本帖最後由 rose-mag 於 11-11-30 12:22 編輯
cookingmama88 發表於 11-11-30 09:05
回覆 rose-mag 的帖子
阿仔啲lunch一定係三文治,由Grade 5開始自己pack,老公帶飯,當然係晚餐剩餸,我會 ...
咁肯食生果都Okay啦,如果唔食瓜菜唔食生果就幣啦,我同事個女唔食任何綠色嘢同瓜菜,但會食babyfood果D,所以我同事去到個女六七歲都仲買babyfood。
我個仔都係半個鬼仔,鍾意食pizza、熱狗,至愛salami、mushroom,但佢會食麵,每個星期都有一餐用暖壺帶整熱嘅麵或意粉,三文治pizza熱狗會切到細細份,我個女preschool有午餐包埋,中西都有,校長有時會買炒麵、漢堡包、chicken nuggets,叫做樣樣俾佢地試吓。
我果兩個好得意,鍾意食瓜菜生果,唔鍾意食肉,除非煮到好淋切到好細,唔係唔肯食或者趙完吐渣,海鮮唔多鍾意食,而且我都少俾佢地食除咗魚,佢地又勁鍾意食魚,識得吐骨,當然我會揀完至俾佢地。個仔同個女口味都唔同,個仔似爸爸,食美式嘢多,個女就較like中式食物,太甜嘅嘢佢地唔鍾意,佢地同我老公都咀尖,唔鍾意食會唔食,所以有時整到佢地滿意都係一個挑戰,好似考試咁。
我都係醃D簡單嘢,好似青瓜、蘿蔔、黃芽白等,至於涼拌或小食就通常係拍青瓜(不過我只係切件唔拍)、焗金菇、雜錦瓜菜絲等,新年我會包角仔,平日都耐唔耐包吓水餃雲吞。
花旗太太生活在花旗國,留意時差,你問我未必即時答到。