意見反饋
義工

少年成長 今日: 3|主題: 14732

12
跳至
查看: 3549 | 回覆: 38
我都好傷心, 好難過, 好內疚.............


子爵府

國民生產總值:12158

2019勳章


發表於 05-10-31 16:05 |顯示全部帖子

我都好傷心, 好難過, 好內疚.............

昨晚打了天天豬, 打了幾十下, 他的小臉同PATPAT都腫了, 想不到他是如此"硬頸", 比我小時候還厲害, 才兩歲多未到三歲就誓不低頭... ... 昨晚僵持了一個多小時, 自問會教仔的我, 自問看了好多書的我, 這次真的用錯方法了.......

他睡著後我喊到豬頭咁, 真係好傷心, 好心痛 , + 好內疚, 明知他不受硬卻同佢鬥硬, 搞到兩敗俱傷. 下次, 我一定不會了, 心里真係好難受, 現在仍平伏不了. 他從前天開始就不停挑戰我, 像變了個人........ :-( :-( :-( :-(
我係天天豬, 爸爸媽媽好愛我呀!


子爵府

國民生產總值:12158

2019勳章


發表於 05-10-31 16:21 |顯示全部帖子

Re: 我都好傷心, 好難過, 好內疚.............

昨天其中一個導火線是功課, 天天好心散, 做幾下就去玩竹蜻蜓......加上之前幾件事, 加上婆婆在電話中激親我, 我個心情變得好差, 於是........ 我都不停擦晒佢d功課要佢重做, 直至做好, 佢就四圍走, 終於要打佢. 其實我心情好時, 有很多其它方法, 例如同佢講 "快d來做啦, 小兔兔會唔開心架, 小魚魚好想你同佢油上顏色衫呀......" 佢一定會受的, 但我就..............我真係發癲..... 我好內疚,

一想起佢昨天哭著說 "媽咪你唔好打我啦, 你做麼要咁歌惡對我呀, 你拉我隻手呀, 我好想你拖住我呀, 你拖住我我就認錯啦......." 我就心都碎了, 為什麼我為了原則一直不肯拖他的小手, 為什麼我不給一個台階他下, 為什麼我如此冷漠, 仲要關上門叫他哭夠才來找我......... 當他在門外抽泣不成聲的說 "我哭夠了, 媽咪開門啦"時, 我仍不滿足, 我以為我好冷靜, 其實我是冷酷無情 , 他說 "媽咪, 我仲係BB呀, 我未大個仔呀, 我係BB呀, 你抱下我啦.............." 我就堅持原則, 我真係CHI線, 我好想打自己呀. IN FACT, 我昨天打左自己好多下呀, 但有咩用, 已傷害左我最心愛個仔仔了........

可是我的孩子, 你為什麼如此硬頸, 明明錯都不肯認呀, 為什麼要講咁多其它野, 就是不肯 說自己錯在哪里呀..........

我係天天豬, 爸爸媽媽好愛我呀!


男爵府

國民生產總值:7701

2019新春慶豚圓 2019勳章


發表於 05-10-31 16:36 |顯示全部帖子

Re: 我都好傷心, 好難過, 好內疚.............

小孩子好善忘的,不要太放在心上.我諗好多父母都試過這情況的,専家話當妳發現自己己不能自製時最好離開一下,先冷静下來再教.
但他還未到三歲,勿要逼他太緊呀!我囡囡35個月,都還未做過功課,妳囝囝好叻


別墅

國民生產總值:603


發表於 05-10-31 16:49 |顯示全部帖子

Re: 我都好傷心, 好難過, 好內疚.............

Joy你好,其實我係一個好少會回應的人(因我打字好屎),但係我時常都會入這裡看看你地,特別係你的發言,因為你在[和小朋友的有趣對話]裡面你同天天豬的對話令我特深刻(又好笑又感動),我知道你一直都好愛天天而且亦係一個好好的媽媽,可能天天在這段時間開始返學,你同他見的事都多左,其實現在你同天天豬都有好多事情要適應比D時間大家,天天豬只係一個兩歲多的小朋友他要適應的時間一定比你多好多,我相信你一定做得到希望你可以同天天好像以前一樣開開心心,不要要求自己做一個完美的媽媽,因為世界上冇人係完美的 !加油呀!Joy,我希望有一天在大埔看見一對母子在街道哈哈大笑這個就是你地


子爵府

國民生產總值:12158

2019勳章


發表於 05-10-31 17:22 |顯示全部帖子

Re: 我都好傷心, 好難過, 好內疚.............

小烏龜, pigmei,
好多謝你地安慰我, 看到我眼濕濕, 好感動..........

小烏龜, 多謝你的祝福!!! 多謝!!!! 我忍不住又哭了......

