自由講場今日: 280|主題: 1299065

收藏本版

發帖

返回列表

跳至頁

查看: 774 | 回覆: 9

粥迷........ 必看 [複製鏈接]

cheungkalooo

複式洋房

積分: 495

1^#

發表於 05-10-30 16:03 |只看該作者

粥迷........ 必看

有人話粥、粉、、飯係中國「四大發明」，當中以粥居於首位，可見粥的重要。不過好粥難求，皆因靚粥底唔易熬，師傅每每清晨便要準備材料，先熬上湯，再落米，熬足好幾個小時先可以煮到綿滑口感。今日介紹的靚粥，每碗均能做到綿、香、滑的口感，尤其當你在秋涼季節吃一口，確實令人有種暖在心頭的滿足感。

生記粥品專家 ---------上環紅到油麻地
地址：油麻地東方街 9 號地下
營業時間： 11:00am - 10:00pm （星期日休息）
出名粥底鮮甜綿滑的上環生記進駐九龍，連蔡瀾試過後，都話味道同上環總店無分別。記者試過佢魚腩粥後，發覺粥底稀稠度恰到好處，入口綿兼香滑，在口細嚼還感受到魚的鮮甜味。問過老闆歐先生，佢話每朝均由上環將粥底運到九龍，難怪粥底依然可以保持住水準。

粥底：用瘦肉、瑤柱、豬骨先熬上湯，再加入泰國香米煲 3 小時。
必食靚粥：蟹粥、魚腩及第粥

妹記生滾粥品 --------手打肉丸勁彈牙
地址：旺角花園街巿政大廈 3 樓
營業時間： 6:30am - 3:30pm （ 11 月 3 日起延長至凌晨 12:30 ）
旺角屹立二十幾年的妹記，除魚腩粥出晒名之外，肉丸粥同鮮魚皮一樣咁好味。佢肉丸以人手打製，除用半肥瘦豬肉外，還加入大頭菜及大地魚，入口非常彈牙兼有質感，加上粥底綿得唔口。老闆蔡先生話佢特別選用舊絲苗米，膠質無咁重，加上早一晚經已開始煲，先可以咁綿。

粥底：梭羅魚、豬骨、薑、陳皮熬上湯，選用舊絲苗米煲 6 小時。
必食靚粥：魚腩牛肉粥、肉丸粥

富記粥品--------- 腐竹熬粥滑又綿
地址：旺角花園街 104 號地下
營業時間： 7:30am - 11:30pm
由手推車賣粥到搬入舖，富記至今經已有五十幾年歷史，佢粥底唔太稠，食落又夠綿滑，老闆何先生秘訣是選用靚腐竹令粥身更滑更綿。除粥出名外，自家炮製的燒鵝同樣出色，當試過佢燒鵝粥後，發覺鵝香混入粥底中，兩者配合得天衣無縫，忍不住大嗌：好味！

粥底：豬骨、蝦子、大地魚乾、瑤柱、腐竹等，選用雙羊米，每朝清晨 3:30 便開始煲。
必食靚粥：燒鵝粥、及第粥

李景粥品專家--------超級艇仔足 6 料
地址：灣仔道 146 號地下
營業時間： 11:00am - 10:00pm
煮粥煮二十幾年的景叔，其創作的鹹雞粥同艇仔粥就最出名，艇仔粥用料十足，淨料都有成 6 ，當中加入火鴨絲，還特別選用海參代替豬皮，粥面還加上大地魚乾，食落份外甘香。

粥底：用鯪魚骨魚肉煮湯，再用魚湯、腐竹、瑤柱、豬骨去煮粥底。
必食靚粥：鹹雞粥、艇仔粥

裕發砂鍋粥麵餐廳 ------- 鯊魚骨粥底夠黏口
地址：荃灣大壩街 71 號地舖
營業時間： 6:30am - 11:00pm
早在美孚已打響名堂的裕發，在荃灣開舖才兩個月，當中採用鯊魚骨做粥底，令粥更黏口。佢砂鍋粥可自選唔同海鮮，上時重熱辣辣。

粥底：鯊魚骨和日本瑤柱，採用絲苗米及雙羊米，凌晨 2:00 便開始預備。
必食靚粥：魚腩帶子蝦粥、黃鱔粥

彌敦粥麵家 ------- 粒粒爆花米香濃
地址：九龍西貢街 11 號
營業時間： 7:30am - 12:00mn
超過 40 年歷史的彌敦粥麵家，夠晒老字號，粥底香濃兼有米香，米粒爆花夠綿，招牌粥是鮑魚粥，有不少遊客捧場。

粥底：魚骨、鹹瘦肉、薑熬湯、再加魚肉、魚皮、腐竹及百搭米等。
必食靚粥：鮑魚雞粥