自由講場

跳至

首頁
1

尾頁
   0


男爵府

積分: 5774


發表於 11-11-10 22:24 |顯示全部帖子
我個女小三. 平時上課的表現和功課的表現都很好 (功課通常都能自己完成, 包括中英文作文). 她的弱項是數學, 今年都有好大進步, 很多時都能自己完成而沒有錯. 她的老師都稱讚她的課堂或上課表現都很好, 她自己會在課堂上寫筆記. 由於她平是的好表現, 老師都對她有些祈望. 但可惜, 她每次測驗/考試的成績都很不理想.

前兩年她都有同一問題, 但我以為她仲細, 再加上我相信她真是理解她所學過的東西 (因為看她平日做功課/補充練習的質素就知道), 諗住等佢大個D就會有改善. 但經過今次測驗, 我不得不想辦法了.

她學校一直都不派卷的, 如家長要睇, 就要申請回校睇. 我前兩年都沒有申請過, 因為我好嬲個女考得唔好, 我怕我睇完我仲嬲, 所以都係唯有寄望她大個D就會改善. 再加上我覺得學校不派卷給家長, 家長沒機會拿著份卷和小朋友了解一下為何做得不好 (因為就算申請睇卷, 我都不能和亞女一齊睇), 跟本就係為難家長, 所以我有些賭氣.

但今年我知我一定要申請了, 因為今日亞女話我知她的分數, 我覺得她的問題是不懂考試. 過去兩年, 她的中英文分數都是80尾/90頭. 我相信都係不小心. 今次中文87分, 問她錯甚麼, 都是不供詞填充或寫錯字, 還有一兩提閱讀理解. 其他作句, 重組句子...等都全對. 但英文只有80分, 我問她錯甚麼, 她說第一部份的問題她全部答對, 而且文法全對, 但老師要short answer, 而她答的全是full sentence. 老師和她對卷時話比佢知她的答案是全對的, 但可惜不是modern answer, 所以一分都攞唔到. 我問亞女同班有冇其他同學好似咁, 佢話冇得佢一個 (我估全級得佢一個係咁). 我問個女明唔明乜野係short answer, 佢話佢明, 只係做卷時冇留意要short answer (真係五體投地). 依件事我真係覺得好嬲, 不得不做"怪獸家長". 我個女全答對, 但一份鼓勵/安慰分都唔比佢. 我真係唔明而家教育的目的係要個小朋友學習知識, 還是學習考試.

她的強項英文係咁, 常識故然係重災區. 佢常識得74分. 問佢錯乜, 佢話問佢物件的導然效能排序, 由較好排到較差, 佢話佢冇留意, 結果由較差排到較好. (好想死啊)

數學未知分數, 但都不敢有任何祈望.

我個女有個同學, 她和我個女放學係同一個地方補習/托管. 同一個導師教佢地. 她同學測驗/考試成績很好. 但導師話我個女的水平比她的同學高, 平時那個同學做功課/溫習都不太好, 考完試她乜都唔記得哂, 第二次測驗又要由頭溫過. 但我個女學識之後就會記住, 以後識得學以致用, 所以導師都"鄧"我個女唔抵.

今晚我同老公商量, 既然我地比唔起國際學校學費, 就真係要諗辦法解決考試問題. 我平時都有比補充練習個女做, 語文方面由於係佢強項, 所以我會比D深D既補充佢做, 佢都做得唔錯. 操補充都操到"利"哂, 但考試都係唔理想, 所以想睇下有冇其他辦法幫到佢. 又或者有冇過來人, 可以指教一下.







子爵府

積分: 13007


發表於 11-11-10 22:37 |顯示全部帖子
我只可講一句, 提阿女睇題目做卷 ...
特別係大題目, 睇淸睇楚先做.


男爵府

積分: 5774


發表於 11-11-10 22:48 |顯示全部帖子
本帖最後由 yuenwa 於 11-11-10 22:49 編輯

每次測驗考試, 返到學校問口, 我都提佢, 今日既中心思想係"睇清楚題目問乜先做", 但都.....


