是是但但 寫道:
晴B媽 :
其實我同你有d似。自老公自己開舖後,就一直好忙,沒有陪我,甚至電話都冇個,我打俾佢,佢可以忙到cut 我線。初時,我都成日同佢嘈,常常表現得好唔like!但我越不滿,佢就越反感。後來,我自己想通佐,亦開始自己搵娛樂! 反而e+佢會內疚自己抽唔到時間陪我,雖然都係年中無休咁做,不過,佢偶爾會特登放早少少回家陪我,也會打電話給我,而我亦習慣呢d生活~ 自己有很多空間也樂得清閒。
哈哈~ 我諗很多男人都係咁,你越鬧佢,佢就越反叛! 你越唔理佢,佢反而會緊你多d~~
晴B媽 寫道:
我老公好自我,放假就只做自己喜歡的玩意,打game,砌模型,看vcd,佢好似重意為自己單身,一d家庭觀念都冇,唔理老婆同個女。我之前為左呢樣,成日同佢講,搞到自己好唔開心,老公又覺得自己冇錯冇問題。我其實好想佢陪多d我同個女,關心下我地姐。
不過,我諗通左d野,老公唔識tum我開心,我咪自己tum自己囉,呢個星期,我好開心o甘去扮靚,行街,同個女係屋企玩,一路煮飯一路聽歌,重哼左幾句歌,成個人都輕鬆晒。老公好似發覺左我有d唔同,未煮好飯就開定飯桌,平日佢霸住部電視打game,好勞氣o甘叫極都唔幫手開飯架。我又陰聲細氣同佢講,水喉壞壞地,佢即刻唔睇電視去整好佢。之前,睡房燈泡燒左,我唔夠高換,叫左佢一年先肯換呀........
我當初只係諗自己tum自己,費事同佢嘈,估唔到有意外收獲