想生BB

跳至

首頁

尾頁
   0


子爵府

積分: 10929


發表於 05-10-29 10:41 |顯示全部帖子

終於見到小b啦~

尋日真係好感動, 第一次好肯定咁知道小b係我體內成長緊, 見到心跳, 真係眼匡有淚光, 真正感受到生命既神奇. 自己都知未來仲有好多難關, 好多野未必控制到, 不過呢一刻真係好感動.
:cry: :lol: :cry: :lol: :cry: :lol: :cry:


男爵府

積分: 5206


發表於 05-10-29 10:44 |顯示全部帖子

Re: 終於見到小b啦~

聽到你所講的, 真係好感動!! 我都好想可以快d輪到我, 我會努力!!!


男爵府

積分: 5241


發表於 05-10-29 10:58 |顯示全部帖子

Re: 終於見到小b啦~

好感動0既一刻~~~
生命0既奧妙~~~
    


男爵府

積分: 8012


發表於 05-10-29 11:00 |顯示全部帖子

Re: 終於見到小b啦~

這就是開心的地方, 遲d bb踢你, 你會仲開心 ~ 男人是感受不到的

Don't worry!Be happy!


複式洋房

積分: 200


發表於 05-10-29 11:38 |顯示全部帖子

Re: 終於見到小b啦~

ronni :

我imagine 到你的感動呀, 個種bb同母親相連的感覺, 你實熱淚盈腔, 開心暖意在心頭! 我祝妳生個健康精靈的bb,
而我地尚未bingo 既sister 早生貴子, yeah!!!


大宅

積分: 2399


發表於 05-10-29 12:05 |顯示全部帖子

Re: 終於見到小b啦~

恭喜你啦 唔好咁擔心啦,記住要保持心情愉快呀 :mrgreen: 咁樣先可以生個快樂小b的.重有好多野都係順其自然,因為一齊都係命中注定左,要改都未必可以做到啦.只要每日用愉快的心情去面對就得架啦.


大宅

積分: 2572


發表於 05-10-29 15:25 |顯示全部帖子

Re: 終於見到小b啦~

RONNI,

恭喜你呀,我今日都覆完診,醫生問我原本係下星期一照,呢家係咪都係想早d睇,我其實係想老公可以陪我去,壯下膽,因為上次係個唔到呢關,所以都好驚,我個老公衰到,乜唔係話下星期一照咩,我話你唔得閒,就你咪改咗,你都知,佢竟然同我講可唔可以早d,因為約了人打波,你話呀,呢d人...邊有良心架,我想佢去係想佢有番個責任心,個人唔單止唔上心,係直情唔care我,anyway,我呢家只要bb健康,我乜都唔理...費時比佢影響我....

跟住醫生同我講今日睇到都係70%,但我照睇,因為呢2日個肚有d m既痛,我真係好膽心,我好肯定係因為我老公而被影響(加上我個人好易蚊),後來醫生同我check,都見到bb既心跳,我真係好開心,相反地我老公冇乜反應,剩係問會唔會因有bb而個朱古力瘤冇,我同佢講,我想朱古力瘤冇係因為驚佢影響我有bb,而呢家成功既話,個朱古力瘤好唔好只係其次,因為我唔係為咗自己健康而有b,而係想有b而有...

anyway,好開心,起碼知道bb既存在,我會繼續小心自己,因為知道呢家唔係剩係為自己咁簡單...ronni,我地都要一齊努力,如果有d咩特別野,記得話我知..等我地可以研究下...


大宅

積分: 2447

畀面勳章 陪月勳章


發表於 05-10-29 15:54 |顯示全部帖子

Re: 終於見到小b啦~

ronni 寫道:
尋日真係好感動, 第一次好肯定咁知道小b係我體內成長緊, 見到心跳, 真係眼匡有淚光, 真正感受到生命既神奇. 自己都知未來仲有好多難關, 好多野未必控制到, 不過呢一刻真係好感動.
:cry: :lol: :cry: :lol: :cry: :lol: :cry:


真係好高興!你要努力,好好照顧他成長!


大宅

積分: 4575


發表於 05-10-29 15:55 |顯示全部帖子

Re: 終於見到小b啦~

RONNI, smilefish ~~

點都好,係這段期間,記得記得休息多 d ,唔好辛勞啦我聽都都好感動呀.......
;-) We Love Because HE First Loved US ;-)               :roll: John I  4:19 :roll:


子爵府

積分: 10929


發表於 05-10-29 17:46 |顯示全部帖子

Re: 終於見到小b啦~

李吳知道 寫道:
聽到你所講的, 真係好感動!! 我都好想可以快d輪到我, 我會努力!!!


