吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 寫比老公既一封信!!(唔知比唔比佢睇好,有冇需要修改??) ...

心聲留言今日: 0|主題: 17311

收藏本版

發帖

返回列表

跳至頁

查看: 2349 | 回覆: 30

寫比老公既一封信!!(唔知比唔比佢睇好,有冇需要修改??) [複製鏈接]

思思Kelly

別墅

積分: 749

1^#

發表於 05-9-29 17:59 |只看該作者

寫比老公既一封信!!(唔知比唔比佢睇好,有冇需要修改??)

老公：

　　如你同意既話應該係最後一次叫你做老公啦！

　　我已經決定左分開！致於離唔離婚，其實我都無所謂，因為事實上我唔想行到呢一個地步，但次次你都令到我非常唔開心、非常傷心同難過！例：１）我發脾氣你係唔會【乙水】番我，人地做男朋友既都會【乙水】女朋友啦，但反而你做老公既唔會！　２）經常做Ｄ我唔鐘意你做既野，睇鹹書、鹹碟等等！我真係好唔鐘意...　３）又唔理我感受喎！

　　之前問你如果冇個仔既話你仲會唔會同我一齊，但你答案係唔知同唔會，咁係咪姐係已經唔想同我一齊啦??仲有，點解你寧願睇鹹書都唔會掂我??點解唔會主動掂我??係對我冇興趣定係點??點解我出街著到靚一靚咁出去你都唔滿足唔滿意??我知我自己唔係著得唔好睇唔靚囉！！

　　其實我初初同你一齊夠景有冇做錯到我真係唔知，亦唔想再去諗！我淨係知你同初初有好大分別！你初初真係好好，對我好好，好錫我，就算你個樣唔係靚我都同你一齊，之前有好多好多男仔追我都追我唔到，但你一追就追到我係因為我果時想拍拖，好想試下比人錫既感覺，拍左半個月之後我先開始鐘意你，到而家都一樣冇變過，我為左你做左好多野，包括人生最大既兩件事，結婚同生仔，就算幾咁辛苦我都覺得開心，因為係為你而做既！！

　　講真果句我真係唔想行到要離婚果步，但係係你迫到我咁，就係因為你唔【乙水】我令到我好唔開心而鬧交，雖然你可能覺得係小事，但我覺得好大件事...

　　但如果你想離婚既就等有錢先啦！因為離婚要成４千蚊到，跟著你就可以搵個個比我好好多既女仔，身材好、皮脾好...

私人傳訊

學姬公主

子爵府

積分: 11157

2^#

發表於 05-9-29 18:54 |只看該作者

Re: 寫比老公既一封信!!(唔知比唔比佢睇好,有冇需要修改??)

sorry, 算我坦白講呀....

就算唔計錯別字, 其實我如果係個男人既話, 睇完都唔會有咩感覺, 講真, 你同老公講離婚, 係認真定試下佢緊唔緊你先? 作為旁觀者既我, 我見到你寫某d野, 我都有少少反感, 尤其是 "就算你個樣唔係靚我都同你一齊，之前有好多好多男仔追我都追我唔到，但你一追就追到我係因為我果時想拍拖，好想試下比人錫既感覺，拍左半個月之後我先開始鐘意你"........ 呢d野仲提黎做咩? 好似有少少要攞彩既感覺, 定係想男人唸"呀, 係喎, 想當年真係難為你, 好彩你肯要我咋" 甘呀??

仲有呀, 其實我又覺得好多男人都唔識哄人既, 就算一個男人好識哄人, 有一日佢地都會覺得倦, 你試下唸, 如果一個人成日發你脾氣, 要你哄, 你真係擔保唔會有一日覺得好倦??

再者, 你話你好唔鍾意佢睇鹹書、鹹碟, 可能佢都好唔鍾意你成日發脾氣而你又偏偏成日發呢??

兩公婆相處要互相遷就, 係你封信入面我覺得其實你都幾細路女脾氣, 不如大家試下坐低傾下雙方有咩問題仲好啦.

