Re: 你地有冇食五更飯架 ?
happyalice,
我生上一個b都有食呀, 我奶奶教好個閙鐘半夜四點起身煲飯比我食, 要五點鐘食架, 我本來都唔知架, 不過見奶奶瞓到暖苙苙都起身煲比我食, 我都好眼瞓架, 都食曬一碗飯, 因為我個b每三個鐘食一次奶, 有時半夜食左要抱佢先瞓, 一放落床就喊, 又怕佢喊醒老爺奶奶老公, 所以有時抱足兩個鐘, 可能我剛剛瞓返, 我都起身食!
後來問返同事先知, 我唔知有冇記錯, 中醫話每個時段會運行到唔同嘅五臟六腑, 五更時分剛好運行到個胃, 坐月嘅人特別虛, 係五更食d飯落去就可保身! 信唔信由你!
不過係唔係都好, 如果有人咁早都起身煲比你食係褔氣, 唔食都唔好倒左佢, 最多七點起身都食左佢, 我聽過有人唔食不特止, 重要罵煲比你果個人就唔好啦!
日夜做 見爸爸 剛好想呻 卻霎眼 看出他 多了皺紋