事先聲明有D晒架吓......
我生日老公有個死黨個媽出殯，要送上山食埋飯果隻，平時我會同佢出席，
但因為係我生日正日，阿媽叫我可以就唔好去，老公因為由細同死黨玩到大，
同佢屋企都好熟，佢話一定要去，但老公就一路問我媽呢樣得唔得，果樣又得唔得。
到咗我生日，我老公攞咗半日假，未夠鐘去殯儀館之前去買咗個蛋糕返屋企，
千叮萬囑我阿媽要點做，果陣我媽至記起係我生日，即刻去拎隻雞出嚟整，
去街市買魚買燒肉，如果唔係果晚會冇好餸食。最好笑係我老公同我媽雞同鴨講，
我媽講番出嚟笑死我。
好啦，去到切蛋糕果陣，我媽話有個曲奇餅我老公俾我，仲有個好巨嘅蛋糕，
我一睇，原來個曲奇餅係用朱古力寫咗Happy Birthday加我個名，
因為個蛋糕係黑森林蛋糕，上面有好朱古力碎同櫻桃，冇位寫字，
所以就寫喺個曲奇餅上面放上去朱古力面。
果刻我真係覺得好好笑，一個6呎高大隻佬原來都可以咁細心，結婚就7年，
年年生日佢都記得，都有大大小小驚喜，有時連我自己都唔記得，佢就一早安排晒，
不過有幾次俾我媽同我細佬唔覺意踢爆，好好笑。雖然老公冇同我食晚飯，
但有對仔女都好夠，佢兩個知道係媽咪生日好開心，又唱歌又抱，甜到漏。
唔好意思，借個位讚一讚我老公。
花旗太太生活在花旗國，留意時差，你問我未必即時答到。
發表於 
好好啊
發表於 
<font color="DarkOrchid">
返回列表
