xwt 寫道:
咁0岩我又同你一樣 26/11預產期, 不過我仲又個女19個月大, 個工人又係唔識煮, 唔識都唔緊要, 教就得啦, 但自己又唔記住, 成日煮d野又唔熟先慘, 話完佢, 好幾日又衰番. 成日做野都好似發夢, 成日講大話, 做錯野又多多藉口. 我都曾經想換工人, 但係真係唔知點解, 最近無乜有湊過new born經驗0既工人, 就算有都好大年紀 (我得2X歲, 我驚請太大年紀唔聽我講).
依家都11月頭, 工人幾唔好都要忍, 如果唔係bb出左世冇人幫, 到時實比屋企人話死, 因為佢地個個都幫住個工人, 成日認為我要求太高, 咁洗碗唔乾淨, 煮野唔熟.....呢d都唔係佢錯嗎 ?? 佢地只話我唔識教, 個工人真蠢定扮蠢我就唔知, 但肯定佢明我講乜, 因為佢都做到, 只不過做好幾日, 跟住又失憶, 我都好驚我有產前/產後抑鬱症呀 !!
如非逼不得己, 我都唔想請工人呀 !!