烹飪搵食

跳至

首頁
1

尾頁
   0


大宅

積分: 4386


發表於 05-11-3 14:33 |顯示全部帖子

誠懇請教!

各位媽咪, 你地好!

想請教一下一些煮餸心得及技巧: ?-(

曾試過好多次煮白飲魚煎蛋的經驗, 無次成功, d人話好容易, 連自己個朋友唔係好識煮餸的都話易, 但整極都唔得, 我都把白飲魚買回來洗淨後, 隔去水份, 又用吸水紙吸水, 不過我係先放白飲魚落鑊先的, 一放落鑊就一攤水, 之後落蛋液炒極只有d蛋好老, d白飲魚好似仲係透明唔熟咁!

另蒸肉餅一問, 未入鑊之前個樣好靚, 但蒸出來有好多水, d肉唔得滑, 是否時間或火喉上的問題? 其實唔指蒸肉餅係有水出, 連蒸"魚云", 蒸蛋都係有好多水出的!

另煎魚腩, 或魚塊, 怎樣才不會散, 因煎煎下, d魚件不但唔會"挺"身, 之後會散散地, 再回鑊, 個買相又唔好睇呢!

仲有帶子, 我都有出水或走油的, 但每次整都係唔好味就係太實太乾, 唔會好似出面酒樓食到的帶子脹卜卜!

另想請問牛尾, 牛腩, 是否要用薑沖出水? 有何種食法, 牛腩買邊個位最好食?

以上可否詳細話給我聽的步驟? 自己唔係好鍾意食野, 但鍾意整俾人食! 見到佢地話好味 , 同埋食晒d餸, 自己好開心的!

唔該晒!!


男爵府

積分: 7751

畀面勳章


發表於 05-11-4 11:39 |顯示全部帖子

Re: 誠懇請教!

rubytsang,
白飯魚唔好買太大條...d蛋老晒都未煎熟ga...買返嚟洗一洗...瀝乾...加入蛋槳...+少少鹽同胡椒粉...搞勻...用中火慢慢煎...咁就好香又唔會出水...其實白飯魚好快熟ga...唔係用炒ge方法...係煎呀

蒸肉餅...加調味料後撻或搞至起膠...後+少許清水同埋生粉...大火蒸5分鐘...轉中火再蒸8分鐘...就得
蒸魚云...加薑汁...生粉同油拌勻...蒸8分鐘取出...約7-8成熟...倒去多餘的水...再把你想放的調味料鋪在魚云上續蒸2-3分鐘...就得
蒸水蛋...有條formular嫁...記住147...即係一罐史雲生+4隻蛋蒸7分鐘...又嫩又滑

煎魚...要煎熟晒一邊先至反另一邊煎...就唔會散晒ga la

帶子...本身好快熟ga...用蝦眼水淥一淥就得...再走一走油已經熟晒ga la...煮好晒d料...回鑊炒兩炒就得喇

牛尾, 牛腩, 係要用薑沖出水ga...牛尾我就未煮過...你可以上網揾食譜...牛腩就成日煮...因為個女鍾意食...通常都煮咖喱...加多d洋葱...煮出嚟會香好多ga...買牛腩要買~坑腩~先靚(好鬆化)...如果鍾意食有塊白色筋嗰部份就叫~崩沙腩~呢部份就冇咁多肉...多咗d筋...好滑好膠質...我最鍾意食...但係為咗就d女...我會買坑腩...牛肉佬知我鍾意食崩沙腩...次次都會搭少少比我ge...買崩沙腩要早少少去買ga...因為呢個部位唔係好多ga咋

以上ge資料希望可以幫倒你啦


男爵府

積分: 6641


發表於 05-11-5 07:47 |顯示全部帖子

Re: 誠懇請教!

rubytsang~

我以前都係"一放落鑊就一攤水",後來有次買魚個老板娘教我~洗完後用熱水沖一沖,佢就轉咗白色(不用隔水又吸水),跟住放落d打好的雞蛋度,落 D D 生粉, D D 鹽,就可以煎,到一面金黃再轉(因為我屋企人鍾意香口D) 咁我就覺得易又唔多工夫,再無出水的情形啦

我唔叻煮嘢,時時都學D易煮又唔多程序的菜....但希望幫到您啦!


子爵府

積分: 11611

畀面勳章


發表於 05-11-6 23:01 |顯示全部帖子

Re: 誠懇請教!

肥媽教白飯魚要用粉撈吓,然後再加雞蛋煎


首頁
1

尾頁

跳至
熱門主題