我昨天真係火遮眼, 大錯特錯, 我以為我可以這一世都唔打佢, 但昨天我失控了. 他睡後, 我一下下打自己塊臉, feel下佢當時有幾痛....... 我發誓, 我一定不再打佢, 佢咁細, 有錯都是我錯, 是我引導錯誤, 將佢引到"企硬"的立場....... 又不俾台階佢落. 我自己錯, 卻由個仔來承受, 我個心真係不能釋懷, 好難受. 天天今朝一睜開眼就問 " 媽咪, 你昨天做麼咁嬲呀?" 他仍是一臉天真, 我卻好怕他小小心靈有陰影.
我今天連返工都冇心機, 佢昨天仲病病, 食緊藥藥....... 我會留起li個topic以做警醒.........
我係天天豬, 爸爸媽媽好愛我呀!


男爵府

國民生產總值:8340

2019新春慶豚圓


發表於 05-10-31 18:46 |顯示全部帖子

Re: 我都好傷心, 好難過, 好內疚.............

天天只得兩歲,佢肯做功課已妳叻仔,你亦不需要給自己壓力,要打都唔好打bb塊臉,睇見你咁講,自己都有


男爵府

國民生產總值:5290

2019勳章 開心吸收勳章 好媽媽勳章


發表於 05-11-1 09:25 |顯示全部帖子

Re: 我都好傷心, 好難過, 好內疚.............

睇怕你都係一面寫,一面喊的了,個心一定好痛了?呢個亦可以當成一個例子,今晚返去再同佢傾番呢件事啦,佢一定明白你架,你都可以同佢講番,媽咪又要返工,又要湊佢...壓力好大,叫佢多聽話呀。
理論歸理論,現場環境都好影響我地的行為架,有時我發好大’紋陣’時,我閉上眼,就會感覺到原來自己好累呀,前一晚太夜訓�睡眠時間不足,都直接影響自己的情緒,可以的話,我就會叫亞女同自己都早些訓,你都多休息啦。 
梁媽媽


子爵府

國民生產總值:12525


發表於 05-11-1 11:11 |顯示全部帖子

Re: 我都好傷心, 好難過, 好內疚.............

間中有係有趣對話讀過天天的妙語, 佢真係好可愛聰明得人鐘意。

睇到妳寫佢哀求妳果d句子真係睇到我眼濕濕, 我都試過好似妳咁架。好似變左惡魔咁, 自以為係教緊佢, 其實係拿佢來出氣。

不過唔好太過自責, 好好錫返佢, 甚至同佢道歉。

一齊加油啦。
您好!由於親子王國及教育王國已禁止用戶於簽名檔內張貼來自其他網站之網誌、facebook群組或相簿等之連結,因此閣下簽名檔內容已被刪除。


子爵府

國民生產總值:12158

2019勳章


發表於 05-11-1 11:54 |顯示全部帖子

Re: 我都好傷心, 好難過, 好內疚.............

多謝各位媽咪支持同安慰我
昨天一下班就飛奔去婆婆家接天天, 在樓下相遇時, 他一如往常飛奔過來, 我也立刻跑過去抱起他, 那一刻實在的感覺就如世界在我懷中, 一切的悲傷都平伏了. 我的天天, 我真的好愛你, 也感受到你對我的愛.
同時, 我為之汗顏. 小孩子真是天真不記仇的, 換做如是老公打罵我, 我想我會恨一輩子. 天天, 媽咪今天在你身上更學會了寬容的心. (也許是小孩子天真善忘, 但多麼可貴. 大人因為太多計較得失, 反而自尋煩惱......)

晚上天天又頑皮, 小便時故意射到廁板上, 吸取昨天教訓, 我輕聲但嚴肅地叫他在門口罰企, 並大聲說 [我周圍小便不對, 我以後不會了]. 晚上睡覺時他突然說 [媽咪, 我今天特登周圍痾取架, 我下次唔會啦.] 看來一切恢復正常了......


再次謝謝各位媽咪. 有你們在這里一起講講教仔經, 真好! thanks!!!
我係天天豬, 爸爸媽媽好愛我呀!


別墅

國民生產總值:955


發表於 05-11-1 12:24 |顯示全部帖子

Re: 我都好傷心, 好難過, 好內疚.............

記著不要被孩子的情緒牽引著自己的情緒, 真係好想發惡時就take a deep breath (由一數到十), 大家努力, 工程很艱巨, 我地一定會完成
知足知不足, 有為有不為


水晶宮

國民生產總值:52917

2019新春慶豚圓 2018復活節勳章 hashtag影視迷勳章 好媽媽勳章 畀面勳章


發表於 05-11-1 15:36 |顯示全部帖子

Re: 我都好傷心, 好難過, 好內疚.............

:-( :-( :-( :-( :-(
I also had the similar experience and was regret afterwards......


大宅

國民生產總值:1431


發表於 05-11-1 16:15 |顯示全部帖子

Re: 我都好傷心, 好難過, 好內疚.............