私人傳訊

Alanhoky

大宅

積分: 1507

3^#

發表於 05-9-29 19:21 |只看該作者

Re: 寫比老公既一封信!!(唔知比唔比佢睇好,有冇需要修改??)

妳地結左婚几耐呀 ?
妳地D嘢好似係一般老夫老妻常見嘅嘢.

比佢睇都好. 吾係寫嚟做乜?

不过删晒D話要離婚嘅嘢.

呢D嘢吾好日提. 有仔女啦.

Alan

私人傳訊

思思Kelly

別墅

積分: 749

4^#

發表於 05-9-29 19:42 |只看該作者

Re: 寫比老公既一封信!!(唔知比唔比佢睇好,有冇需要修改??)

Alanhoky：
我地結左婚一年，拍拖一年都未夠就結婚...

私人傳訊

lilywl

男爵府

積分: 5083

5^#

發表於 05-9-29 19:52 |只看該作者

Re: 寫比老公既一封信!!(唔知比唔比佢睇好,有冇需要修改??)

信中錯別字好多~
我覺得係一d唔係咁嚴重既事,咁都話要離婚,
覺得係細路仔玩泥沙!
仲有你既出發點全部都係為自己,自私!
完全無諗過你個仔同埋老公既感受!

要講有好多野講,不過唔想哂氣,
因為你寫D野之前POST過好多次,
其他人都俾左好多意見你,但係你都唔化既~!!!

[size=x-small]囡囡出世~重

私人傳訊

高齡媽媽

伯爵府

積分: 18684

6^#

發表於 05-9-29 20:36 |只看該作者

Re: 寫比老公既一封信!!(唔知比唔比佢睇好,有冇需要修改??)

都係宣諸於口好點。不寫也吧！

私人傳訊

思思Kelly

別墅

積分: 749

7^#

發表於 05-9-29 22:02 |只看該作者

Re: 寫比老公既一封信!!(唔知比唔比佢睇好,有冇需要修改??)

lilywl：
HI!你好呀，之前係旺角飲茶我坐係你格黎嫁！
其實係你地眼中係好小既事，但信中只係好小好小部份，仲有好多其他野，係由我地拍拖開始到而家，第三者係冇辦法理解！！

私人傳訊

S.B.N.

男爵府

積分: 7789

2018復活節勳章開心吸收勳章親子王國15週年勳章

8^#

發表於 05-9-29 23:02 |只看該作者

Re: 寫比老公既一封信!!(唔知比唔比佢睇好,有冇需要修改??)

我覺得你因為咁小事而話唔想同你老公一齊, 你都唔係好愛你老公姐, 你話一路都有問題, 咁點解你要結婚呀, 我都好唔like我老公好多野, 我都成日會諗唔同佢一齊, 但我知其實我唔會囉, 有時會諗你要人就你, 咁就你果個又叫邊個就佢呀, 個個人都想人鍚架啦, 你封信所提及既我諗大部份人都有呢d不滿, 咁如果個個都話離婚, 咁仲成世界既, 如果你真係想同你老公講你既不滿, 係可以, 我都贊成你講, 但唔好用呢d口吻囉, 我唔知你老公係咩類型, 但斷估都唔係鍾意你將離婚掛在口邊的, 開心d同佢講, 你想佢"乙水"你, 你先"乙水"佢先, 你想同佢親熱, 咪試下做主動囉, 兩公婆, 唔駛怕羞喎, 你老公唔like係著衫好睇, 可能佢就係驚你正得滯, 比人撬左去呢, 慢慢傾啦, 做得成夫妻都係一種緣份, 你當初嫁佢, 梗有一樣野你覺得佢係好架. 係咪?

私人傳訊

onon1022

子爵府

積分: 12519

好媽媽勳章

9^#

發表於 05-9-30 01:06 |只看該作者

Re: 寫比老公既一封信!!(唔知比唔比佢睇好,有冇需要修改??)

