吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 想請教"上奶"係點既

母乳餵哺今日: 0|主題: 85693

收藏本版

回覆發帖

返回列表

跳至頁

查看: 2087 | 回覆: 5

想請教"上奶"係點既 [複製鏈接]

Maximum

複式洋房

積分: 303

1^#

發表於 05-10-28 21:18 |只看該作者

想請教"上奶"係點既

我bb已經滿月，但我餵人奶的情況仍然令自己好迷惘。
我頭2個星期泵人奶(隔4-5個鐘/每次2安)加奶粉，因為乳腺塞,bb唔係好肯埋身食，第三個星期因為驚越泵越少，開始埋身餵，只補1-2餐奶粉。但bb每次食好耐，食個幾兩個鐘，然後又唔夠1個鐘又喊，好似食極都唔飽。如是者，我身心疲倦，完全無得休息。埋身餵後我只覺得多左少少奶，唔係好谷(其實由開始到而家都係甘)。

我想請問
1,我是否起初做得唔好，身體適應左唔做甘多奶，而家埋身餵都刺激唔起d奶?
2.bb每次都吮得唔係好大力，但我見到佢吸吮的動作，下巴一下一下甘郁，是否他吮得太細力，刺激唔到大腦製造多d奶？
3.成日聽人奶媽咪講會"上奶"，情況究竟是怎樣？大約幾時先會上奶？
4. 我兩個乳房通常只有早上谷d，bb食完這餐後，時時都會係扁扁的，我成日擔心bb下餐(通常個多小時後)會無咩奶落肚，這是否真的表示我唔夠奶俾bb？我應否俾佢食？定係補奶粉比佢，等隔一餐谷DD先俾佢食？

我其實重有好多問題，我成個人都好混亂，我以前從來唔覺得自己聰明，但起碼唔係好蠢，而家我先發覺自己在餵人奶方面真係一個大蠢才，學極都唔識，我老公重成日擔心我有抑鬱。

我而家只係想攪清楚，如果自己真的不能再造多D奶俾BB，就叫自己面對現實，無謂餓親BB,辛苦BB。

我可能講得好混亂，希望大家明白及賜教。

私人傳訊回覆引用

2fungs

大宅

積分: 1722

2^#

發表於 05-10-29 00:48 |只看該作者

Re: 想請教"上奶"係點既

我諗你最好喂身多d，盡可能唔好補奶粉。

我唔係好識教人點做，但可以講我生bb後的情況你聽:

bb出世頭3天，我住內科不能喂bb，姑娘用杯喂奶粉給他。

bb出世第4天-7天，我開始谷奶，姑娘敎我用手擠奶，及用泵。成1hr先得2oz奶，因仲住內科，唔方便去探bb，每天給他2-3支2oz人奶，其余吃奶分。

第8-10天，我出院，bb留院照黃，我在家pump奶都係每天給2-3支奶(2-3oz/支)　3天bb要用奶樽吃奶粉。即係頭10天我沒有埋身喂bb，只泵少少奶。

之後bb回家，才真正去學習如何喂bb。

我個bb每1-1.5hr就要奶一次，一天喂成十幾次奶，好似吃極都唔飽，仲每次要吃45mins-1hr，成日發老脾用口扯我乳頭，好忟憎，好似冇奶比佢吃咁。

可能好遲先埋身喂人奶，d乳線唔通，好多硬塊，每次邊喂邊按硬塊，好痛，都花了好多天才通晒d乳線，之後就完全冇谷奶情況。

初時我都以為冇奶才會有咁情況發生，但佢吃完我用手擠又有小小奶喎，經過1week觀察，姑娘話bb重量有增長，bb有足夠小便，而冇谷奶原因是bb吃得密，而我每天要追回bb在醫院時吃奶粉的數量3oz x 7次 (21oz/天) 所以跟本未谷奶就要喂bb，但唔係冇奶。bb過了滿月會好點。所以我堅持一直全人奶喂佢，而事實上，頭2個月bb都是1-1.5hrs吃奶，每次都好耐，日夜如是，真係冇得訓，由朝到晚抱住佢都在吃奶。

幸好我老公比我還有信心，佢話媽咪一定會夠奶比bb，唔會冇，哩d係與生俱來的本能。

bb2個月大我才開始泵奶，初時又係4hrs泵得3oz，噴奶反射好小，要泵好耐。但漸漸增至4oz，5oz到現在6oz，10mins搞掂。我bb而家已3.5月大，體重比出生時由初時減了磅，至今已一個double有多。

