想生BB 今日: 17|主題: 109047

收藏本版

發帖

返回列表

跳至頁

查看: 1296 | 回覆: 4

想同大家分享小產後與醫生的一段對話

sofayefung

大宅

積分: 4828

發表於 05-9-22 23:19 |顯示全部帖子

想同大家分享小產後與醫生的一段對話

見咁多姊妹都為曾經小產而擔心,所以想同大家分享一段與醫生的對話,希望可以令大家安心一D。

今年中我都曾經小產,四週幾見紅,之後要食安胎药同訓床,但可惜到五週幾証實小產,要入院做手術,一星期後返醫生度覆診,以下係當時同醫生的對話(濃縮版)

E(醫生): 仲有無流血?
M(我): 無啦,手術後第二日已經無再流。
E:個日手術我只是同你吸宮,冇刮宮。已經食曬安胎葯同訓床都保唔住,就真係無辨法,BB本身唔健康,勉強留低都無用。基本上每一個孕婦都有廿幾個%機會小產,但一次小產,唔代表下一次小產的機會會增加,下一次小產的機會仍然係廿幾%,除非你禁唔好彩連續三次,咁就係慣性流產,小產的機會就會大咗。但從另一個角度睇,每次懷孕的成功率都有七十幾%,比小產機會大三倍,咁點解唔試呢!
M:咁我幾時會來返period? 幾時才可以再懷孕?
E

eriod大約五至七星期會再來,因為卵巢同子宮都要重頭開始運作。至於再懷孕,唔洗咁心急,而家好多人都成四十歲先生第一胎,而家D人比較遲婚,所以懷孕都比較遲,一個女性大約五十歲先收經,重有大把時間,你而家先得三十幾歲,洗乜咁心急,慢慢來啦。如無意外,三次period後再返來見我啦。
M:哦,知道。
E:仲有,幫我記低呢三個月period的時間,排卵的時間,留意留量,下次覆診時帶埋比我睇。另外,如果屋企人想整保品你食,再過多一星期先啦,暫時都唔好保住。至於性生活,最好等第一次period之後,但其實两星期之後都可以嘅。

四星期之後,我來返第一次period,量比以前多少少,但算正常。現在一切安好,等多两次period就可以覆診,之後就再黎過,總之一切順期自然,除遇而安啦。
:-P

私人傳訊