男人未結婚個陣時...可能抱住玩玩下既心態...但係結左婚...生埋仔...加埋工作既壓力...性格會變都唔出奇...因為面對唔同既野...人都會成長...其實有不滿唔開心...可以同佢講...不過唔好係唔係都話離婚呀...男人d野...你係估唔到佢會做咩...如果佢真係話離婚...我諗最後悔個個可能係你...因為你講得無所謂...又話要錢等等...我諗你都未必真係想離婚掛...

[url=http://lilypie.com][img]

私人傳訊

劉口瑞

洋房

積分: 134

10^#

發表於 05-9-30 01:14 |只看該作者

Re: 寫比老公既一封信!!(唔知比唔比佢睇好,有冇需要修改??)

每對愛侶既問題每個人都會覺得外人無法理解架啦！其實咪個個一樣，只係舊瓶新酒而已。

而且，你覺得外人唔明你又問？我都好唔明！

　　　　　沒有原因　為什麼一定要有原因　　　　　　　有人到了七十歲還問原因

私人傳訊

GDC

複式洋房

積分: 467

11^#

發表於 05-9-30 01:16 |只看該作者

Re: 寫比老公既一封信!!(唔知比唔比佢睇好,有冇需要修改??)

愛是含忍、包容的

私人傳訊

lauretta

子爵府

積分: 12985

好媽媽勳章醒目開學勳章睛靈勳章

12^#

發表於 05-9-30 07:42 |只看該作者

Re: 寫比老公既一封信!!(唔知比唔比佢睇好,有冇需要修改??)

思思Kelly,

老實講,我老公都唔會'乙水'我,我老公都鍾意睇咸野,我老公鍾意打機,我老公仲好似大少爺咁,家務永遠唔幫手,食完飯唔執碗,拍拍petpet就入房打機睇電視,脾氣臭到冇人有........etc,但我都冇諗過離婚,因為我都知我都有缺點,而且佢最大既優點係,佢唔會滾,放工就返屋企,就算同朋友happy hour,佢都早早話我知,返到黎又會同我講有咩人去,比到好大安全感我,有人蝦我兩母女,佢一定保護我地,咁你話夫復何求?有時佢上網睇咸野,我都一齊睇,可以增加生活情趣,有時佢打機,我同女女都一齊打,玩下笑下又一日(佢成日笑我低b仔,打機好'渣',而女女當然咁細就唔識打啦,通常女女都亂黎,老公又會捉住佢隻手教佢玩,好有耐性,唔怕我地阻住佢玩),男人睇咸野好正常,10個男人,9個都睇,睇唔代表d咩嫁,佢又唔係去滾,何必唔比佢睇?將佢既缺點縮細,著眼佢既優點,你會開心好多嫁,信都係唔好比佢喇,何必令大家唔開心同鬧交呢?

私人傳訊

思思Kelly

別墅

積分: 749

13^#

發表於 05-9-30 08:52 |只看該作者

Re: 寫比老公既一封信!!(唔知比唔比佢睇好,有冇需要修改??)

我都知係好正常既事，我都好想好似你地咁由得老公睇冇所謂，但我真係過唔到自己果關，我一知道佢睇過咸碟就會好唔開心，因為佢睇係睇得好秘密，其實我有同佢傾過呢個問題，傾既時候我亦有講過我唔介意佢睇，但唔好睇到好似偷食咁...我亦有講過我唔鐘意，但因為我知道我唔比佢睇佢就越想睇，所以都決定左比佢睇！但問題係在於佢睇係好靜雞雞，而家要返工好累同埋左去同９９一齊住佢冇機會睇，所以先冇睇咋，之前佢係幫屋企手做野佢返工返成１１點１２點，佢一起身見我仲訓緊教佢就會偷偷咁開黎睇，點解我會知係因為我有幾次起身唔見佢，但佢Ｄ野仲係道，於是出去搵佢，但結果係比我親眼見到佢睇緊咸碟仲係道咩...我個感覺好似老公同第二個女人做咁...雖然係正常，但我就覺得我呢個老婆係佢身邊有咩用嫁？

私人傳訊

kcpak

水晶宮

積分: 54892

14^#

發表於 05-9-30 09:16 |只看該作者

Re: 寫比老公既一封信!!(唔知比唔比佢睇好,有冇需要修改??)

