家家公主 發表於 11-9-12 08:37
2年前發現佢有甲狀腺 (高)..果陣15歲
我囡囡係6歲時已驗到甲亢,而且度數好高,醫生話再遲啲發現,囡囡就會死,
最近食極藥都降底唔到度數,下月覆診仲要睇多另外一個專科,
我哋屋企亦冇家族遺傳,
今年已經13歲,咁多年佢都冇怨過自已點解會有哩個病,反而由細到大,會自動自覺戒口,
我覺得樓主應該改變自己心境,唔好太悲觀,
因你嘅態度同睇法好影響囡囡,
因我成日同囡囡講,你比起長期住係醫院嘅小朋友好得多,
多啲鼓勵囡囡,讀書迫唔到,迫得多,只會令到你同囡囡距離更遠,
而且甲亢好影響身體同心情,我囡囡每年P.E考全級包尾,
無端端係學校或出街時嘔,肚痛,暈,又唔曬得,又唔凍得,食嘢食到一半就要去廁所,
最慘就係吞唔到口水,透唔到氣,但我囡囡就冇情緒問題,
你自己都患有甲亢,應該更清楚囡囡苦況,
唔好自怨自艾,績極面對,唔好再比壓力囡囡,你嘅壓力只會令佢病情加深,
你應該比囡囡底線,囡囡未過底線時你都要學識放手,
記住冇嘢比身體健康更重要,加油~~~