christina 寫道:
如廣東辣醬, 我鍾意余鈞益辣椒醬. 貪佢當中有辣椒子, 唔係得橙色一 pat 咁, 夠辣.可用黎點腸粉, 蘿蔔糕. 這個超市未必有, 通常要去雜貨鋪.
如桂林辣醬, 個人覺得偏鹹, 唔夠辣(因我食得好辣) 但用黎配翻上海白麵/年糕/雲吞/水餃...等幾好. 因不算好喜歡, 覺得冠益華記算是不錯.
不過最愛都係潮州辣油(要連埋辣椒子0個種), 食魚蛋河無佢真係唔食好過. 同台灣出既蒜蓉辣椒 (有現成買, 自己整當然得) , 粒粒蒜頭同辣椒清楚可見. 就咁撈白飯, 或就咁開辣椒豉油打邊爐都好好食. (唔同泡0個隻辣豉油啦)
對上都係一d 較易買到既提議. 有d 醬園, 粉麵店, 甚至酒樓, 都有佢地自己出品...^^