大宅

積分: 3483

畀面勳章


發表於 11-11-10 23:11 |顯示全部帖子

回覆 回覆:yuenwa的帖子

我個囡的情况跟你個案相似,每次測驗或是比補充練習(高一级)他都好快完成及多數全對。但一到考試就明顯分數低於平時二、三十分,我都一直同自己講等他思想成熟些就會改善





男爵府

積分: 8786

環保接龍勳章 畀面勳章


發表於 11-11-11 10:03 |顯示全部帖子
你女是唔小心,其實個個都會的。


男爵府

積分: 5774


發表於 11-11-11 10:19 |顯示全部帖子

回覆 回覆:GiGiMum的帖子

好多謝大家回覆,還以為這貼子已石沉大海。

希望有小朋友讀直資/私小的家長分享一下,這類學校都是著重考試,評分準則都好rigid。




男爵府

積分: 9722

2019新春慶豚圓


發表於 11-11-11 10:22 |顯示全部帖子

回覆:請問坊間有冇訓練小學生考試技巧的課程? 效果如何?

有時可能係小朋友考試時心情太過緊張影響。




子爵府

積分: 10898

BK Milk勳章


發表於 11-11-11 10:22 |顯示全部帖子
只係唔小心啫, 唔關答題技巧事WOR!


男爵府

積分: 6911

魅力公主 好媽媽勳章 醒目開學勳章 畀面勳章 環保接龍勳章


發表於 11-11-11 11:16 |顯示全部帖子
OK 喎, 佢唔係差, 只不過唔係佢哋個model answer.
親子王國已刪除閣下簽名檔內容,煩請自行檢視,頭像,頭銜,暱稱,如帶有廣告或宣傳推介成份,應立即修改或刪除,否則可被封鎖戶口,謝謝合作


侯爵府

積分: 20246

2019新春慶豚圓 2019勳章


發表於 11-11-11 11:57 |顯示全部帖子
我反而覺得唔小心錯好慘呀!!! 又唔係唔識. 我覺得影響小朋友既信心羅--> 識晒都錯D無聊野, 咁邊有心幾做呢.


..... 我覺得考試/做測試係有SKILL架. 雖然我女尚小, 但由開始做功課果日開始, 我教佢要圈 Key words, 特別係數學既文字題. 咁就無咁容易睇錯. 中文就多D要佢讀題目, underline 重要既字.


再大D, 就要教time management, 自己諗定每部分用幾多時候做, 唔好後面無晒時間.

可以問下小朋友測驗時, 是否好緊張? 有可能心理因素.


侯爵府

積分: 20246

2019新春慶豚圓 2019勳章


發表於 11-11-11 12:08 |顯示全部帖子
我女有次worksheet 做錯晒, ZERO! 因為個答案方式唔係老師指定既句法. 阿女識睇題目, 知道老師要既句法, 知道老師要咩. 但係因為一向睇書都唔係果個句法, 覺得唔岩, 死都唔肯寫"Model answer". (D美式/英式英文. 我唔評論邊個岩, 因為比分果個一定係莊, 大D.) 咁我只好同女講, 哩個係指令問題, 老師講你就要做架, 無點解. 我諗阿女係有D唔甘心, 所以每次測驗都要提佢"做老師既答案".


禁止訪問

積分: 102649


發表於 11-11-11 13:00 |顯示全部帖子
提示: 作者被禁止或刪除 內容自動屏蔽


禁止訪問

積分: 9502

2019新春慶豚圓 2019勳章


發表於 11-11-11 13:08 |顯示全部帖子
提示: 作者被禁止或刪除 內容自動屏蔽


男爵府

積分: 5774


發表於 11-11-11 14:12 |顯示全部帖子

回覆 回覆:LoveFamily的帖子

好多謝各位意見及安慰。我今次都冇丙個女,仲諗住獎勵下佢。

只是纏擾我的是,究竟亞女仲適唔適合係傳統津校讀書?佢好似學極都唔識考試依個遊戲,好努力玩,但次次都輸。最弊係每次成績唔想,老師就打比我"娥"我,但冇意見/方法幫我個女。而家我個因為成績唔理想,學校唔當佢拔尖,但又唔差個批,更加冇補底,兩頭唔到岸。




首頁
1

尾頁

跳至