但有時實在好難控制自己情緒, 教仔實在好攰, 我個仔而家15個月, 有時覺得佢重好細, 唔應該用打, 如有d野唔玩得, 但佢講極唔聽或者佢堅持要玩時, 應該係用其他野引開佢注意, 等佢唔記得之前件事, 但有時實在好激氣, 好想打佢, 到打左佢幾下, 佢喊時我又喊, 真係好辛苦. :-(
明日之<猩> - 卓彥


別墅

國民生產總值:955


發表於 05-11-2 09:46 |顯示全部帖子

Re: 我都好傷心, 好難過, 好內疚.............

尋日寫完呢段嘢, 點知夜晚自己就做唔到!!! :-(

C-PA 寫道:
記著不要被孩子的情緒牽引著自己的情緒, 真係好想發惡時就take a deep breath (由一數到十), 大家努力, 工程很艱巨, 我地一定會完成
知足知不足, 有為有不為


大宅

國民生產總值:3747


發表於 05-11-2 10:43 |顯示全部帖子

Re: 我都好傷心, 好難過, 好內疚.............

不過我覺得依家父母對自己既小朋友要求都好高, 我個仔依家2歲幾, 暫時我都未好認真咁話佢, 但係我一大聲d佢都驚.......遲d返學會唔會好激氣我就唔知喎, 不過我覺得2-4yrs係咪唔應該比咁大壓力佢呢??


子爵府

國民生產總值:12158

2019勳章


發表於 05-11-2 11:13 |顯示全部帖子

Re: 我都好傷心, 好難過, 好內疚.............

嘻嘻, c-pa一起努力啦, 人非聖人, 總會有失手時既.

壓力, 我都認為不要給小朋友太多功課上的壓力. 但一些自理, 自己為自己做既事負責的壓力就要俾. 大石下的小草生長的更加堅韌, 當然塊石不能大到壓水小草啦

我其實不太在意天天的功課是否叻叻, 我希望將這件事轉到他身上, 由他自己去緊張. 但我就好緊張他是否有專注力同責任心. 講真, 我並不想佢長大後好叻, 只想佢一直做個開心又有責任心既人.
我係天天豬, 爸爸媽媽好愛我呀!


大宅

國民生產總值:3747


發表於 05-11-3 09:28 |顯示全部帖子

Re: 我都好傷心, 好難過, 好內疚.............

講時講呀, 我發覺依家d男仔真係冇用過女仔, 好似我有好幾個表弟妹(大約22-25yrs), d表妹返宜會做下暑期工(佢重讀緊書), d表弟中三,四冇讀書冇做野成2年, 最終宜家都係跟住個亞叔做運輸......唉 :-x :-x :-x


子爵府

國民生產總值:11755


發表於 05-11-3 12:23 |顯示全部帖子

Re: 我都好傷心, 好難過, 好內疚.............

看了大家的心得, 很有同感, 我自已也曾試過類似的, 之後很心痛, 很後悔, 很怕傷了小孩的心. 記得有段時間小孩很皮, 同時也發覺原來打是不能解決問題,

小孩曾對我說: 媽媽, 我知我做錯了, 妳打我吧
在小孩心中原來以為做錯了, 讓媽媽打了就可沒事了, 但下次他仍可以皮,

所以我當他面前, 把滕條折斷仍掉了
相關已兩年, 我以為小孩已忘了, 但原來他還記得, 但小孩真的很天真, 他並沒有恨媽媽打他, 他只高興記得媽媽把滕條折斷仍了.

每個人總有失手的時候, 沒關係, 感覺自已做得不好時,
對小孩說聲: 對不起, 媽媽兇了點, 但要解釋讓小孩知道, 為什麼媽媽會這麼兇,

我覺得不要老是把自已小孩跟別的小孩比較, 想想, 自已想要個怎樣的小孩, 我要小孩健康, 快樂, 並不需要他每一科都考一百分
大家一齊努力


子爵府

國民生產總值:12158

2019勳章


發表於 05-11-4 12:05 |顯示全部帖子

Re: 我都好傷心, 好難過, 好內疚.............

只要天天豬健康快樂做個好人就得了, 我真係麼都唔求, 叻唔叻唔緊要, 只要佢一世都健康, 開心. 但佢前晚又哮喘入院了....... 好想同佢對調個氣管呀.......... :-( :-( :-( :-( 天那, 你唔好再玩我地啦.......
我係天天豬, 爸爸媽媽好愛我呀!


子爵府

國民生產總值:11755


發表於 05-11-4 12:27 |顯示全部帖子

Re: 我都好傷心, 好難過, 好內疚.............


子爵府

國民生產總值:11755


發表於 05-11-4 12:29 |顯示全部帖子

Re: 我都好傷心, 好難過, 好內疚.............

Joy

小朋友今日有冇好d啊, 可能轉天氣啊, 要小心. 好快就冇事架了, 放心了


12
跳至
© Baby-Kingdom.com Limited. All rights reserved.