想生BB

跳至

首頁
1

尾頁
   0


洋房

積分: 118


發表於 05-10-29 01:51 |顯示全部帖子

好驚,但又好想生,唔知點算好

hello:各位會員你地好
我想講自己既事,因為自己都心情都好亂下
我有左bb八個星期,但我心情好亂,因為我有bb既期間食緊減肥丸同我本身有後天哮喘同皮膚病,但本身我自己都落左兩次啦,呢次我係第三次有(今次係意外)其實我自己都好想生呢個bb出黎,當我話左比我家人聽我有左bb,佢地既反應係有d就贊成生,有d就唔贊成..因為驚我食左個d藥會影響bb既身體(我家人話自己有朋友試過係咁,check個時就無事,但生左出黎個bb身體就有d唔同左)....我聽完重緊加亂,所以我好驚生個bb出黎唔健康又累左個bb,又有d朋友同我講會無事,個bb可能生出黎會健健康康呢!但我都三十歲人啦!我知自己唔係有錢人..兩公婆生活重係唔太好,但自己都落過兩次個心真係唔想再落,驚第二時再無得生....自己好想要個bb但又驚個bb出世佢就有事...依家個心真係好亂....家人又不停叫我點又叫我點....搞到自己又想要又想唔要...d無形壓力真係好辛苦....真係好煩
:-( :cry: :cry: :cry: :-|


別墅

積分: 735


發表於 05-10-29 10:49 |顯示全部帖子

Re: 好驚,但又好想生,唔知點算好

我係你我會 請教 e 生, 唔駛 估估 下. 你 有 冇同 丈 夫 相 量 一 下,其 實 你 有 冇諗 過 bingo 3 次, 係上天既安排.
不如你 你 快 D 請教 e 生意見, e 生 意 見係 專 業, 再 作 打算, 我 希 望 你珍 惜 你 既 小寶 貝. 如 果 BB 生 長 得 健 康 我 係 你 我 會要, 家 人 反對 我唔 理 , 最 重 要 係 你 自 己 不如諗下賺 多 $養 大 BB 好過,希望你 開心 D ,


大宅

積分: 2399


發表於 05-10-29 12:14 |顯示全部帖子

Re: 好驚,但又好想生,唔知點算好

我都覺得你應該去醫生到check下同等佢比d意見你,因為佢地先係最專業的,要定唔要佢應該可以幫到你.

但係如果我係你就唔會落囉,因為佢黎得呢個世界就注定佢係你呀,點解要放棄呢 而且錢係可以努力搵架,不如比d心機搵錢等bb出世好過啦.


複式洋房

積分: 203


發表於 05-10-29 16:31 |顯示全部帖子

Re: 好驚,但又好想生,唔知點算好

smallping 寫道:
我都覺得你應該去醫生到check下同等佢比d意見你,因為佢地先係最專業的,要定唔要佢應該可以幫到你.

但係如果我係你就唔會落囉,因為佢黎得呢個世界就注定佢係你呀,點解要放棄呢 而且錢係可以努力搵架,不如比d心機搵錢等bb出世好過啦.


我十分應同, 如果今次真要放棄的話, 你可能會後悔, 可能到你想要時就未必有, 好似呢到好多bk sisters (包括我)好想有bb而付出好多時間, 金錢同感情, 而你反而gum容易想放棄bb

你要好好考慮清楚


大宅

積分: 1626


發表於 05-10-29 16:44 |顯示全部帖子

Re: 好驚,但又好想生,唔知點算好

寶儀,

要啦! 除非您諗住呢一世都唔生既啫(我想要9個月喇—都冇, 31歲喇). 不過, 呢D野係兩公婆既事, 您老公的意向都好緊要, 一定要佢支持呀您先得.

P.S. 其實! 而家醫學咁昌明, 應該CHECK到正唔正常架, 唔放心咁CHECK多兩三次LAW. :wink: :wink: :wink: :wink:


洋房

積分: 118


發表於 05-10-29 19:27 |顯示全部帖子

Re: 好驚,但又好想生,唔知點算好

好多謝咁多位既意見...我決定要個bb...我好同意你地既講法,我自己都會搵多d錢,我老公都叫我生....佢依家都驚我拎重野,因為我絛腰落第一個果時傷左....所以托bb我都會比較辛苦,但我自己會做多d運動,令自己開心d咁生個bb出黎...好多謝你地呀.... 我會努力搵錢 等bb出世後,千7都要佢健健康康...嘻嘻....原來真係唔開心....咁樣黎同大家傾下計真係舒緩到心情之外..諗既野都唔轉到牛角尖架....我會聽你地意見...我下星期會睇醫生check架啦....
你地係唔係個個都已經有左精靈既bb架啦 :-P


子爵府

積分: 10929


發表於 05-10-29 23:08 |顯示全部帖子

Re: 好驚,但又好想生,唔知點算好

你要加油, 不過萬事要同醫生好好商量, 盡量將你既情況, 曾服用藥物既資料比油醫生. 我地會支持你ga!!! 努力~

首頁
1

尾頁

跳至