其實，我都幾鍾意「專題研習」架，
可能自己以前專業呢科，
所以好期待同囝囝一齊做專題。
以前好多人話，專題研習即是叫家長做，
其實我唔認同。
有些朋友的親子美勞作品，全都自己動手做，
根本無同個小朋友一起做，其實係無意思既！
我覺得，創作、題材方面，點都要小朋友參與下，
如果佢唔識諗個開頭，可以自己給一些主題、題材、方向作引導，
一齊諗下可行性，怎樣搜集資料等。
如果以上題材，或是無論甚麼題材，步驟可以是︰
1. 理解主題︰
先和小朋友溝通「關心周圍環境」，
單單諗這句說話，佢會諗到D乜？你又諗到D乜？
爸爸又諗到D乜？家姐又諗到D乜？
例如答案可能係︰小朋友會諗到「保持清潔」
家姐會諗到「愛護花草樹木」、媽媽諗到「有手尾保持家居住得舒服」、
爸爸會諗到「空氣質素」……
2. 訂下探索的範圍︰
可以用以上的範圍，再加一些有趣的內容︰大堂有垃圾分類箱、家居如何保持清潔通爽、環境如何影響我們(人類)的健康……
3. 訂下目錄(先後次序)︰
把想探索的內容分先後次序，一般是「起、承、轉、合」或是「vision, mission, action」等幾個大方向。(當然不是在目錄用這些「起承轉合」或「vision, ...」字眼寫出來)
3.1 「起、承、轉、合」︰通常用於一篇文章，「起」是起源、引言；「承」是文章主旨，帶出重點(「人人愛護環境)；「轉」是峰迴路轉，沒有保護環境而影響了地球一些甚麼？eg:溫室效應、非洲地方乾旱、冰川溶化……影響生態。「合」是總結。
3.2 vision︰提出可看見現有狀況；mission︰我們最終目標是希望……(人人愛護地球)；action︰我們可以做些甚麼行動保護、關心周圍環境？
4. 製定內容︰
假設目錄分4-6個chapter，每個chapter有3-4個主題/小題，例如︰
chapter1:世界原本很美麗(影些自然環境)
chapter2:地球先生病了(在網上下載一些冰川溶化、地面乾旱)或搜集一些統計數字
chapter3:我們可以……(垃圾分類箱、少用冷氣…、少用膠袋、用手帕代替紙巾…循環再用…)拍攝。
chapter4:結語(加番1-2張自然環境的相)。
當然，技術上的問題，如打字、印相，有些可以幫他們做(您係佢秘書，佢係呢個project既主任)，版面點樣放、設計，可以和他們一起做。
雖然，小朋友未必諗到晒以上東西，只要他們諗到其中一些，父母加以引導，或參考書本、網頁，可以「和他們一起」探索，這已經是成功的了。
記著！給他們發表意見、想法、參與，不要否定他們提出的。
但他們想不到時，家長可以給予幾個方向的意見，讓他自己作出決定。
我地大人响公司開會，都唔係個個自己一個諗晒成條橋，都係大家brainstorming咁樣，再左加右減，先至夾到個方案出來。
只要佢有份諗，佢有份參與，到佢present時，就有信心同有把握得多！
希望各位家長，不要怕左「專題研習」，反而趁機教孩子「如何思考」、「如何找資料」、「如何觀察」、「如何訂下範圍」……其實係教曉他們的組織能力。
加油！^^
My child, you hold the whole of my heart in your small hands
發表於 
[img]
返回列表
