我起初都以為係, 例如我有次提佢"喂, 你好似比以前瘦左喎, 有小小似皮包骨" 我口快快講左皮包骨, 但佢竟然笑, 仲講Thank you, 我以為佢無野, 以為佢都係一個好修養的人, 只怪自己衰多口左, 幸好佢無嬲我, 林住約佢請佢食飯補數啦, 點知佢一路無覆去唔去, 我再追問, 佢就好嬲好寸咁鬧我, 專登搵d野黎潤我一番, 之後話心領啦, 暗示唔會同我食飯, 我問點解唔同我食, 佢話只會同d好熟既人食. 跟住我問佢係咪嬲我之前講你皮包骨呀? 佢話: 唔係, 點會呢, 你講笑姐! 但以我所知, 佢平時上司鬧佢做錯野, 佢都會笑住講”多謝老板既教訓, 多謝老板入錢落我個袋”之類. 你地覺得究竟佢係咩人, 如果真係高EQ, 點解要之後要潤返我來回報呢!!