私人傳訊回覆引用

雲師奶 該用戶已被刪除

3^#

發表於 05-10-29 01:05 |只看該作者

Re: 想請教"上奶"係點既

提示: 作者被禁止或刪除內容自動屏蔽

私人傳訊回覆引用

Maximum

複式洋房

積分: 303

4^#

發表於 05-10-29 15:31 |只看該作者

Re: 想請教"上奶"係點既

看到兩位媽媽的詳盡的分享及鼓勵，真的很感動呀，亦給我釋去很多的疑慮，感激，感激！

如方便的話，再有少少問題想問：
雲的孩子都在跳舞：
bb體重上升得ok，每日都有6-8條濕片，但計唔計大便？佢日日都大便3-4次，但這2日(超過36小時)竟然只有1次大便，會不會有問題？

2fungs：
我記得在法國醫院生完第三日，乳房到似石頭，我要求借電泵，泵左成個鐘，得一層薄薄的液體，但姑娘趕我返房休息，睇都無睇我乳房，第二日我又泵，好辛苦先得1安，再多一日，我又借泵，個姑娘又係無摸過或望過我個乳房，就叫我唔好泵，泵奶是有需要時先泵，如外出，就要泵定俾bb食，我唔知頭唔知路就信左，乳房繼續谷同痛，bb日日有跟醫院餵哺時間埋身吮，但原來咩都吮唔到，到出院時第七日，我朋友探我時話我的乳腺塞哂，周圍好多硬塊。我後來先知醫院姑娘超忙，個個都"耍"我，免得做多d工夫。

我找consultation幫我按摩先通番好多，幾次後，因為太貴，沒有再找她。我自己日日按，通得要死，情況有些進展，但周圍仍有好多硬塊，請問你幾時先按通哂？我驚唔快快處理會有乳腺炎。

我又係見自己乳房軟哂，bb仍然在吮，成日拉出乳頭擠下，又真係有少少乳液流出，你的真實經歷真的幫到我，讓我不用擔心無奶俾bb!

唔知點表達我對兩位媽媽的多謝，總之真的非常感激！

私人傳訊回覆引用

stliu

大宅

積分: 2647

5^#

發表於 05-10-30 22:50 |只看該作者

Re: 想請教"上奶"係點既

Maximum,
如果你唔介意,我可以答你便便的問題,初生bb的大便次數係多d的,到滿月後,就可能減為每天或隔天才一次, 所以你bb的情況也很正常. 你可以用筆記簿略略記下他大小便的情況便可. 我記得初初的個幾月又係餵bb餵得好密,同埋bb好似食極唔飽咁,我又冇晒自己時間,我試過最高記錄係餵左佢一朝, non-stop. 後來睇左本書"超級嬰兒通"(Secrets of the baby whisperer), 佢講到每三個鐘一個循環,包括"食", "活動", "睡覺", "自己時間";實行左後,而家大部份時間都可以跟倒係三個鐘一餐.
前幾天因為在公司實在太忙,所以泵奶時間好少,返到屋企發現右邊乳房的右面硬晒,有些痛,我都好擔心係乳腺炎,我不斷用手按摩. 因為平時bb係採橫抱式餵法,好少食到硬果邊,所以我當晚就用攬球式餵法,說來神奇,佢食左一陣,硬塊就消失,所以我想bb的吸啜的確是解決乳房硬塊的最佳方法.當然,如果已經發炎就應該要看醫生,但是如果是初期的話, 可以試試以bb的下巴抵在硬塊的那邊,因為他吸啜時會"按摩"到硬塊. 這是我親身的體會. 希望對你有幫助.

私人傳訊回覆引用

Maximum

複式洋房

積分: 303

6^#

發表於 05-10-31 00:33 |只看該作者

Re: 想請教"上奶"係點既

當然唔介意啦，重對我有好大的幫助添，我聽日都叫老公買這本書睇睇。你地的分享，真的令我無甘驚青，放鬆左好多。不過今日仍然餵得好辛苦，尋晚半夜4點起身，到9點先停到，因為我同bb都輪流瞓著，唔知佢食左幾多，我叫自己以後半夜都係唔好瞓係度餵。晚上剛剛食完2個鐘，撐左成日既我已累得要死，佢竟然又勁喊，要繼續食。唉!唔知這樣既日子要到幾時先完?????????
God Bless You All!