思思kelly:
你老公同你離婚係遲早既事,,不如快d...唔好寫埋咁多
無謂野比佢啦....

有人話,人一生要找到四個人1) 自己2) 深愛你的人3) 你最深愛的人4) 共你過一生的人在你出世一刻,我一次過找到這四個人

私人傳訊

Alanhoky

大宅

積分: 1507

15^#

發表於 05-9-30 10:32 |只看該作者

Re: 寫比老公既一封信!!(唔知比唔比佢睇好,有冇需要修改??)

思思Kelly 寫道:
Alanhoky：
我地結左婚一年，拍拖一年都未夠就結婚...

咁就要認真D啦
諗諗話妳知.
係呢, 妳老公几大呀?
男人'更年期'都会映响架!

Alan

私人傳訊

Mummy

男爵府

積分: 5872

16^#

發表於 05-9-30 12:01 |只看該作者

Re: 寫比老公既一封信!!(唔知比唔比佢睇好,有冇需要修改??)

完全係耍花槍之作, 完全不足夠理由提出離婚

我imagine到一個情景:
律師: 請問你地兩位點解要離婚?
女: 佢唔tum我囉, 睇4仔囉, 唔同我咩咩囉!
男: (一舊雲) 係囉係囉, 剩係咁之嘛..

美甲達人俱樂部私家BlogHERE

Judy's Nail 美甲相集HERE

Judy's Nail Web PageHERE

私人傳訊

Alanhoky

大宅

積分: 1507

17^#

發表於 05-9-30 12:11 |只看該作者

Re: 寫比老公既一封信!!(唔知比唔比佢睇好,有冇需要修改??)

[quote]
Mummy 寫道:
完全係耍花槍之作, 完全不足夠理由提出離婚

Mummy好叻呀. 一錘定音, 金石良言.
不如諗辦法尋回初恋嘅feeling.
去旅行吖!

Alan

私人傳訊

smartkaka

別墅

積分: 726

18^#

發表於 05-9-30 12:20 |只看該作者

Re: 寫比老公既一封信!!(唔知比唔比佢睇好,有冇需要修改??)

兩位都是未滿21歲之小朋友?
又要老爺奶奶操心.安排你們的居住地方.要營造幸福小家庭.大家勤力工作吧!努力儲錢為未來.

私人傳訊

kisstomilkmilk

複式洋房

積分: 194

19^#

發表於 05-9-30 13:35 |只看該作者

Re: 寫比老公既一封信!!(唔知比唔比佢睇好,有冇需要修改??)

其實睇開d..個人都開心d ...
10個男人9個都睇鹹野架啦..我老公都睇架..開頭我都有唔開心架..但其實人邊有十全十美架...我都有唔好既野佢都接受點解我唔接受佢既唔好呢...兩公婆..一世架....
何況你仲有個細路tim..要為佢諗下架...男人同女人唔同..佢唔識表達佢心諗緊咩..我老公都係架...佢唔哄我架....相反諗下你老公發緊脾氣係咁鬧你又黑面.你會唔會哄佢??
係男人心目中睇鹹野真係好小事...
放開個心la..唔好為左呢d野而搞到離婚啦...

Milk ;-)

私人傳訊

雨霖鈴媽媽

別墅

積分: 894

20^#

發表於 05-9-30 15:23 |只看該作者

Re: 寫比老公既一封信!!(唔知比唔比佢睇好,有冇需要修改??)

可能你結婚唔耐,所以對老公有要求,
但俾多d心機去發掘你老公o既好處啦,
個個男人都係咁架啦,真係唔過份架喎,
正如女人生左仔都錫囝多d,
唔通d老公又話老婆唔愛佢要離婚咩...
就算你真係離左婚,嫁過另一個一定都係咁,
你睇咁多媽咪都話佢地老公係咁就會知,
唔係你一個忍,可能人人都忍緊,只係我地睇化左姐.....