我已和個仔離開o左o個個唔開心的家大約半年,離開前傾過,個衰人又話肯離婚又話個仔跟我,咁我咪諗住一年後雙方同意又傾掂個仔跟我,到時可以自己搞唔洗搵律師o羅!到宜家佢知道我真係好有決心要離婚,佢又話唔同意,又話仔梗係要跟番老豆啦!咁我宜家咪諗住用對方不合理行為o黎單方面申請,因為對方成日無啦拉 or 因小事大發雷霆,好似發顛咁,又會破壞家裡的床,門和電腦枱等等...就係咁令到我同個仔成日都受到精神威脅,日日驚佢唔知幾時又會發顛,又成日郁D就鬧個仔,我o地兩個都好怕佢...當我決定搵律師搞的時候,問題又出現,我問過幾個律師,一個話冇問題記底D日子就得(大約幾多個月前就記得o者,確實邊度記得),一個就話對方的不合理合為唔係好夠,不過都可以入紙先,而最後一個就話,你呢個情況係你o地兩個性格不合,有冇報過警(我冇),有冇比佢打過,我話幾年前試過,不過近年都冇,佢話咁唔算,要近半年先得。聽完三位律師的意見我仲更加煩惱, 唔通真係要等兩年先可以離婚?同個衰人結o左婚十一年,一早就有離婚的念頭,而我好天真咁諗,開頭為o左個仔,之後望佢會改。到宜家終於都醒啦!真係好想快D搞掂佢,唔想再繼續拖落去。個衰人宜家知我唔會番轉頭,而家就成日打電話o黎要個仔聽電話,跟本個仔都唔想同佢講o野!個衰人以前對個仔不聞不問,宜家想要番個仔就猛咁落咀頭氹佢,好彩個仔就o黎十一歲,有自己的思想,冇比佢氹到