mameme 寫道:
greetings
經阿8提醒, 都係唔好喇, 希望你唔好介意啦! 因我真係介紹咗好多太太上BK, 怕佢地亂估係唔係我, 又估係咪講緊佢地,小則累人疑心一場, 大就搞到人地個家喇! 請諒啊!
男人去叫雞都係45分鐘任做, 邊有可能check得咁盡呢, 簡單d講...有無太太會無端端check佢老公今日有無向公司請過病假? 但確實有人請病假陪條北姑去oceanpark玩, 夠鐘當放工返屋企! 香港好多行業都有機會蛇王, 有幾多太太會開工時間check個老公係咪真係見緊客? 但確實有人蛇王三粒鐘去跳茶舞! 所以我話...邊check得咁多!
其實我所講既..有行家亦又朋友, 只不過我果行多數都係男性, 我又成日跟住老公應酬, 例子自然較多, 十幾年黎..我同老公平均每日相對20小時以上, 我老公份人好討厭應酬, 又唔識同人風花雪月, 一開口就係講生意, 最大興趣就係搵錢, 反而我鐘意玩鐘意浦又識睇眉頭眼額, 佢就成日帶埋我去搞氣氛囉! 而且生意上佢亦依賴我幫手, 暫時佢都未敢以少博大
勸太太們一句, 唔好太避免同老公既同事應酬, 佢地相對既時間分分鐘不比你少! 可能佢地比你知得更多