你都一定要努力, 今日既艱辛, 日後你同你先生會更珍惜與小b之間的關係, 唔好咁易放棄與屈服!!! 我地大間都要互相支持呀)))


子爵府

積分: 10929


發表於 05-10-29 18:08 |顯示全部帖子

Re: 終於見到小b啦~

smilefish

我今日去左一個講座 (via babykindom登記既), 係我成為媽媽之後第一個聽既講座. 哈哈, 真係好似咩都唔識既我覺得好新鮮, 雖然只係好簡短, 不過都知多左野. 個主題係"如何以音樂 療法開啟腦部功能", 當然內容都係舉出數據或立論支持佢地既product成效, 不過中間知道既野對將來教bb都有些幫助. 其中講到胚胎係8週就開始有聽覺時, 我即刻就好慶幸自己有去聽. 因為每個人都知道胎教係有根據既, 孕婦心情要放鬆, 諗野要開心, 但係又有幾多人做得到呢? 好似自己咁, 到見到心跳個心安d後, 又要擔心之後既test, 佗得穩唔穩, 過唔過到三個月之類, 睇番轉頭, 真係好似杞人憂天左d. 所以聽完個talk之後, 我同我老公講我唔會再擔心完a又擔心b, 咁樣沒完沒了唔會對小b好, 我要時時都開開心心, 如果有咩唔好事發生, 就等發生時才唔開心吧, 沒必要今天擔憂明年事. 只要我做好本份, 比足夠休息小b, 均衡的營養, 睇多d關於懷孕既書籍為小b作好預備, 我諗已經好足夠了.

所以, smilefish, 你都一定要好似你個nickname咁, 做條笑笑魚呀!! 你老公個朱古力瘤問題可能出發點都係關心你, 想你快d好番姐, 唔好諗咁多啦! 如果你個肚一天天大, 佢都依然固我的話, 你就話知佢lu, 專心照顧小b, 第日小b變大b, 佢都會好錫你ga!

至於m痛feel, 我諗都唔驚, 因為我前日都係好有m痛feel, 但痛左2日又無lu, 所以我都唔驚喇, 我估都係妊娠反應姐~~你講得好岩, 今日之後我地做咩,食咩,講咩都唔再係一個人既事, 所以要事事注意!! 一齊努力做6月媽咪丫~~~

你幾時再去覆診? 我約左16/11呀, 嘻嘻, 19/11係我生日, 小b既健康就係我今年最珍貴既生日禮物呢~~


子爵府

積分: 10929


發表於 05-10-29 18:12 |顯示全部帖子

Re: 終於見到小b啦~

哎呀, 本來諗住3個月後整窗簾架, 點知今早呀嫂打比我叫我唔好做任何鑽野 野, 所以可能都要等小b出世後先整囉~~


子爵府

積分: 10652


發表於 05-10-29 18:13 |顯示全部帖子

Re: 終於見到小b啦~

恭喜哂你地呀!聽到都好感動!


子爵府

積分: 10929


發表於 05-10-29 18:33 |顯示全部帖子

Re: 終於見到小b啦~

smilefish

你記住要將自己家族既病(遺傳性)話比醫生知, 好似我咁, 我dad & granddad都係有糖尿病, 所以我要好小心有孕婦糖尿病, 而我本身極愛甜, 所以都要小心點...同埋仲要check地貧呢~~


民房

積分: 12


發表於 05-10-29 20:09 |顯示全部帖子

Re: 終於見到小b啦~

ronni,



大宅

積分: 2572


發表於 05-10-29 22:55 |顯示全部帖子

Re: 終於見到小b啦~

ronni,

你咁快報了呢d啦,係邊度知遁呢d資料架,下次話埋比我聽呀,你講得啱,擔心完一樣又一樣,倒不如放鬆d,呢家我食甜品都係食薑汁撞奶...其餘果汁都灘返熱先飲,因為真係唔知可以飲乜,成日口淡淡...

今日比埋醫生check有黃色既分秘.可能發炎,因為有d痕..

仲有,我想問你醫生有冇話你預產期同比一d信比你證實你懷孕既野,因為我醫生冇點講...


子爵府

積分: 10929


發表於 05-10-29 23:05 |顯示全部帖子

Re: 終於見到小b啦~

哈哈, 因為日日上黎丫嘛, 都係bk既廣告商戶之嘛, 我見免費, 聽多d知多d無壞丫嘛. 黎緊我會報雀巢攪既產前講座(11/dec), 諗住星期一報, 不過唔知仲有冇位. 如果有位我通知你啦~

呢2日我都2飲凍果汁, 因為係街真係無咩choice, 唯有攤陣無咁凍加上係口腔含耐少少先吞囉.

我問左醫生我既預產期係明年既6月22日, 不過都知只係一個虛構日子, 我都未聽過朋友係正預產期個日生...hehe, 今次個醫生係無比信我既, 因為我都無問佢加上我無做野唔駛proof, 除非我諗住排govt hospital, 不過今朝同呀嫂商量過, 又好似無咁既需要咁, 仲諗緊....我估你要主動問醫生拎架, 好似病假紙你唔問都無啦~~

你要好好處理啦, 如果痕都好大機會係發炎, 唔好掉以輕心呀


大宅

積分: 2572


發表於 05-10-29 23:53 |顯示全部帖子

Re: 終於見到小b啦~

其實我想係私家生,但個老公實覺得我驚死,所以實叫我去政府,但我會爭取...因為我有個pacemaker,始終有個危機,所以想開刀生..

醫生取了d分秘,下星期check報告


大宅

積分: 1246

2020勳章


發表於 05-10-30 00:43 |顯示全部帖子

Re: 終於見到小b啦~


子爵府

積分: 10929


發表於 05-10-30 10:19 |顯示全部帖子

Re: 終於見到小b啦~

點解驚死就要係政府呀? 我就係驚死兼怕痛, 所以揀開刀, 因為我好驚半夜突然穿羊水裙甩褲甩咁去醫院, 同埋我老公有時on night shift, 梗家驚囉~

check左報告話我知呀! 小心保重~

首頁

尾頁

跳至