一下，拿出切件便可！新焗出來的燒肉由於熱辣辣 + 皮又鬆卜卜多肉汁，會令令人覺得比外邊食到，更好味更新鮮！

-----------------------------------------------------------------------------------------------

先去街市買件豬腩肉約 2 斤，以中間有一層層肥瘦，以瘦肉多為覩，人少就一斤鬆 D，今次係做左手面約一斤12兩，沒有排骨 (右面有排骨要焗多20 分鍾)

我是買冰鮮豬腩肉，約 28 - 30 一斤，在街市好多人圍住好長豬肉檯或開放式凍櫃，多數係冰鮮！

洗淨，在腩肉搽上五香粉 及幼鹽 "適量" 落鹽唔好太重手，不要太多幼鹽，否則會咸，尤其件肉唔太厚！

乾後用插把腩肉皮插花，不要太深，插入去少少便可 (1 -2 MM)，太深插到出晒油，皮就唔脆，但一定要多同密 D ！